ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၌ ဆောင်းသီးနှံ သီးထပ်သီးညှပ် နွေးစပါးများ စိုက်ပျိုးဖြစ်ထွန်းအောင်မြင်စွာ စိုက်ပျိုးပြီးစီးမှုနှင့် စတင်ရိတ်သိမ်းခြွေလှေ့ နိုင်မည့် အခြေအနေအား မတ်လ (၃၀)ရက်နေ့၊ နံနက် (၁၀:၃၀)အချိန်တွင် ဒလ-ကွမ်းခြံကုန်း ကားလမ်းမကြီး၊ ဒေးဒရဲကားလမ်းမကြီးနှင့် ကွမ်းခြံကုန်း၊ လက်ခုပ်ကုန်းကားလမ်းမကြီး ဘေးဝဲယာရှိ ကျေးရွာ များမှ နွေစပါးစိုက်တောင်သူများ စပါးစတင် ရိတ်သိမ်းခြွေလှေ့နိုင်မည့်အခြေအနေအား ကွင်းဆင်း စစ်ဆေးခဲ့ကြောင်း သိရှိရပါသည်။
ထိုသို့ ဆောင်းသီးနှံနွေစပါးစိုက်ပျိုးပြီးစီးမှုနှင့် စတင်ရိတ်သိမ်းခြွေလှေ့နိုင်မည့် အခြေအနေအား ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် နွေစပါးစိုက်ပျိုးရာ ကျေးရွာ၊ အုပ်စု၊ တိုက်နယ်များဖြစ်သော အင်္ဂလုံ၊ ကျေးရွာအုပ်စု၊ ဒေးဒနော ကျေးရွာ၊ တောင်ခရမ်းကျေးရွာ အုပ်စုမှ တော်ကူးလေး၊ တော်ခရမ်းလေးကျေးရွာများတွင် တိုက်ရိုက်မျိုးစေ့ချကိရိယာ(Seeder)အသုံးပြု၍ စိုက်ပျိုးဖြစ်ထွန်းအောင်မြင်လျက်ရှိသော လယ်မြေ များ၊ မိရိုးဖလာမျိုးစပါးကြဲပတ်၊ ပျိုးထောင်ပြီးစိုက်ပျိုးထားသော လယ်ယာမြေများတွင် စိုက်ပျိုး ဖြစ်ထွန်းအောင်မြင်မှုနှင့် စတင်ရိတ်သိမ်းခြွေလှေ့နိုင်မည့်အခြေအနေတို့အား ကွင်းဆင်းစစ်ဆေးခဲ့ပြီး ကွမ်းခြံကုန်းမြို့နယ်၏ ဆောင်းသီးနှံ သီးထပ်သီးညှပ် ၂၀၂၃-၂၀၂၄ခုနှစ်၊ နွေစပါးလျာထား စိုက်ဧက (၁၈၆၄၂)ဧက လျာထားစိုက်ပျိုးခဲ့ရာ ယခုအချိန်တွင် (၂၁၃၀၅)ဧက ဖြစ်ထွန်းအောင်မြင်စွာ စိုက်ပျိုး ပြီးစီးခဲ့ကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှ သိရှိခဲ့ရပြီး ယခုနှစ်ဧပြီ လဆန်း ပိုင်းမှ စတင်၍ လှိုင်လှိုင်ရိတ်သိမ်းခြွေလှေ့နိုင်တော့မည်ဖြစ်ကြောင်း ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)