သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ပြန်ကြားရေးနှင့်ပြည်သူဆက်ဆံရေးဦးစီးဌာန၊ Community Centre ခန်းမ၌ စားသုံးကာကွယ်ရေးအသိပညာပေးTalk Show ကို ၂၄.၃.၂၀၂၅ နံနက် ၁၀နာရီက ကျင်းပ ပြုလုပ်ခဲ့သည်။
စစ်ကိုင်းမြို့၊ သောတပန်ရပ်ရှိ “အောင်မြေဦး” ဘုန်းတော်ကြီးသင်ပညာရေးကျောင်းတွင် ခရိုင်အသေးစားစက်မှုလက်မှုဦးစီးဌာနက ဖွင့်လှစ်သော တန်ဖိုးမြှင့်စားသောက်ကုန် ထုတ်လုပ်မှု နည်းပညာသင်တန်း၌ ၂၀၂၅ခုနှစ် မတ်လ ၂၂ ရက်နေ့ နေ့လယ် (၁၄း၀၀) နာရီအချိန်တွင် စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူးက စားသုံးသူကာကွယ်ရေးဥပဒေအကြောင်း သိကောင်းစရာများ ဟောပြောဆွေးနွေးခဲ့ရာ သင်တန်းသူ/ သား ()ဦး တက်ရောက်ခဲ့ပါသည်။
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့ ၂၀၂၅ ခုနှစ်၊ မတ်လ ၂၁ ရက်နေ့တွင် စားသုံးသူကာကွယ်ရေး အသိပညာပေး Talk Show ကို ယနေ့နံနက်ပိုင်းက ဓနုဖြူမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre) ခန်းမ၌ ကျင်းပပြုလုပ်ခဲ့သည်။
စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူးမှ ဦးဆောင်၍ ခရိုင်ရုံးမှ ဝန်ထမ်း (၂)ဦးနှင့် စစ်ကိုင်းမြို့နယ်တာဝန်ခံတို့သည် ၂၀၂၅ ခုနှစ်၊ မတ်လ (၂၂)ရက်နေ့တွင် စစ်ကိုင်းမြို့၊ ပါရမီရပ်ကွက်ရှိ စားသောက်ကုန်ထုတ်လုပ်သည့် ရွှေကြိုးကြာခေါက်ဆွဲခြောက်လုပ်ငန်းသို့ ကွင်းဆင်း ၍ အွန်လိုင်းစနစ်ဖြင့် ရောင်းချခြင်းလုပ်ငန်းအတွက် မှတ်ပုံတင်ခြင်းနှင့် စပ်လျဉ်း၍ အသိပညာပေး ဆောင်ရွက်ခဲ့ကြောင်း သိရှိရပါသည်။
မအူပင်ခရိုင်၊ ဓနုဖြူမြို့နယ် မြို့ပေါ်ရှိ ဆေးဝါးနှင့် ဆေးပစ္စည်းများ၊ အထောက်အကူပြု ပစ္စည်းများ ပြတ်လပ်မှုမရှိစေရေးနှင့် စျေးနှုန်းမှန်ကန်စွာဖြင့် ရောင်းချနိုင်ရေးအတွက် ဆေးဝါးနှင့် ဆေးပစ္စည်း အရောင်းဆိုင်များကို ၂၀၂၅ခုနှစ် မတ်လ ၂၁ နံနက် ၈ နာရီက ဆေးဝါးနှင့် ဆေးပစ္စည်းများ စျေးကွက်စောင့်ကြည့် စစ်ဆေးကြပ်မတ်ရေးအဖွဲ့မှ ကွင်းဆင်းစစ်ဆေးခဲ့ ကြောင်း သိရသည်။
