မွန်ပြည်နယ်၊ စားသုံးသူရေးရာဦးစီးဌာန၊ ဘီးလင်းမြို့နယ်၊ မြို့နယ်တာဝန်ခံ ဒေါ်ဇင်ဖြူဝင်းသည် မြို့နယ်ယူရီးယားမြေသြဇာ ဝယ်ယူဖြန့်ဖြူးရောင်းချရေးကော်မတီအဖွဲ့နှင့် အတူ (၉.၆.၂၀၂၅) ရက်နေ့တွင် ဘီးလင်းမြို့နယ်၊ သစ်တိုကျွန်းကျေးရွာရှိ (ပြုံးမောင်မောင်) စိုက်ပျိုးရေးဆေး၊ မျိူးစေ့နှင့် ဓာတ်မြေသြဇာ အရောင်းဆိုင်သို့ သွားရောက်၍ ဓာတ်မြေသြဇာ အမျိုးမျိုးတို့၏ စျေးနှုန်းအရည်အသွေး မှန်ကန်မှု ရှိ/မရှိ စစ်ဆေးခဲ့ရာ ဓာတ်မြေသြဇာ အမျိုးမျိုးဖြစ်သော ရွှေကောမက်(50kg) ၁၄၅၀၀၀ ကျပ်၊ ရွှေတောင်(တရုတ်) (50kg)၁၀၀၀၀၀ ကျပ်၊ သံကွင်း(တရုတ်) ၁၅၂၀၀၀ ကျပ်၊ ၁၅ပတ်လည်(ရိုးရိုး) ၁၄၀၀၀၀ ကျပ်တို့ဖြင့် ရောင်းချ နေပြီး စျေးနှုန်းသင့်တင့်၍ အရည်အသွေးနှင့်အလေးချိန်ပြည့်မှီကြောင်း တွေ့ရပါသည်။ အရောင်းဆိုင်ရှင်အား စျေးကွက်အရောင်းအဝယ်အခြေအနေအား မေးမြန်းကြည့်ရာတွင် ယခုရာသီ၌ မိုးအလွန်များနေသဖြင့် စိုက်ပျိုးရေးတောင်သူများ စိုက်ပျိုးရေးလုပ်ငန်းများကို ရေးကြီးနစ်မြှပ်၍ ပျက်စီးမှာ စိုးရိမ်သဖြင့် လုပ်ကိုင်ဆောင်ရွက်နေကြရသဖြင့် အရောင်းအဝယ် အနည်းအငယ်ကျဆင်းကြောင်း သိရှိရပါသည်။
DOCA (မွန်)