(၁.၅.၂၀၂၅)ရက်နေ့ နံနက်(၉:၀၀)နာရီအချိန်တွင် မြို့နယ်အထွေထွေအုပ်ချုပ်ရေး ဦးစီးဌာန၏ ဦးဆောင်မှုဖြင့် ထန်းတပင်မြို့နယ်အတွင်းရှိ အိမ်ဆောက်ပစ္စည်းများရောင်းချ နေသော ဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ ဆောင်ရွက်ခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှ အုပ်ချုပ်ရေးမှူး ဦးနိုင်နိုင်ဦးပါ (၂)ဦး၊ မြို့နယ်ရဲတပ်ဖွဲ့မှ ရဲမှူးကြီးခင်စိုးပါ (၂)ဦး၊ အထူးစုံစမ်းစစ်ဆေးရေး ဦးစီးဌာနမှ ဦးစီးအရာရှိ ဦးမျိုးသန့်ပါ (၂)ဦး၊ ပြည်တွင်းအခွန်များဦးစီးဌာနမှ အကြီးတန်းစာရေး ဒေါ်သီရိကိုပါ (၂)ဦး၊ မြို့နယ်စည်ပင်သာယာရေးအဖွဲ့မှ ဦးခန့်သွင်ဦးပါ(၁)ဦးနှင့် စားသုံးသူ ရေးရာဦးစီးဌာနမှ ဦးဇော်မြင့်၊ ဒုကြီးကြပ်ရေးမှူးတို့ ပူးပေါင်းပါဝင်လျက် ထန်းတပင်မြို့နယ်ရှိ ရပ်ကွက်/ကျေးရွာများရှိ ဘိလပ်မြေ၊ အုတ်၊ သဲ၊ ကျောက်ဆိုင်များဖြစ်သော ရွှေမိုး၊ Morning Star၊ အောင်ပြည့်ဟိန်း၊ King Power ဆိုင်များတွင် ဘိလပ်မြေအမှတ်တံဆိပ်များဖြစ်သော Crwon၊ Apache၊ Max အမျိုးအစား များနှင့် အုတ်၊ သဲ၊ ကျောက်၊ သံပစ္စည်းများပြတ်လပ်မှု မရှိကြောင်း၊ ဈေးနှုန်းမှာလည်း ဝယ်ယူဈေးထက် သင့်တင့်သောဈေးနှုန်းနှင့်သာ ပြန်လည် ရောင်းချနေပါကြောင်း၊ ပစ္စည်းများကိုလည်း သိုလှောင်ထားခြင်းများ မရှိပါကြောင်း သိရှိရပါသည်။
DOCA(ရန်ကုန်)