သတင်းနှင့် လှုပ်ရှားမှုများ
ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၄.၄.၂၀၂၄ ရက်နေ့ နံနက် ၁၁း၀၀ နာရီအချိန်တွင် ဗန်းမော်ခရိုင်ဦးစီးမှူးရုံး၌ ဗန်းမော်မြို့တွင်း စားသုံးဆီရောင်းချလျက်ရှိသော ဆီကုန်သည်နှင့် ဆီလုပ်ငန်းရှင် (၈) ဦးအား စားသုံးသူကာကွယ်ရေး အသိပညာပေး ဟောပြောပွဲဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ သထုံမြို့နယ်တာဝန်ခံနှင့် ဝန်ထမ်းများသည် မွန်ပြည်နယ်၊ အစားအသောက်နှင့်ဆေးဝါးကွပ်ကဲရေးဦးစီးဌာနနှင့် သထုံမြို့နယ်၊ အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီအဖွဲ့ဝင်များနှင့်ပူးပေါင်း၍ (၃-၄-၂၀၂၄) ရက်နေ့တွင် သထုံမြို့နယ်၊ ရွှေစာရံဘုရားအနီးဝန်းကျင်ရှိ အစားအသောက်ရောင်းချနေသည့်ဆိုင်များ၊ စတိုးဆိုင်များ၊ ကုန်စုံဆိုင်များအား ကွင်းဆင်းစစ်ဆေးခဲ့ကြောင်းသိရှိရသည်။
စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်မှ မော်လမြိုင်မြို့နယ်တာဝန်ခံ ဦးအောင်ကိုကိုသည် ၂၀၂၄ခုနှစ်၊ ဧပြီလ (၂) ရက်နေ့၊ နံနက်(၁၀း၀၀)နာရီအချိန်တွင် ရွှေမြိုင်သီရိ စက်ကွင်းရပ်ကွက်ရှိ “ မြ” တံဆိပ် အိုင်အိုဒင်းဆားစက်လုပ်ငန်းရှင်နှင့်တွေ့ဆုံ၍ ဆွေးနွေးခဲ့သည်။
မွန်ပြည်နယ်၊ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံသည် မြို့နယ်ကြီးကြပ်ရေးကော်မတီအဖွဲ့နှင့်ပူးပေါင်း၍ (၂-၄-၂၀၂၄) ရက်နေ့တွင် မုဒုံမြို့နယ်၊ မြို့မ(၄)ရပ်ကွက်တွင် လက်လီ/ လက်ကားဖြန့်ဖြူးရောင်းချနေသည့် စားအုန်းဆီဆိုင်များကို ညွှန်ကြားချက်နှင့်အညီ စားသုံးသူပြည်သူများ အလွယ်တကူရရှိနိုင်ရန်နှင့် ဈေးနှုန်းမှန်ကန်စွာဖြန့်ဖြူးရောင်းချခြင်းရှိ/မရှိတို့ကို ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။
စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် ၂၀၂၄ခုနှစ်၊ ဧပြီလ (၂) ရက်နေ့၊ နံနက်(၁၀း၀၀)နာရီအချိန်တွင် မော်လမြိုင်မြို့၊ စက်မှုဇုန်ရှိ ကောင်းထက်အိုင်အိုဒင်းဆားလုပ်ငန်းစက်ရုံလုပ်ငန်းများအား ကွင်းဆင်းလေ့လာသည့် သူနာပြုသင်တန်းကျောင်းမှ သင်တန်းသူ/သင်တန်းသား(၆၀)ဦးအား စားသုံးသူ ကာကွယ်ရေးအသိပညာပေးဟောပြောခဲ့ပါသည်။
