ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စားသုံးသူရေးရာဦးစီးဌာနက မြို့မဈေးအတွင်းနှင့်၊ ရပ်ကွက်ရှိ "သောက်ရေသန့်"ထုတ်လုပ်ရောင်းချနေသော" ရေသန့် လက်ကားအရောင်းဆိုင်များသို့ ကွင်းဆင်း၍ လက်ရှိရောင်းချနေသော ကုန်ပစ္စည်းများအား ကုန်အညွှန်းအမှတ်အသားများ ပြည့်စုံမှုရှိ/မရှိတို့ကို (၁၅-၆-၂၀၂၅)ရက်နေ့ နေ့လယ်ပိုင်းက ကွင်းဆင်းစစ်ဆေးဆောင်ရွက်ခဲ့ပြီး အသိပညာပေးပြောကြားခဲ့သည်။
ထိုသို့ ကွင်းဆင်းစစ်ဆေး အသိပညာပေးဆောင်ရွက်ရာတွင် မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံဦးစီးမှူး ဦးအောင်ဇော်ဦး ဦးစီးရာရှိက ကုန်အညွှန်းအမှတ်အသား ပြည့်စုံမှုရှိ/မရှိ၊ သောက်သုံးသူနှင့်ပတ်သက်ဆက်နွယ်သည့် အကြောင်းအရာများ ပြောကြားပြီး ဝန်ဆောင်မှုနှင့်ပတ်သက်သည့် အကြောင်းအရာများ၊ ရေသန့်လုပ်ငန်းများမှ ပြည်သူများသို့ဖြန့်ဖြူးနေသော သောက်သုံးရေများအား သုံးစွဲသူများ၏ကျန်းမာရေးနှင့် ကိုက်ညီစေရန်အတွက် ရှင်းလင်းပြောကြားခြင်း၊ ကုန်အညွှန်းအမှတ်အသား ပြည်စုံစွာပါဝင်သော ကုန်စည်များကိုရောင်းချရန်၊ ကုန်စည်တွင် ပါဝင်သော သတင်းအချက်အလက်များနှင့်အညီ နေရောင်နှင့် တိုက်ရိုက်ထိတွေ့သောနေရာတွင် ချထား၍ ရောင်းချခြင်းမပြုရန်၊ ရေသန့်ဗူးများကို သန့်ရျင်သော နေရာတွင် ထား၍ ရောင်းချရန်၊ ရေသန့်ရောင်းချသူလုပ်ငန်းရှင်များက စည်းကမ်းစနစ်နှင့်အညီ လုပ်ကိုင်ဆောင်ရွက်ရန်ကို ရှင်းလင်းပြီး သတ်မှတ်ချက်များကို လိုက်နာဆောင်ရွက်ခြင်းမရှိပါက ဥပဒေများအတိုင်း အရေးယူဆောင်ရွက်သွားမည်ဖြစ်ကြောင်းကို ဆိုင်ရှင်များသိရှိနိုင်ရန် ပြောကြားခဲ့ကြောင်း သိရသည်။
DOCA(ဧရာဝတီ)