စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေ တို့အား ရေးသားတင်ပြလျက်ရှိရာ ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင်ရောင်းချလျက် ရှိသည့် ဒေသထွက်သောက်ရေအိုးများကို ကန့်ဘလူမြို့နယ်မှထွက်ရှိသလို ကျွန်းလှမြို့နယ်နှင့် တန့်ဆည်မြို့နယ်မှ ဝယ်ယူရောင်းချကြောင်း သိရသည်။
နွေရာသီသည် ပူအိုက်သောကြောင့် လူတို့သည် ရေကိုအခြားအချိန်များထက် ပိုမိုသောက်သုံး ကြကြောင်း၊ အပူဒဏ်ကြောင့် ပင်ပန်းနွမ်းနယ်မှုတို့သည် ရေအေးအေးလေးသောက်လိုက်လျှင် ပြေ ပျောက်သွားကြောင်း၊ ယခုအခါ ရေကိုအေးအောင် ရေခဲသေတ္ထာများ၊ Water Coolerများ အသုံးပြု၍ ရသော်လည်း မြန်မာလူမျိုးတို့သည် ရှေးယခင်ကတည်းက သောက်ရေအိုး(မြေအိုး)များကို အစဉ် အဆက်အသုံးပြုလာကြသည်မှာ ယနေ့ထိပင်ဖြစ်ကြောင်း၊ နွေရာသီရောက်လာလျှင် ဝယ်ယူသူများ ပြားကာ သောက်ရေအိုး(မြေအိုး)ဈေးနှုန်းမှာ အကြီး(၁)လုံးလျှင် ၆၀၀၀ကျပ်၊ အလတ်(၁)လုံးလျှင် ၄၀၀၀ကျပ်နှင့် အသေး(၁)လုံးလျှင် ၃၀၀၀ကျပ်ဖြင့်ရောင်းလျက်ရှိကြောင်း၊ သောက်ရေအိုး(မြေအိုး) နှင့်ထည့်ထားသည့် ရေသည် သဘာဝအတိုင်း အအေးဓာတ်ကိုပေးသည့်အတွက် ကျန်းမာရေးနှင့် ပိုမို ညီညွတ်သည့်အတွက် လူကြိုက်များကာ သောက်ရေအိုး(မြေအိုး)များ အရောင်းအဝယ်သွက်လျက် ရှိကြောင်း သတင်းရရှိပါသည်။
DOCA(စစ်ကိုင်း)