ကုန်သွယ်မှုသတင်းများ
အင်ဒိုနီးရှားနိုင်ငံ၏ ပြည်တွင်းဆန်ထုတ်လုပ်မှုသည် လုံလောက်မှုရှိသောကြောင့် ၂၀၂၆ ခုနှစ်တွင် စားသုံးသည့်ဆန်(သို့မဟုတ်)စက်မှုလုပ်ငန်းသုံးဆန်များကို နိုင်ငံအတွင်းသို့ တင်သွင်းတော့မည်မဟုတ်ကြောင်း အင်ဒိုနီးရှားနိုင်ငံအစိုးရ အရာရှိတစ်ဦး၏ ပြောကြာ
ကမ္ဘောဒီးယားနိုင်ငံ အနေဖြင့် ၂၀၂၅ ခုနှစ်အတွင်း ပြည်ပသို့ သီဟိုဠ်စေ့ တန်ချိန်တစ်သန်း တင်ပို့နိုင်ခဲ့ရာ ယခင်နှစ်ကထက် ၂၇ ရာခိုင်နှုန်းတိုးတက်ခဲ့ပြီး ဝင်ငွေအားဖြင့် ဒေါ်လာ ၁.၅ ဘီလီယံ ရရှိခဲ့သည်ဟု ကမ္ဘောဒီးယား သီဟိုဠ်စေ့လုပ်ငန်းအသင်း (CAC) က ဇန်နဝါရီ ၂ ရက်နေ့တွင် အစီရင် ခံစာ ထုတ်ပြန်ရာ၌ ဖော်ပြခဲ့သည်။
ဖိလစ်ပိုင်အစိုးရသည် ရိတ်သိမ်းချိန်ကာလအတွင်း ပြည်တွင်းလယ်သမားများကို ကာကွယ် သည့်အနေဖြင့် ဆန်ယာယီတင်သွင်းခွင့် ရပ်ဆိုင်းထားခဲ့ပြီးဖြစ်ရာ ၂၀၂၆ ခုနှစ်၊ ဇန်နဝါရီလ ၁ ရက် နေ့မှ စတင်၍ ဆန်တင်သွင်းမှုအပေါ် အခွန် ၁၅ ရာခိုင်နှုန်း မှ ၂၀ ရာခိုင်နှုန်း အထိ တိုးမြှင့် ကောက်ခံရန် ပြင်ဆင်ထားကြောင်းသိရှိရသည်။
ကမ္ဘောဒီးယားဆန်စပါးအဖွဲ့ချုပ် (CRF) ၏ တရားဝင်အချက်အလက်များအရ ကမ္ဘော ဒီးယားနိုင်ငံ အနေဖြင့် ၂၀၂၅ ခုနှစ်တွင် ဆန်တန်ချိန် ၉၄၀၃၂၁ တန်တင်ပို့လျက် ယခင်နှစ်ကထက် ၄၅.၅၉ ရာခိုင်နှုန်း တိုးတက်မှုရရှိခဲ့ကြောင်း၊ ဆန်တင်ပို့မှုမှ စုစုပေါင်းဝင်ငွေ အမေရိကန်ဒေါ်လာ ၆၀၂.၄၁ သန်း ရရှိခဲ့ပြီး ၂၂.၆၄ ရာခိုင်နှုန်း မြင့်တက်လာခြင်းဖြစ်ကြောင်း သိရှိရသည်။
လူနေမှုစရိတ်ကိုစီမံခန့်ခွဲရန်၊ စိုက်ပျိုးရေးစျေးကွက်ကိုထိန်းညှိရန်နှင့် အမျိုးမျိုးသော စီးပွား ရေး လုပ်ငန်းများကို ကူညီပံ့ပိုးရန် ချမှတ်ထားသည့် ထိုင်းအစိုးရ၏ အဓိက ယန္တရားများကြောင့် ထိုင်းနိုင်ငံ တစ်ဝန်းတွင် ဆန်စျေးနှုန်းများ သိသိသာသာ မြင့်တက်လာခဲ့သည်ဟု ထိုင်းစီးပွားရေးနှင့် ကူးသန်းရောင်းဝယ်ရေးဝန်ကြီးဌာန လက်အောက်ရှိ ပြည်တွင်းကုန်သွယ်ရေးဦးစီးဌာနက ဇန်နဝါရီ ၅ ရက် တနင်္လာနေ့တွင် ထုတ်ပြန်ခဲ့သည်။
