နယူးဇီလန်နိုင်ငံ၏ တိရိစ္ဆာန်မွေးမြူသည့် အရေအတွက်သည် လွန်ခဲ့သည့်ဆယ်စုနှစ်များအတွင်း သိသိသာသာ ကျဆင်းသွားခဲ့ပြီး သစ်သီးစိုက်ပျိုးမှုမှာ သိသိသာသာ အားကောင်းလာခဲ့ကြောင်း စာရင်းအင်းဌာန Stats NZ က မေလ ၁ ရက်နေ့တွင် ပြောကြားခဲ့သည်။ နယူးဇီလန်နိုင်ငံ၏ သိုးမွေးမြူမှုသည် ၂၀၂၄ ခုနှစ် ဇွန်လအထိ အကောင်ရေ ၂၃.၆ သန်းရှိခဲ့ပြီး ၂၀၁၄ ခုနှစ်ထက် ၂၁ ရာခိုင်နှုန်း ကျဆင်းခဲ့သည်။ နို့စားနွား အရေအတွက်မှာလည်း ၁၃ ရာခိုင်နှုန်းမှ ၅.၈ သန်းအထိ ကျဆင်းခဲ့သည်။ သမင်အုပ်များသည် အဆိုးရွားဆုံးကျဆင်းမှုအဖြစ် မှတ်တမ်းဝင်ခဲ့ပြီး ၂၆ ရာခိုင်နှုန်းမှ အကောင်ရေ ၇၀၉,၀၀၀ သို့ ကျဆင်းသွားခဲ့ကြောင်း Stats NZ မှ ပြောကြားခဲ့သည်။ အမဲသားနွားကောင်ရေ ၃.၇ သန်းမှာ လွန်ခဲ့သော ၁၀ နှစ်ကကဲ့သို့ တည်ငြိမ်နေခဲ့ပြီး ကျဆင်းမှု မရှိကြောင်း Stats NZ စိုက်ပျိုးရေးစာရင်းအင်းပြောရေးဆိုခွင့်ရှိသူ Tehseen Islam ၏ ပြောကြား ချက်အရသိရသည်။ ထိုကျဆင်းမှုသည် နယူးဇီလန်တွင် စုစုပေါင်း ဟက်တာ ၇.၁ သန်းရှိသော မြက်ခင်းပြင်ဧရိယာ ၁၀ ရာခိုင်နှုန်း လျော့ကျသွားခြင်းနှင့် တိုက်ဆိုင်နေကြောင်း ဆန့်ကျင်ဘက်အနေဖြင့် ကီဝီသီး စိုက်ပျိုးမှုမှာ ဆယ်စုနှစ်အတွင်း ၃၂ ရာခိုင်နှုန်း တိုးတက်ခဲ့ပြီး ယင်းတို့အနက် ရွှေကီဝီသီး ၅၇ ရာခိုင်နှုန်းအထိ ဟက်တာ ၁၄၅၀၀ အထိ ရောက်ရှိခဲ့ကြောင်း Stats NZ မှ ပြောကြားချက်အရ သိရသည်။ တရုတ်နိုင်ငံသည် ကီဝီသီးတင်ပို့မှုတန်ဖိုး၏ ၂၇ ရာခိုင်နှုန်းကို ရယူ ထားပြီး ကီဝီသီးတင်ပို့မှုတွင် ထိပ်တန်းဈေးကွက်အဖြစ် ဆက်လက်ရပ်တည်နေကြောင်း သိရသည်။ Marlborough သည် စုစုပေါင်း၏ ၇၀ ရာခိုင်နှုန်းနီးပါး ထုတ်လုပ်ခဲ့ပြီး ဝိုင်စပျစ်စိုက်ပျိုး မှု ၁၁ ရာခိုင်နှုန်း တိုးလာပြီး နယူးဇီလန်ဝိုင်အတွက် အကြီးမားဆုံး တင်ပို့ရာနေရာအဖြစ် ဆက်လက်တည်ရှိနေကြောင်း Stats NZ မှ ပြောကြားခဲ့သည်။ ပန်းသီးဥယျာဉ်ခြံများသည် ဟက်တာ ၉၅၀၀ မှ ၁၃ ရာခိုင်နှုန်းအထိ ကြီးထွားလာပြီး တရုတ်သည် နယူးဇီလန်ပန်းသီးများ အတွက် အကြီးဆုံး တင်ပို့သည့် စျေးကွက်ဖြစ်ကြောင်း ၎င်းကဆိုသည်။ ယေဘုယျအားဖြင့် နယူးဇီလန်သည် ၂၀၂၅ ခုနှစ် မတ်လအထိ ကုန်စည်တင်ပို့မှုတွင် နယူးဇီလန်ဒေါ်လာ ၇၄.၁ ဘီလီယံ (အမေရိကန်ဒေါ်လာ ၄၄.၄၂ ဘီလီယံ) တင်ပို့ခဲ့သည်။ တရုတ်သည် ထိပ်တန်း (၂၅ ရာခိုင်နှုန်း)၊ နောက်တွင် အမေရိကန် (၁၃ ရာခိုင်နှုန်း) နှင့် သြစတြေးလျ (၁၂ ရာခိုင်နှုန်း) ရှိကြောင်း စာရင်းဇယားများအရ သိရသည်။
Source : Xinhua
DOCA(ရန်ကုန်)