စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် မြန်မာနိုင်ငံဆန်စပါးအသင်းချုပ်နှင့် ပူးပေါင်း၍ ပြည်ပသို့ စနစ်တကျတင်ပို့ရောင်းချနိုင်ရေး၊ ပြည်တွင်း ဆန်စပါးဖူလုံရေး၊ ဆန်စပါးစျေးကွက်နှင့်စျေးနှုန်း တည်ငြိမ်စေရေး စျေးကစားလိုသည့် ရည်ရွယ် ချက်ဖြင့် သိုလှောင်ခြင်း၊ စျေးနှုန်းမြှင့်တင်ရောင်းချခြင်းများ မဖြစ်ပေါ်စေရေးအတွက် လစဉ်သင့်တင့် မျှတသော ဆန်စျေးနှုန်းများ ထုတ်ပြန်၍ ထိန်းကျောင်းဆောင်ရွက်လျက်ရှိပါသည်။
ရေနံချောင်းမြို့နယ်တာဝန်ခံသည် (၁၅.၆.၂၀၂၅)ရက်နေ့၊ နံနက်(၀၉:၀၀)နာရီအချိန်တွင် အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ စည်ပင်သာယာရေးအဖွဲ့များနှင့်ပူးပေါင်း၍ ရေနံချောင်းမြို့၊ မြို့မစျေးဝန်းကျင်ရှိ ဆန်ဆိုင်များအား လစဉ် သတ်မှတ်ထုတ်ပြန်ထားသော သင့်တင့်မျှတသည့် စျေးနှုန်းအတိုင်း ရောင်းချမှုရှိ/ မရှိ၊ အမျိုးအစားမတူ စျေးနှုန်းမတူသော ဆန်များ ရောနှောရောင်းချမှုရှိ/မရှိ စိစစ်ကြပ်မတ်ဆောင်ရွက်ခဲ့ကြောင်း သိရသည်။
DOCA(မကွေး)