၁၇.၂.၂၀၂၅ ရက်နေ့တွင် မွန်ပြည်နယ်၊ ဘီးလင်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ဇင်ဖြူဝင်းသည် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ဘီးလင်းမြို့၊ ကန်သာယာရပ်ကွက်အတွင်းရှိ အလှကုန်ပစ္စည်းအမျိုးမျိုး ရောင်းချနေသော စတိုးဆိုင်များသွားရောက်၍ (၁၀) ဂရမ်အထက်ရှိသော အလှကုန်ပစ္စည်းများ အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။
ထိုသို့ ဈေးကွက်စောင့်ကြည့်စစ်ဆေးရာ သနပ်ခါး၊ အသားလိမ်းဆီ၊ မျက်နှာလိမ်းခရင်(မ်) နှင့် မျက်နှာသစ်ဆပ်ပြာကဲ့သို့သော အလှကုန်များကို အဓိကထားစစ်ဆေးခဲ့ရာ ထိုအလှကုန် ပစ္စည်းများတွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်း ရှိ/မရှိ၊ သက်ဆိုင်ရာဌာန များ၏ ထောက်ခံချက် ပါ/မပါတို့ကို စစ်ဆေးပြီး ထိုအချက်များပါသော ကုန်စည်များကိုသာ တွေ့ရပါသည်။ အလှကုန်ပစ္စည်းရောင်းချနေသော ဆိုင်ရှင်များ၏ ပြောကြားချက်အရ ယခုအခါ တွင်ဝယ်ယူသူတို့သည် အလှကုန်ပစ္စည်းများ ရွေးချယ်ဝယ်ယူကြရာတွင် ကုန်အညွှန်းအမှတ် အသားနှင့် သက်ဆိုင်ရာဌာနများ၏ ထောက်ခံချက်ပါသော ကုန်စည်များကိုသာ အချက်အလက် များစစ်ဆေးပြီးမှ ဝယ်ယူကြကြောင်း၊ ဈေးကွက်တွင် နာမည်ကြီး၍ လူအများယုံကြည်သုံးစွဲ ကြသော ရွှေပြည်နန်း၊ Nivea၊ bella ကဲ့သို့သော အမှတ်တံဆိပ်ပါ ကုန်စည်များမှာ ပို၍ရောင်းရ ကြောင်း သိရှိရပါသည်။
DOCA(မွန်)