သတင်းနှင့် လှုပ်ရှားမှုများ
ဧရာဝတီဒေသကြီးအစားအသောက်နှင့် ဆေးဝါးကွပ်ကဲရေးဦးစီးဌာန(FDA)မှ တာဝန်ရှိသူများ ဦးဆောင်သော ဝန်ထမ်းများအဖွဲ့က မအူပင်ခရိုင်ဌာနဆိုင်ရာများ လိုက်ပါ၍ ၂၀၂၅ခုနှစ် မတ်လ ၂၀ နေ့ နေ့လည် ၁၄၀၀ နာရီခွဲက မအူပင်မြို့ပေါ်ရှိ မြို့မဈေးအတွင်းဆေးဆိုင်(၂)ဆိုင်နှင့် ကမ်းနာလမ်းပေါ်ရှိ ဦးကျားဗိုလ်ဆေးဆိုင်၊ မြမဥ္ဇူဆေးဆိုင်၊ ဇီဝကဆေးဆိုင်၊ မြမြဆေးဆိုင်၊ ဆေးဝါးပစ္စည်း အရောင်း ဆိုင်များ(၆) သွားရောက်ပြီး သတ်မှတ်စည်းကမ်းချက်များနှင့် အညီ စနစ်တကျ ရောင်းချခြင်း ရှိ/ မရှိ ကွင်းဆင်းစစ်ဆေးခဲ့ကြောင်း သိရသည်။
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်း မြို့၌ ကြွပ်ကြွပ်အိပ်သုံးစွဲမှုလျှော့ချရေးနှင့် စားသုံးသူကာကွယ်ရေးဆိုင်ရာ အသိပညာပေးခြင်းနှင့် လက်ကမ်းစာစောင်ဝေငှခြင်းများကို ၂၀၂၅ခုနှစ်မတ်လ ၂၁ ရက် နံနက် (၁၀)နာရီက မြို့နယ်စည်ပင်သာယာရေးအဖွဲ့ပိုင် မြို့မဈေးတွင် ကွင်းဆင်းဆောင်ရွက်ခဲ့ကြကြောင်း သိရသည်။
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့၊ စားသုံးသူရေးရာဦးစီးဌာနမှ မြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် ၂၁-၃-၂၀၂၅ ရက်နေ့ နံနက် (၁၀)နာရီအချိန်က ဆန်စက်လုပ်ငန်းဖွဲ့ဖြိုးရေး ဆန်စပါးအသင်း အဖွဲ့များ ရှင်သန်းနိုင်ရေးနှင့် စီးပွားရေးလုပ်ငန်းရှင်များ သိရှိစေရန်အလို့ငှာ ညောင်တုန်း ဆန်စက်လုပ်ငန်းရှင်များအား ဖိတ်ကြား၍ ဟောပြောဆွေးနွေးခဲ့သည်။
စားသုံးသူရေးရာဦးစီးဌာန၊ ညောင်တုန်းမြို့နယ်တာဝန်ခံရုံးမှ ဦးအောင်လွင်၊ မြို့နယ်ဦးစီးမှူးသည် (၂၀-၃-၂၀၂၅)ရက်နေ့၊ နံနက်(၁၀:၀၀)နာရီအချိန်တွင် ညောင်တုန်းမြို့ အွန်လိုင်းရောင်းချသူရွှေဆိုင်ရောင်းချသူ လုပ်ငန်းရှင်(၁၀)ဦး အား မြို့နယ်အထွေထွေအုပ်ချုပ်ရေးဦးစီးမှူးရုံးအစည်းအဝေးခန်မသို့ဖိတ်ကြား၍ အွန်လိုင်းမှတ်ပုံတင် ခြင်းနှင့်စပ်လျဉ်း၍ အသိပညာပေးဆွေးနွေးဟောပြောခြင်းပြုလုပ်ခဲ့သည်။
၂၂.၃.၂၀၂၅ ရက်နေ့ နံနက် ၀၉၀၀ အချိန်တွင် ညောင်တုန်းမြို့နယ် ပြန်ကြားရေးနှင့် ပြည်သူ ဆက်ဆံရေးဦးစီးမှူးရုံးခန်းမတွင် နွေရာသီ ယဉ်ကျေးလိမ်မာ တက်ရောက်နေသည့် ကလေး၊လူငယ် ၂၄ဦးအား စားသုံးသူရေးရာဦးစီးဌာနမှ မြို့နယ်ဦးစီးမှူးရုံးမှ တာဝန်ရှိသူများက စားသုံးသူကာကွယ်ရေး အသိပညာပေး ဟောပြောခဲ့သည်၊
