ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့ နယ်အတွင်းရှိ စားသုံးဆီဆိုင်များအား ၁၁.၂.၂၀၂၅ နေ့နံနက် ၁၀ နာရီခွဲအချိန်က စားသုံးသူများ ကုန်ဈေးနှုန်းတည်ငြိမ်စွာဝယ်ယူနိုင်ရေး၊ စားသုံးသူများ ဘေးအန္တရာယ်ကင်းစွာ သုံးစွဲနိုင်ရေးကို လစဉ် ကွင်းဆင်းစစ် ဆေးခဲ့ကြောင်း သိရသည်။
ထိုသို့ စစ်ဆေးရာတွင် ပန်းတနော် အနောက်ပိုင်းရပ်ကွက်နှင့် မြို့မဈေးကြီးအတွင်းရှိ စားသုံးဆီအရောင်းဆိုင်များကို မအူပင်ခရိုင်ဦးစီးမှူး ဦးဇော်မင်းနှင့် ပန်းတနော်မြို့နယ်တာဝန်ခံ ဦးအောင်ကျောက်သက်နှင့် တာဝန်ရှိသူအဖွဲ့များက စစ်ဆေးရာ၌ ပြည်တွင်းထုတ်အမှတ် တံဆိပ်ပါစားသုံးဆီများ စျေးကွက်အတွင်း ဖြန့်ဖြူးရောင်းချမှုများနှင့်ပတ်သက်၍ FDA ထောက်ခံချက် ရှိ/မရှိ၊ ဈေးကွက်အတွင်း အမှတ်တံဆိပ်ပါရောနှောဆီ (Blended OIL) ဖြန့်ဖြူးရောင်းချမှုများအား သတ်မှတ်ချက်များနှင့် ကိုက်ညီမှု ရှိ/မရှိကို မြေပြင်ကွင်းစစ်ဆေးခြင်းများ၊ စားသုံးသူရေးရာဦးစီးဌာန၏ ဟင်းသီးဟင်းရွက်ဆီနှင့် စပ်လျဉ်း၍ ကုန်ညွှန်း အမှတ်အသားဖော်ပြရာတွင် စီးပွားရေးလုပ်ငန်းရှင်များ လိုက်နာရမည့် ညွှန်ကြားချက် ၁/၂၀၂၁ နှင့် ကိုက်ညီသော ထုတ်ကုန်ဆီမျးကိုရောင်းချရန်တို့ကို အသိပေးပြောကြား ဆောင်ရွက်ခဲ့ခြင်းဖြစ်ကြောင်း သိရသည်။
အဆိုပါ ကွင်းဆင်းစစ်ဆေးမှုကို မအူပင်ခရိုင်၊ ခရိုင်ဦးစီးမှူး ဦးဇော်မင်းနှင့် အဖွဲ့ဦးဆောင်၍ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်းမာရေးဌာန၊ မြို့နယ်စည်ပင်သာယာရေး အဖွဲ့တို့ပူးပေါင်း၍ ဆောင်ရွက်ခဲ့ခြင်းဖြစ်ကြောင်း သိရသည်။
DOCA (ဧရာဝတီ)