ကျိုက်ထိုမြို့သည် ရာသီအလိုက် အသီးအနှံမျိုးစုံထွက်ရှိသော မြို့တစ်မြို့ဖြစ်ရာ ဒေသထွက်အသီးအနှံများအား ယိုမျိုးစုံပြုလုပ်၍ ဈေးကွက်အတွင်းရောင်းချလျှက်ရှိသည်။ အဓိကထုတ်လုပ်သောယိုများမှာ မရမ်းယို၊ သရက်ယို၊ နာနတ်ယို၊ ရှောက်ယို၊ ချဉ်ပေါင်ယို၊ ဖရုံယို၊ ကတွတ်ယိုတို့ကို အဓိကထုတ်လုပ်ကြသည်။
ကျိုက်ထိုမြို့၏ ယိုလုပ်ငန်းများအနက် ကတွတ်ယိုသည် လူကြိုက်များသော ဒေသထွက်ကုန်ယိုတစ်မျိုးဖြစ်ရာ ကျိုက်ထီးရိုးဘုရားဖူးလာဧည့်သည်များမှ အိမ်ပြန်လက်ဆောင်အဖြစ် ဝယ်ယူမှုများသော ယိုတစ်မျိုးဖြစ်သည်။ ဘုရားဖူးဧည့်သည်အဝင်များသည့် ဒီဇင်ဘာလနှင့် ဇန်နဝါရီလတို့မှာ ယိုမျိုးစုံရောင်းအား ကောင်းသောကာလများဖြစ်သည်။
ကတွတ်ယို (၄၀) ကျပ်သားပါတစ်ဗူးလျှင် (၂၅၀ဝိ/-) မှ (၃၀၀ဝိ/-)ထိ ဈေးနှုန်းရှိပြီး ယိုဗူးများကို ကျိုက်ထီးရိုးဘုရားရင်ပြင်တော်၊ တောင်ခြေကင်ပွန်းကျေးရွာနှင့် ရန်ကုန်- မော်လမြိုင် ကားလမ်းဘေး ကျိုက်ထိုမြို့ လမ်းဘေးဝဲယာတို့တွင် ဆိုင်ခန်းများဖွင့်လှစ်ရောင်းချလျှက်ရှိကြောင်း သိရှိရပါသည်။
စားသုံးသူရေးရာဦးစီးဌာန
မွန်ပြည်နယ်