၂၇.၁.၂၀၂၅ ရက်နေ့ နံနက် (၁၀:၃၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်နှင့် ဝန်ထမ်းများ သည် မော်လမြိုင်မြို့ပေါ်ရှိ ဘိလပ်မြေအရောင်းဆိုင်များသို့ သွားရောက်၍ ကွင်းဆင်း စစ်ဆေးခဲ့ကြောင်း သိရှိရပါသည်။
ထိုသို့ ကွင်းဆင်းစစ်ဆေးရာ မော်လမြိုင်မြို့ပေါ်ရှိ ကျော်ကြားအိမ်ဆောက်ပစ္စည်းဆိုင်၊ PRO 1 Global Home Center၊ AToZ အိမ်ဆောက်ပစ္စည်းဆိုင်၊ ရွှေဟင်္သာမင်း အိမ်ဆောက်ပစ္စည်းဆိုင်များတွင် ဘိလပ်မြေပြတ်လပ်မှု ရှိ/မရှိနှင့် မြေပြင်လက်ကျန် အခြေအနေများ၊ ဈေးနှုန်း၊ ဈေးကွက် အခြေအနေများအား ကွင်းဆင်းစစ်ဆေးခဲ့ရာ ပစ္စည်းပြတ်လပ်မှုမရှိကြောင်း၊ ဈေးနှုန်းအနေဖြင့် ကြံ့တစ်ကောင် အမှတ်တံဆိပ် ဘိလပ်မြေတစ်အိတ်လျှင် (၂၆၀၀၀) ကျပ်ဖြင့် ရောင်းချလျက်ရှိကြောင်း သိရှိရပါသည်။
DOCA(မွန်)