ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ်၊ ကုန်းသာကျေးရွာ၊ လုံယုမ်းကျောင်းတိုက်၌ ဘုန်းတော်ကြီးသင်ပညာရေးကျောင်းဖွင့်ပွဲ အခမ်းအနားအား စက်တင်ဘာလ (၁) ရက်နေ့ နံနက် (၁၀) နာရီက အဆိုပါကျောင်းတိုက်ရှိ ကျောင်းခန်းမ၌ ကျင်းပပြုလုပ် ဆောင်ရွက်ခဲ့ကြောင်း သိရသည်။
ရှေးဦးစွာ ဘုန်းတော်ကြီးသင်ပညာရေးကျောင်း ဖွင့်ပွဲအခမ်းအနားကို တာဝန်ရှိသူများက ဖဲကြိုးဖြတ်ဖွင့်လှစ်ပေးခဲ့ပြီးနောက် ကျောက်မဲခရိုင် သာသနာထွန်းကားပြန့်ပွားရေးဦးစီးဌာန၊ ခရိုင်ဦးစီးမှူး ဦးသန်းဇော်လတ်က အဖွင့်အမှာစကားပြောကြားခဲ့ပြီး မြို့နယ်သံဃနာယကအဖွဲ့ဝင် ရေဟော်ကျောင်းတိုက်ဆရာတော်မှ ဘုန်းတော်ကြီးသင်ပညာရေးကျောင်းဖွင့်လှစ်ခြင်းဖြင့် ရရှိလာ မည့် အကျိုးကျေးဇူးများကို မိန့်ကြားခဲ့ပါသည်။ ထို့နောက် ကျောက်မဲခရိုင်ပညာရေးမှူးဦးကျော်ရွှေက မြန်မာနိုင်ငံရှိ ဘုန်းတော်ကြီးသင်ပညာရေးကျောင်းများနှင့် ဘုန်းတော်ကြီးသင်ပညာရေးကျောင်းများ ဖြစ်ပေါ်လာပုံသမိုင်းကြောင်းများကို ရှင်းလင်းပြောကြားခဲ့ပြီးနောက် ကုန်းသာကျောင်းအုပ်ဆရာမကြီး ဒေါ်စိုးစိုးစိန်ထွေးမှ ဘုန်းတော်ကြီးသင်ပညာရေးကျောင်းဖွင့်လှစ်နိုင်ရေးဆောင်ရွက်ခဲ့မှု အခြေအနေ များကို ရှင်းလင်းပြောကြားခဲ့ကြောင်းနှင့် ကုန်းသာကျေးရွာအုပ်ချုပ်ရေးမှူးက ကျေးဇူးတင်စကား ပြန်လည်ပြောကြားခဲ့ပြီး အခမ်းအနားကို အောင်မြင်စွာ ရုပ်သိမ်းခဲ့ကြောင်း သိရှိရပါသည်။
DOCA(ရှမ်း)