မကွေးတိုင်းဒေသကြီး၊ မကွေးမြို့နယ်အတွင်းရှိ အသေးစား၊ အငယ်စား၊ အလတ်စားကုန်ထုတ် လုပ်ငန်းများအတွက် လုပ်ငန်းအသီးသီးတွင်သုံးစွဲရန် စားအုန်းဆီများဝယ်ယူခွင့်ရရှိရေးအတွက် သက်ဆိုင်ရာလုပ်ငန်း လိုင်စင်များနှင့်အတူ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးသို့ လစဉ်လျှောက်ထား ရယူလျက်ရှိရာ ဝယ်ယူရရှိသော လုပ်ငန်းသုံးစားအုန်းဆီများအား လုပ်ငန်းတွင် အမှန်တကယ် သုံးစွဲမှုရှိ/မရှိ၊ တစ်ရက်လျှင်စားအုန်းဆီသုံးစွဲမှု၊ ကုန်ကြမ်းသုံးစွဲမှု ကုန်ချောထွက်ရှိမှု၊ ဖြန့်ဖြူးရောင်းချမှုနှင့် ဈေးနှုန်းအခြေအနေများအား (၁၀.၂.၂၀၂၅)ရက်နေ့၊ နံနက်(၁၀:၀၀)နာရီအချိန် တွင် စားသုံးသူရေးရာဦးစီးဌာန၊ မကွေးမြို့နယ်တာဝန်ခံနှင့်ဝန်ထမ်းများမှ မြေပြင်ကွင်းဆင်း စစ်ဆေးခဲ့ ကြောင်း သိရသည်။
မကွေးမြို့နယ်ရှိ ပဲကြော်လုပ်ငန်းများ၌ ကုန်ကြမ်း၊ ပဲကြီး(၃၀)ပိဿာ တစ်အိတ်လျှင် ကျပ်(၁၁၀၀၀၀)နှုန်းဖြင့်ဝယ်ယူရပြီး ကုန်ချောပဲကြော်(၁)ပိဿာလျှင် ကျပ်(၁၀၅၀၀-၁၂၀၀၀-၁၃၀၀၀) ဖြင့် (၃၀)ပိဿာဝင်အိတ်များဖြင့်ထည့်ပြီး ရန်ကုန်မြို့၊ မန္တလေးမြို့၊ ပျဉ်းမနားမြို့၊ တောင်ကြီး ဒေသ များနှင့် ဒေသတွင်း၌ ရောင်းချလျက်ရှိကြောင်း၊ ဝန်ထမ်းများအနေဖြင့် တစ်ရက်လျှင် အမျိုးသားတစ်ဦး ကျပ်(၁၁၀၀၀)၊ အမျိုးသမီးတစ်ဦး ကျပ်(၇၀၀၀)နှင့် ပဲခွံချွတ်အမျိုးသမီးများအား ပဲကြီး(၁)ပိဿာလျှင် ကျပ်(၃၀၀)နှုန်းဖြင့် တစ်ရက်လျှင် လုပ်သားခ ကျပ်(၅၀၀၀-၆၀၀၀)ခန့်ရရှိလျက်ရှိပြီး နီးစပ်ရာ ပတ်ဝန်းကျင်မှ ပဲခွံချွတ်သူများအနေဖြင့် အိမ်အလုပ်မပျက်စေဘဲ အပိုဝင်ငွေရရှိလျက်ရှိကြောင်း လေ့လာသိရှိရပါသည်။
DOCA(မကွေး)