ဆီတို့ဟူးသည် ရိုးရိုးတို့ဖူးနဲ့မတူဘဲ အချဉ်ဖောက်ပြီးမှသာ ရရှိလာကြောင်း၊ ပဲပြားများကို ကောက်ရိုး သို့မဟုတ် အဝတ်၊ ငှက်ပျောရွက်ခြောက်များဖြင့် ပဲပြားအတုံးများကို လက်သန့်သန့်ဖြင့် ကိုင်ပြီး အိုးထဲထည့်ကာ အခန်းအပူချိန်မှာ ၅ရက်ထားပြီးလျှင် ဆီတို့ဟူးများရရှိလာကြောင်း သိရှိရ သည်။
ကန့်ဘလူမြို့မဈေးတွင် ရောင်းချလျှက်ရှိသော ဆီတို့ဟူးများကို ဟိုပင်မြို့နှင့် မိုးညှင်းမြို့ တို့မှ ဝယ်ယူရောင်းချကြောင်း၊ ၂၀၂၅ ခုနှစ်၊ ဇွန်လ တတိယပတ်အတွင်း ဆီတို့ဟူး(၁)သေတ္တာလျှင် (၄၅၀၀)ကျပ်နှင့် (၁၀)ကျပ်သားလျှင်(၁၂၀၀)ကျပ်ဖြင့် ရောင်းချကြောင်း၊ ဆီတို့ဟူးပြုလုပ်ရန် အချဉ် ဖောက်တဲ့အခါမှာလည်း ကောင်းသောဘက်တီးရီယားများ ပေါက်ပွားလာလို့ ဆီတို့ဟူးစားသုံးခြင်း ကအစာချေစနစ်ကို ကောင်းစေကြောင်း၊ ဆီတို့ဟူးကို ကျေးလက်နေပြည်သူများက ဝယ်ယူစားသုံး ကြသည့်အတွက် အရောင်းအဝယ်ဖြစ်လျက်ရှိကြောင်း လုပ်ငန်းရှင်များထံမှ သိရှိရပါသည်။
DOCA(စစ်ကိုင်း)