သင်္ဘောပင်သည် မြန်မာပြည်အနှံ့အပြားရှိ နေရာဒေသမရွေး၊ မြေအမျိုးအစားမရွေး စိုက်ပျိုး၍ရသည့်အပင်ဖြစ်သည်။ အထူးတလည် စိုက်ပျိုးစရာမလိုဘဲ သင်္ဘောသီးမှည့်မှ ရလာသည့် အစေ့ကို စိုက်ပျိုးကြသလို သင်္ဘောပင်မှ ပေါက်သည့် အပေါက်များကိုလည်း စိုက်ပျိုးကြပါသည်။ မိမိတို့အိမ်ခြံဝန်းများတွင် တစ်နိုင်တစ်ပိုင်စိုက်ပျိုးကြပြီး၊ ကုန်းမြေများ လယ်မြေများတွင်လည်း စီးပွားဖြစ်စိုက်ပျိုးကြပါသည်။ သင်္ဘောသီးများကို ရွှေဘိုမြို့နယ်အပြင်၊ ဝက်လက်မြို့နယ်ရှိ ရွှေပန်း ကုန်းကျေးရွာများမှ လာရောက်ရောင်းချလျက်ရှိကြောင်း သိရှိရပါသည်။
စားသုံးသူများသည် သင်္ဘောသီးစိမ်းကို အချိုသုပ်၍သော်လည်းကောင်း၊ အစုံသုပ်အဖြစ် သော်လည်းကောင်း၊ သင်္ဘောသီးထောင်းအဖြစ်သော်လည်းကောင်း စားသုံးကြပါသည်။ သင်္ဘောသီး စိမ်းကို အစုံသုပ်ရောင်းချသည့်ဆိုင်များ၊ သင်္ဘောသီးထောင်းရောင်းချသည့် တွန်းလှည်းသည်များမှ အများဆုံး ဝယ်ယူကြကြောင်း သိရှိရပါသည်။
၂၀၂၅ ခုနှစ်၊ ဇွန်လ (တတိယ)ပတ်တွင် ဖြစ်ပေါ်နေသော သင်္ဘောသီးစိမ်းဈေးနှုန်းမှာ အရွယ် အစားပေါ်မူတည်၍ (၁)လုံးလျှင် (၅၀ဝိ/-)ကျပ်မှ (၁၀၀ဝိ/-)ကျပ်အထိ အရောင်းအဝယ်ဖြစ်လျက်ရှိ ကြောင်း သိရှိရပါသည်။
DOCA(စစ်ကိုင်း)