ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့ရှိ စားသုံးသူရေးရာဦးစီးဌာနမှ ခရိုင်ဦးစီးမှူးနှင့်အတူ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ခုနှစ်၊ မေလ (၈)ရက်နေ့တွင် မြို့နယ်တာဝန်ခံရုံး၌ စားသုံးဆီဖြန့်ဖြူးရောင်းချသည့် လုပ်ငန်ရှင်များအား စားသုံးသူကာကွယ်ရေး အသိပညာပေး ဟောပြောခြင်း ဆောင်ရွက်ခဲ့ကြောင်း သိရသည်။
အဆိုပါ ဟောပြောပွဲတွင် ခရိုင်ဦးစီးမှူးက စားသုံးဆီ ဖြန့်ဖြူးရောင်းချသည့် ကိုယ်စားလှယ်များအားလုံး ညွှန်းကြားချက်များအရ လိုက်နာဆောင်ရွက်ကြရန်၊ စားသုံးဆီ လက်လီလက်ကား ရောင်းချသည့် ဆိုင်အားလုံး ကုမ္ဗဏီအမည်၊ နေ့စွဲ ၊ ရောင်းချသည့် ပိဿာ၊ ဈေးနှုန်း၊ ဆိုင်ဘုတ်ကပ်ရောင်းချရန် ဝန်ခံကတိပြု လက်မှတ်ရေးထိုး၍ ညွှန်ကြားချက်များအား မှာကြားပြီး လိုက်နာဆောင်ရွက်ကြရန် ပြောကြားခြင်း၊ ပြည်ပမှ တင်သွင်းလာသော ချိတ်ပိတ်စားသုံးဆီဘူးများတွင် ကုန်အညွှန်းအမှတ်အသားပြည့်မှီမှုရှိသော ဆီဘူးများသာ ရောင်းချရန် ပြောကြားခဲ့သည်။ ထို့နောက် သက်မှတ်ရည်ညွှန်းဈေးအတိုင်း ဆို်ငးဘုတ်တင် ရောင်းချရမည် ဖြစ်ကြောင်း၊ တရားမဝင်ကုန်စည်များနှင့် ပတ်သက်၍လည်း ဝယ်ယူရောင်းချခြင်း မပြုရန် ဈေးကစားရန်ရည်ရွယ်၍ သိုလှောင်ထားရှိမှု မပြုကြရန် ဆွေးနွေး၍ အသိပညာပေး ဟောပြောခဲ့ကြောင်း သတင်းရရှိပါသည်။
DOCA(ဧရာဝတီ)