ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့်ဝန်ထမ်းများသည် ဦးစားပေးကုန်စည်(၁၀)မျိုးမှ ဈေးကွက်အတွင်းရောင်းချနေသော အလှကုန်ပစ္စည်းအမျိုးမျိုးအား ကုန်အညွှန်းအမှတ်အသား ပြီးပြည့်စုံစွာဖော်ပြပါဝင်ခြင်း ရှိ/မရှိ သက်တမ်းလွန်အလှကုန်များ ဈေးကွက်အတွင်းရောင်းချမှု မရှိစေရေးကို (၆.၁.၂၀၂၅) ရက်နေ့၊ နံနက် (၁၀:၃၀)အချိန်တွင် မအူပင်မြို့၊အမှတ်(၃)ရပ်ကွက်ရှိ အလှကုန်ဆိုင်များ၊ မြို့မဈေးအတွင်း အလှကုန်ဆိုင်(၆)ဆိုင်သို့ ကွင်းဆင်း၍ စားသုံးသူရေးရာဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီး ဌာန၊ စည်ပင်သာယာရေးအဖွဲ့တို့နှင့် ပူးပေါင်း၍ ဈေးကွက်စောင့်ကြည့်စစ်ဆေး ခဲ့ကြောင်း သိရသည်။
အလှကုန်ပစ္စည်း အမျိုးမျိူးရောင်းချသော စတိုးဆိုင်မှ လုပ်ငန်းရှင်များအား မိမိရောင်းချနေသော အလှကုန်များတွင် ကုန်အညွှန်းအမှတ်အသားများ ပြည့်စုံစွာပါရှိသည့် ကုန်စည်များကိုသာရောင်းချရန်၊ သက်တမ်းလွန်ကုန်စည်ဖြစ်ပါက ရောင်းချခြင်းများ မပြုလုပ်ရန်၊ အလှကုန်ပစ္စည်းများတွင် ဖော်ပြရမည့် ကုန်အညွှန်းအမှတ်အသား အချက်အလက်များ ပါဝင်ခြင်း ရှိ/မရှိကို စစ်ဆေးခြင်း၊ အလှကုန် ပစ္စည်းအမျိုးမျိုး၌ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက် အမှတ်(၂/၂၀၁၉)နှင့်အညီ ပြည့်စုံစွာ ဖော်ထားရှိသော ကုန်စည်များကိုသာရောင်းချရန် လုပ်ငန်းရှင်များ အား ပြောကြာခဲ့ပြီး သက်တမ်းလွန်ပစ္စည်းများကို ရောင်းချခြင်းမပြုရန် အသိပညာပေးဆွေးနွေး ခဲ့ကြောင်း သိရှိရသည်။