၁၉.၆.၂၀၂၅ ရက်နေ့ နံနက် (၈:၃၀) နာရီအချိန်က မွန်ပြည်နယ်၊ ပေါင်မြို့နယ်၌ အမှိုက် အမျိုးအစားခွဲခြားစွန့်ပစ်ခြင်း အသိပညာပေးစာစောင်အခမဲ့ဖြန့်ဝေခြင်းကို ပြုလုပ်ခဲ့ရာ မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ကျန်းမာရေးဦးစီးဌာန၊ ရပ်ကွက်ကျေးရွာအုပ်ချုပ်ရေးမှူးနှင့်အတူ ဌာနဆိုင်ရာများမှ ဈေးအတွင်း ဈေးသည်များအား အသိပညာပေးခြင်းနှင့် အခမဲ့ လက်ကမ်းစာစောင်များဖြန့်ဝေခြင်းကို ဆောင်ရွက်ခဲ့ကြောင်း သိရသည်။
အဆိုပါ အမှိုက်စွန့်ပစ်ခြင်းကို အမှိုက်ပုံးအရောင်လိုက်စွန့်ပစ်ကြရန်၊ အမှိုက်ပုံးအစိမ်းရောင်တွင် အမှိုက်စို၊ အမှိုက်ပုံးအဝါရောင်တွင် အမှိုက်ခြောက်၊ အမှိုက်ပုံးအပြာရောင်တွင် ပလက်စတစ်အမှိုက်၊ အမှိုက်ပုံးအနီရောင်တွင် ဘေးအန္တရာယ်ရှိအမှိုက်များ စနစ်တကျစွန့်ပစ်ကြရန် အသိပညာပေးခဲ့ကြောင်း သိရသည်။
DOCA (မွန်)