ကရင်ပြည်နယ်၊ စားသုံးသူရေးရာဦးစီးဌာန၊ မြဝတီခရိုင်အတွင်းရှိ အခြေခံစားသောက်ကုန်နှင့် စက်သုံးဆီကုန်ဈေးနှုန်း အခြေအနေများအား မြဝတီမြို့ စက်သုံးဆီအခြေခံစားသောက်ကုန်ဈေးကွက်ရောင်းချသူများထံမှ သိရသည်။
ကမ္ဘာ့ရေနံဈေး ဆက်လက်မြင့်တက်နေတာကြောင့် ပြည်တွင်းစက်သုံးဆီဈေးကွက်မှာ ဒီဇယ်တစ်လီတာကို ကျပ်(၃၀၀)အထိ ဈေးမြင့်တက်လာကြောင်း စက်သုံးဆီအရောင်းဆိုင်များမှ မတ်လ (၁၀)ရက်နေ့တွင် သိရှိပါသည်။ ယနေ့ ၂၀၂၂ခုနှစ် မတ်လ ၁၃ရက်နေ့ မြဝတီမြို့အောက်တိန်း92 တစ်လီတာကို ၂၂၅၀ကျပ်၊ အောက်တိန်း 95 တစ်လီတာကို ၂၂၉၅ကျပ်၊ ရိုးရိုးဒီဇယ် တစ်လီတာကို ၂၃၇၅ကျပ်၊နှင့် ပရီမီယမ်ဒီဇယ်တစ်လီတာကို ၂၃၃၄၅ကျပ် ပေါက်ဈေး ဖြစ်ပေါ်နေကြောင်း မြဝတီမြို့ ပုဂ္ဂလိကစက်သုံးဆီဆိုင်တစ်ဆိုင်မှ ထုတ်ပြန်ချက်အရသိရပါသည်။ ကမ္ဘာ့ရေနံစိမ်းကလည်း မတ်လ (၇)ရက်နေ့မှ တစ်စည်ကို အမေရိကန်ဒေါ်လာ (၁၃၀)အထက်ကို မြင့်တက်ခဲ့တယ်လို့ သိရပါသည်။
ပြည်တွင်းရွှေဈေးကွက်မှာလည်း အခေါက်ရွှေ ကျပ်သိန်း (၂၀၀၈၀၀၀)နီးပါးရှိနေပြီး၊ ၁၅ပဲ ရည်မှာ ၁၉၉၈၀၀၀ကျပ် ဖြစ်ပေါ်လျှက်ရှိပါသည်။ ဒါ့အပြင်ပြည်တွင်း ငွေလဲလှယ်နှုန်းမှာ တစ်ဒေါ်လာဈေး သည် မတ်လ ၁၂ရက်နေ့အထိ ၁၇၇၈ ဝယ်ယူနေပြီး၊ ရောင်းဈေးမှာ ၁၇၈၃ဖြစ်ပါသည်။ ထိုင်းဘတ် ငွေလဲလှယ်နှုန်းမှာ ၅၃.၂၄ ဖြစ်ပေါ်လျှက်ရှိကြောင်း မြဝတီမြို့ငွေလဲလှယ်သူများထံမှ သိရပါသည်။
အခြေခံစားသောက်ကုန်ဈေးနှုန်းအနေဖြင့် မြန်မာနိုင်ငံသို့ တင်သွင်းလျှက်ရှိသော စားအုံးဆီဈေးနှုန်းမှာလည်း နိုင်ငံခြားငွေလဲနှုန်းမြင့် တက်လာသောကြောင့် ၁ပိဿာလျှင် ယခင် ၃၀၀၀ကျော်မှ ယခု ၈၅၀၀ကျော်ထိ မြင့်တက်လျှက်ရှိကြောင်း စားသောက်ကုန်ခြောက်ရောင်းချသူများထံမှ သိရသည်။ ပဲဆီဈေးနှုန်းမှာ ယခင် ၇၅၀၀ကျပ်မှ ယခု ၁ပိဿာ ၉၅၀၀ကျပ်ဖြစ်ပေါ်လျှက်ရှိပါသည်။ ငရုတ်သီးခြောက် ၁ပိဿာ ယခင် ၆၀၀၀မှ ယခုဈေး ၁၀၀၀၀ကျပ်၊ ငရုတ်သီးအပုပွ ယခင် ၁ပိဿာ ၁၂၀၀၀ကျပ်မှ ယခုဈေး ၁ပိဿာ ၂၀၀၀၀ကျပ်၊ ကြက်သွန်နီအသစ်များကို ဈေးကွက်အတွင်းသို့ ဝင်ရောက်လာသည်ကို တွေ့ရှိရပါသည်။ ဈေးကွက်အတွင်း ဝင်ရောက်လာသော်လည်း ဈေးနှုန်းကျဆင်းခြင်းမတွေ့ရဘဲ၊ အရောင်းအဝယ် ပုံမှန်အခြေအနေသာရှိပါသည်။ ကြက်သွန်နီမြစ်သား ယခင် ၁ပိဿာ ၉၀၀ကျပ်မှ ယခု ၁၂၀၀ကျပ်၊ ကြက်သွန်ဖြူဥတစ်လုံး ယခု ၁ပိဿာ ၃၆၀၀ကျပ်၊ ကြက်သွန်ဖြူကြူကုတ် ယခင် ၁ပိဿာ ၅၀၀၀မှ ယခု ၇၀၀၀ကျပ်၊ ကြက်သွန်ဖြူ (ရှမ်းစ) ၂၅၀၀ကျပ်မှ ယခု ၅၀၀၀ ကျပ်ထိလည်းကောင်း၊ မကျည်းသီး ယခု၁ပိဿာ ၄၀၀၀ကျပ်ဖြစ်ပြီး ကုလားပဲဈေးနှုန်းမှာလည်း ယခင် ၁ပိဿာ ၂၈၀၀ကျပ်မှ ယခုဈေး ၄၃၀၀ကျပ်၊ ဂျင်း ၁ပိဿာ ယခင်ဈေး ၂၅၀၀ကျပ်မှ ယခုဈေး ၄၀၀၀ကျပ်၊ အာလူး ၁ပိဿာ ယခင်ဈေး ၄၀၀၀မှ ယခုဈေး ၈၀၀၀ကျပ်နှုန်း ဈေးနှုန်းများဖြင့် မြဝတီမြို့ လက်လီဈေးကွက်အတွင်း ရောင်းချနေကြောင်း သိရပါသည်။
အဆိုပါဈေးနှုန်းများသည့် မတ်လ ၁၂ရက်နေ့မှာ ဖြစ်ပေါ်နေသော မြဝတီမြို့ လက်လီဈေး ကွက်အခြေအနေတွေဖြစ်ကြောင်းနှင့် ဈေးတည်ရှိရာမြို့နယ် ဒေသနေရာတစ်ခုနဲ့တစ်ခု ကွာခြားမှုအပေါ်မူတည်၍ ဈေးအနည်းငယ် အပြောင်းအလဲရှိနိုင်ကြောင်း သိရှိရပါသည်။
DOCA(ကရင်)