ကလေးမြို့နယ်တွင် ( ၁၇.၆.၂၀၂၅ ) ရက်နေ့၊ နံနက် ( ၀၉:၃၀ ) နာရီအချိန်တွင် သမဝါယမနှင့်ကျေးလက်ဖွံ့ဖြိုးရေး ဝန်ကြီးဌာန အသးစားစက်မှုလက်မှုလုပ်ငန်းဉီးစီးဌာန၊ ကလေး ခရိုင်ဉီးစီးမှူးရုံးတွင် Snack အမျိုးမျိုးထုတ်လုပ်မှုနည်းပညာ သင်တန်းဆင်းပွဲအခမ်းအနား တွင်သင်တန်းသား/သူနှင့် ဝန်ထမ်းများ စုစုပေါင်း( ၃၀ )ဦး တက်ရောက်ခဲ့ပါသည်။
အဆိုပါအခမ်းအနားတွင် ကျေးလက်ဒေသဖွံ့ဖြိုးတိုးတက်ရေးဉီးစီးဌာန ဉီးဟန်ထွန်းအောင် ဒုတိယညွှန်ကြားရေးမှူးမှ Snack အမျိုးမျိုးထုတ်လုပ်မှုနည်းပညာနှင့် ပတ်သက်၍ အဖွင့်အမှာ စကားပြောကြားခဲ့ပြီး ခရိုင်အသေးစား စက်မှုလက်မှုလုပ်ငန်းဉီးစီးဌာန၊ ဉီးထိုက်တန် (လက်ထောက်ညွှန်ကြားရေမှူး)မှ ခရိုင်အသေးစားစက်မှုလက်မှုဉီးစီးဌာန၏ ၂၀၂၅-၂၀၂၆ ဘဏ္ဍာ နှစ် နှစ်ဦး(၁/၂၀၂၅)ကြိမ်မြောက်ပြုလုပ်ခဲ့ပြီး အခြားသင်တန်းများကိုလည်း ဆက်လက်ဖွင့်လှစ် သွားမည်ဖြစ်ပါကြောင်း ဆွေးနွေးပြောကြားပြီး ကလေးခရိုင်၊စားသုံးသူရေးရာဉီးစီးဌာန၊ ခရိုင်ဉီးစီးမှူး ဒေါ်သန်းသန်းဝင်းမှ ကုန်ပစ္စည်းများ မိမိတို့ကိုယ်တိုင် တစ်ပိုင်တစ်နိုင်ထုတ်လုပ်မည် ဆိုပါက ထုတ်လုပ်မှုကုန်ပစ္စည်းအမျိုးအစားပေါ်မူတည်၍ ပါဝင်ရမည့် ( ၂/ ၂၀၁၉ )ပါ၊ ကုန်အညွှန်း အမှတ်အသားများတွင် မဖြစ်မနေထည့်သွင်းဖော်ပြရမည့် အချက်အလက်များ ဝန်ဆောင်မှု ကိစ္စရပ်များ ဟောပြောဆွေးနွေးခဲ့ပါသည်။
သင်တန်းပို့ချရာတွင် သင်တန်းသူများသို့ စာကလေးခွေကြော်၊ ကုလားပဲချောင်းကြော်၊ ကြက်သွန်ပေါင်းခြောက်ကြော်၊ ငါးမုန့်ခြောက်ကြော်၊ ထော်ပတ်ပေါက်ပေါက်၊ ချောကလက် ပေါက်ပေါက်၊ အာလူးကြော်၊ ပဲမှန်ကူ၊ အုန်းမုန်ကူ၊ ငါးမုန့်ကြော်ခြောက်အစိမ်းတို့ကို သင်ကြား ပို့ချခဲ့ပြီး သင်တန်းသူများအနေဖြင့် သင်တန်းမှရရှိသော နည်းပညာများကို အသုံးချ၍တစ်ပိုင်တစ်နိုင် စီးပွားရေးလုပ်ငန်းများဆောင်ရွက် နိုင်မည်ဖြစ်သည့်အတွက် သင်တန်းသားများအနေဖြင့် ဝမ်းမြောက်ဂုဏ်ယူပါကြောင်း နောက်နောင် သင်တန်းများတွင်လည်း မျိုးဆက်သစ်လူငယ်များအား လက်ဆင့်ကမ်း သင်ကြားပေးသွားမည်ဖြစ်ပါကြောင်း သင်တန်းသားမှ ကျေးဇူးသင်စကား ပြောကြားပြီး အခမ်းအနားကို (၁၀:၃၀)တွင် ရုတ်သိမ်းခဲ့ကြောင်း သတင်းရရှိရပါသည်။
DOCA(စစ်ကိုင်း)