ရှမ်းပြည်နယ်(တောင်ကြီး)ပန်းဈေးကွက်မှာ ကျောက်ပန်း(ခ) ပန်းဆွဲဖြူပန်းများ အရောင်းအဝယ်ဖြစ်နေပါတယ်။ ကျောက်ပန်း(ခ)ပန်းဆွဲဖြူမှာ တစ်နှစ်မှတစ်ခါ၊ တစ်ခါမှာ(၃)လခန့်သာပေါ်လေ့ရှိတဲ့ သဘာဝပန်းအမျိုးအစားဖြစ်ပါတယ်။ ကျောက်ပန်းများမှာ နှစ်ရှည်ပင်များတွင် သဘာဝကပ်၍ပေါက်သော ပန်းအမျိုးအစားဖြစ်ပါတယ်။ ဇန်နဝါရီလတွင် စတင်ထွက်ပေါ်လာပြီး မတ်လကုန် ဧပြီလဆန်းလောက်တွင် ထွက်ပေါ်ချိန်ကုန်သွားမှာဖြစ်ပါတယ်။ သစ်ပင်များတွင် သဘာဝကပ်၍ အလေ့ကျပေါက်သည့် ပန်းအမျိုး အစားဖြစ်ပြီး တခြားဓါတုဆေးများသုံးစွဲခြင်းမရှိသဖြင့် အခြားပန်းများထက် ခိုင်ခန့်မှုမှာ ပန်းလတ်ရင်လတ်သလို (၁)လမှ (၂)လထိ ပိုကြာပါတယ်။ ကျောက်ပန်းများကို ရှာဖွေသည့်အခါ သဘာဝတောများရှိအပင်ကြီးများတွင် ကပ်ပေါက်နေသည့် ပန်းများကို အကုန်မခွာယူပဲ မျိုးအနည်းငယ်ချန်ကာ နောက်နှစ်ပန်းပေါ်ချိန်တွင် ထိုနေရာ မှာပင် ပန်းပြန်ပေါ်၍ နေရာမှတ်ကာ ရှာဖွေကြတယ်လို့ သိရပါတယ်။ ယခုနောက်ပိုင်းမှာတော့ ကျောက်ပန်း ရှာသည့် ပန်းမုဆိုး(ပန်းရှာသူ)များသည် ကျောက်ပန်းများကိုရှာဖွေရာမှာ ရှာဖွေရရှိလာသည့် ပန်းမျိုးများကို အနည်းငယ်မျိုးချန်၍ ပန်းဘောင်များဖြင့် ပြန်လည်ပျိုးယူ၍ မျိုးထုတ်ရောင်း လာကြတယ်လို့လဲသိရပါတယ်။ ကျောက်ပန်းများကို ရပ်စောက်၊ ပင်းတယ၊ ကျောက်တန်းစတဲ့ မြို့နယ်များနှင့် အနီးတဝိုက်မှ ထွက်ရှိပါတယ်။ ကျောက်ပန်း(၁၀)ပွင့်ပါတစ်စီးလျှင် (၄၀၀ဝိ/-)မှ (၁၀၀၀ဝိ/-)ထိ ဈေးရှိပြီး တောင်ကြီးဈေးကွက်မှာတော့ ခိုင်ခန့်မှုကြာရှည်တာကြောင့် အိမ်ရှင်မများအကြိုက်များတဲ့ ရာသီချိန်ပန်းဖြစ်ပြီး အရောင်းအဝယ်ဖြစ်နေတယ် လို့သိရှိရပါတယ်။
DOCA(ရှမ်း)