ပြည်တွင်းကုန်သွယ်မှုသတင်းများ
တောင်ငူမြို့တွင် ပေါ်ဆန်း ဆန်သစ်များဝင်ရောက်လာပြီဖြစ်ရာ ဖေဖော်ဝါရီလ ဒုတိယပတ်တွင် ရွှေဘိုပေါ်ဆန်း တစ်အိတ်လျှင် ၁၅၀၀၀၀ ကျပ်၊ ဖျာပုံပေါ်ဆန်း တစ်အိတ်လျှင် ၁၂၅၀၀၀ ကျပ်၊ ဒေသပေါ်ဆန်းမှာ တစ်အိတ်လျှင် ၁၁၅၀၀၀ ကျပ်၊ ဧည့်မထဆန် တစ်အိတ်လျှင် ၈၇၀၀၀ ကျပ်မှ ၉၀၀၀၀ ကျပ်ဖြင့် ယခင်အပတ်ကအတိုင်း ဈေးနှုန်းတည်ငြိမ်နေပါသည်။
အုတ်တွင်းမြို့နယ် ၊ ဗောဓိကုန်းကျေးရွာတွင် သကြားစက်ရှိရာ သကြားထုတ်လုပ်နိုင်ရန် လိုအပ်သော ကြံများကို အုတ်တွင်းမြို့နယ်အတွင်း စိုက်ပျိုးလျက်ရှိပါသည်။ သက်ဆိုင်ရာဌာနများမှ ရရှိသောစာရင်းများအရ ခင်းသစ် ၃၅၀ ဧကနှင့် လမိုင်း ၂၇၀ ဧကတို့ စိုက်ပျိုးထားကြောင်း သိရပါသည်။
တောင်ငူခရိုင်၊ ဖြူးမြို့တွင် မြေပဲဆီမှာ တစ်ပိဿာလျှင် ၁၅၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ တစ်ပိဿာလျှင် ၆၂၀၀ ကျပ်ဖြင့် ရောင်းချပါသည်။
တောင်ငူမြို့ ပတ်ဝန်းကျင်ကျေးရွာများမှ ဘူးသီးစိုက်ပျိုးသူများသည် ညောင်ပင်ဈေးသို့ လာရောက်ရောင်းချလျက်ရှိပါသည်။ ယခုနှစ်တွင် နှင်းကျကာ ချိန်ခါမဟုတ်မိုးရွာသွန်းမှုမရှိဘဲ ရာသီဥတုကောင်းမွန်သဖြင့် ဘူးသီးအထွက်ကောင်း၍ ဈေးနှုန်းလည်း ကျဆင်းပါသည်။
မြန်မာလူမျိုးတို့သည် မိမိတို့အိမ်များတွင်လည်းကောင်း၊ ဘုရားကျောင်းကန်များတွင်လည်းကောင်း ဘုရားပန်းများကို ဝေဝေဆာဆာကပ်လှူကြသဖြင့် ပန်းစိုက်တောင်သူများမှာ ရောင်းအားကောင်းလျက်ရှိပါသည်။ တောင်ငူမြို့နယ် ရှမ်းဝတီးကျေးရွာတွင် ပန်းမျိုးစုံစိုက်ပျိုးလျက်ရှိရာ ယခုအခါ သစ္စာပန်းများ လှိုင်လှိုင်ပေါ်နေပြီ ဖြစ်၍ တောင်ငူမြို့ ညောင်ပင်ဈေးသ
