၂၀၂၅ ခုနှစ် မေလ(၁၆)ရက်နေ့၊ နေ့လယ်(၁၃:၃၀)နာရီအချိန်တွင် ရန်ကုန်တိုင်းဒေသကြီး သန်လျင်ခရိုင်၊ ခရမ်းမြို့နယ်အတွင်းရှိ ဆန်သိုလှောင်ရုံများနှင့် ဆန်စက်များအတွင်းရှိ သိုလှောင် ထားရှိသော စပါး၊ ဆန်များအား မြို့နယ်အထွေထွေ အုပ်ချုပ်ရေးဦးစီးဌာန၊ ဒုတိယမြို့နယ် အုပ်ချုပ်ရေးမှူး ဦးဆောင်၍ မြို့နယ်ရဲတပ်ဖွဲ့ဝင်များ၊ စားသုံးသူရေးရာဦးစီးဌာန၊ ခရမ်းမြို့နယ် တာဝန်ခံ၊ မြို့နယ်စည်ပင်သာယာရေးအဖွဲ့ အမှုဆောင်အရာရှိတို့ ပါဝင်သော ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။
အဆိုပါ ပူးပေါင်းအဖွဲ့ဖြင့် ကွင်းဆင်းစစ်ဆေးရာတွင် စီးပွားရေး လုပ်ငန်းဆောင်ရွက်ရန် ဆန်တန်ချိန် (၂၅)တန်နှင့်အထက် သိုလှောင်ရုံ (သို့မဟုတ်) စပါးတင်း(၂၅၀၀)နှင့်အထက် သိုလှောင်ရုံ တစ်မျိုးမျိုးကို ပိုင်ဆိုင်သူသည် မြန်မာနိုင်ငံ ဆန်စပါးအသင်းချုပ် MyRo တွင် မှတ်ပုံ တင်ပြုလုပ်ကြရန်နှင့် မှတ်တင်ထားရှိပြီးသော သိုလှောင်ရုံများသည်လည်း သိုလှောင်ထားသော စပါး၊ ဆန်လက်ကျန်များ၊ ကုန်ရ၊ ကုန်ထုတ်စာရင်းမျာအားလည်း လဆန်း(၇)ရက် မတိုင်မီ မပျက်မကွက် စာရင်းပြုစု တင်ပြကြရန်နှင့် ရွှေဘိုပေါ်ဆန်း၊ ကြားပျံ၊ ဧရာဝတီပေါ်ဆန်း ဆန်များ အား ဈေးကစားရန် ရည်ရွယ်ချက်၍ သိုလှောင်ထားခြင်း မရှိစေရန်တို့ကို အသိပေးပြောကြားပြီး သိုလှောင်ရုံအတွင်း သိုလှောင်ထားသော ဧည့်မထစပါး၊ ဆန်အိတ်လက်ကျန်များအား စာရင်း ကောက်ယူခဲ့ကြောင်း သိရှိရပါသည်။
DOCA(ရန်ကုန်)