မိတ္ထီလာမြို့နယ်တွင် လယ်ယာစိုက်ပျိုးရေးလုပ်ငန်းများအပြင် မွေးမြူရေးလုပ်ငန်းများလုပ်ကိုင် လျက်ရှိပြီး မွေးမြူရေးလုပ်ငန်းများမှထွက်ရှိသော နို့နို့ထွက်ပစ္စည်းများကို ကုန်ချောထုတ်လုပ်၍ ရောင်းချကြကြောင်း၊ မိတ္ထီလာမြို့ ညောင်ပင်သာယာကျေးရွာအုပ်စု တောမကျေးရွာရှိ High Best နို့ချက် လုပ်ငန်းသည် နို့နှင့်နို့ထွက်ပစ္စည်းကို ကိုယ်ပိုင်မွေးမြူရေးခြံမှထုတ်လုပ်လျက်ရှိပါသည်။
High Best နို့ချက် လုပ်ငန်းသည် နို့စားနွားကောင်ရေ (၁၄၀) ကောင်ရှိပြီး နို့ညစ်နွားကောင်ရေ (၅၇)ကောင်ရှိကြောင်း၊ တစ်ရက်လျှင်နွားနို့(၄၈၀)ပိဿာ ထွက်ရှိကြောင်း၊ ထွက်ရှိသောနွားနို့ကို ဝင်းဝင်းတမအမှတ်တံဆိပ်ဖြင့် နို့ဆီ(၄၀)ပိဿာ၊ ဒိန်ချဉ်(၅၀)ပိဿာ ထုတ်လုပ်ပြီး ကျန်ရှိသော နွားနို့များကို နို့စိမ်းအနေဖြင့် ဒေသတွင်းရှိ လက်ဖက်ရည်ဆိုင်၊ မုန့်လုပ်ငန်း၊ ဒိန်ချဉ်လုပ်ငန်းများသို့ ရောင်းချကြကြောင်း၊ High Best နို့ချက်လုပ်ငန်းသည် လုပ်သား(၁၅)ဦီးဖြင့် လုပ်ငန်းလည်ပတ်လျက်ရှိကြောင်း၊ ဈေးနှုန်းအနေဖြင့် နို့ဆီတစ်ပိဿာလျှင်(၁၁၀၀၀)ကျပ်၊ဒိန်ချဉ် တစ်ဘူးလျှင်(၇၀၀-၁၅၀၀)ကျပ်၊ နွားနို့ တစ်ပိဿာလျှင်(၃၀၀၀-၄၀၀၀)ကျပ်ဈေးဖြင့် ရောင်းချလျက်ရှိကြောင်း၊ ဈေးကွက်အဖြင့် ဒေသတွင်းအပြင် ရန်ကုန်၊ ပျဉ်းမနား၊နေပြည်တော် မြို့များသို့တင်ပို့ရောင်းချကြောင်း သိရှိရပါသည်။
DOCA(မန္တလေး)