မွန်ပြည်နယ်၊ ဘီးလင်းမြို့နယ်တွင် ပိန္နဲသီးများလှိုင်လှိုင်ထွက်ပေါ်နေပြီး ယခင်နှစ်ထက် ဈေးပိုရနေကြောင်း ပိန္နဲစိုက်ပျိုးခြံပိုင်ရှင်များထံမှသိရသည်။ စိုက်ပျိုးသော ပိန္နဲပင်အမျိုးအစားမှာ ရွက်ကြီးဆယ့်နှစ်ရာသီအသီး (ယိုဒယားမျိုး) လူကြိုက်များကြောင်း၊ ပိန္နဲတစ်ပင်လျှင် (ကြီး၊ လတ်၊ သေး) (၃၀) လုံးခန့်ခူးယူရရှိပြီး အရွယ်အစားနှင့် အလေးအချိန်အားဖြင့် အကြီး(၁၂) ကီလို၊ အလတ် (၈) ကီလို၊ အသေး (၅) ကီလိုအသီးများခူးယူရရှိပြီး တစ်ဧကလျှင် အပင် (၁၀၀) စိုက်ပျိုးနိုင်ပြီး သွင်းအားစုများကို တစ်နှစ်လျှင် (၂) ကြိမ်ကျွေးရကြောင်းသိရသည်။ ဈေးကွက်သို့တင်ပို့ရာတွင် ပိန္နဲသီး (၁) ကီလိုလျှင် (၂၀၀၀) ကျပ်ခန့်ရရှိကြောင်း ထွက်ရှိလာသော ပိန္နဲသီးများကို မြို့နယ်တွင်းနှင့် ရန်ကုန်သို့တင်ပို့ပြီး ၎င်းပိန္နဲသီးများမှာ ယခင်နှစ်ထက် ဈေးကောင်းရရှိ၍ ပိန္နဲစိုက်ပျိုးကြသော ခြံလုပ်ငန်းရှင်များအနေဖြင့် စီးပွားဖြစ်ထွန်း၍ အကျိုးအမြတ်များရရှိနေကြောင်း ဘီးလင်းမြို့နယ်နှင့် ပုလဲကျေးရွာရှိ ပိန္နဲစိုက်ပျိုးသော ခြံလုပ်ငန်းရှင် ဦးမြင့်သိန်းထံမှသိရှိရပါသည်။
DOCA(မွန်)