ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ မကွေးခရိုင်၊ မကွေးမြို့၊ မြို့မဈေးသို့ မြင်းခင်းကျေးရွာ၊ ချောင်းဖြူကျေးရွာ၊ ဒဟက်ကန်ကျေးရွာ ၊ ကံပြားကျေးရွာ၊ ကံလှကျေးရွာ၊ ထုံးပေါက်တောကျေးရွာ၊ နွားကူးကျေးရွာ၊ သန်းတောကုန်းကျေးရွာ၊ ဆားတိုင်ကန်ကျေးရွာ၊ မန်ကျီးကန်ကျေးရွာတို့မှ လာရောက်ရောင်းဝယ်ဖောက်ကားလျက်ရှိကြပါသည်။

        မကွေးမြို့၊ မြို့မဈေးတွင် ၂၀၂၄ခုနှစ်၊ ဧပြီလ (ဒုတိယပတ်)အတွင်း ရောင်းချလျက်ရှိကြသော ကုန်ဈေးနှုန်းများမှာ ခရမ်းချဉ်သီး (၁)ပိဿာလျှင် ကျပ်( ၈၀၀-၁၀၀၀)၊ အာလူး(၁)ပိဿာလျှင်  ကျပ်(၂၀၀၀-၂၂၀၀)၊ ငရုတ်သီးတောင်ပေါ် (၁၁) (၁)ပိဿာလျှင် ကျပ်(၃၀၀၀)၊ ပန်းမုန်လာ (၁)ပွင့်လျှင်  ကျပ်(၆၀၀-၁၂၀၀)၊ ကြက်သား (CP) (၁)ပိဿာလျှင် ကျပ်(၁၆၀၀၀)၊ ကြက်သား (ဗမာ) (၁)ပိဿာလျှင် ကျပ်(၂၂၀၀၀)၊ ငါးကြင်း (၁)ပိဿာလျှင် ကျပ်( ၁၄၀၀၀-၁၈၀၀၀)၊ အမဲသား (၁)ပိဿာလျှင် ကျပ်(၁၆၀၀၀)၊ ဝက်သား (၁)ပိဿာလျှင် ကျပ်(၁၅၀၀၀)၊ ဆိတ်သား (၁)ပိဿာလျှင် ကျပ်(၁၈၀၀၀)၊ ဘဲဥ(၁၀)လုံးလျှင် ကျပ်(၃၇၀၀-၄၀၀၀)၊ ကြက်ဥ (၁၀)လုံးလျှင် ကျပ်(၂၄၀၀-၂၅၀၀)၊ ကြက်သွန်နီ (၁)ပိဿာလျှင် ကျပ်(၂၀၀၀)၊ ကြက်သွန်ဖြူ(ဗမာ) (၁)ပိဿာလျှင် ကျပ်( ၁၂၀၀၀)ဈေးနှုန်းတို့ဖြင့်ရောင်းချလျက်ရှိကြောင်း၊ ယခင်အပတ်ဈေးနှုန်းနှင့်နှိုင်းယှဉ်ပါက ခရမ်းချဉ်သီး(၁)ပိဿာလျှင် ကျပ်(၂၀၀)၊ အာလူး(၁)ပိဿာလျှင် ကျပ်(၃၀၀)၊ ငရုတ်သီး‌‌တောင်ပေါ် (၁၁) (၁)ပိဿာလျှင် ကျပ်(၃၀၀)၊ ဘဲဥ(၁)လုံးလျှင် ကျပ်( ၃၀)၊ ကြက်ဥ(၁)လုံးလျှင် ကျပ်(၂၀) စသည်ဖြင့် ဈေးနှုန်းအသီးသီး အနည်းငယ်မြင့်တက်လာကြောင်းသိရှိရပါသည်။

DOCA(မကွေး)

      နေ့လယ်နေ့ခင်း၌ ကလေးများအတွက် အဆာပြေစာ၊ မုန့်ပဲသားရေစာနှင့် မနက်စာအနေဖြင့် ကော်ဖီနှင့်ပင်စားစား စားကောင်းပြီး လုပ်ရသည်မှာလည်းလွယ်ကူသော မြန်မာ့ရိုးရာအာဟာရပြည့် ကြက်ဥခေါက်မုန့်လုပ်ငန်းကို ဝေါမြို့တွင် အိမ်ထောင်ရှင်မများသည် အိမ်တွင်းစီးပွားရေးအနေဖြင့် တစ်နိုင်တစ်ပိုင် ပြုလုပ်ရောင်းကြကြောင်းသိရှိရသည်။ ကြက်ဥခေါက်မုန့်ကို တစ်နေ့လျှင် ဆန် (၃) ပြည်ခန့်ပြုလုပ်ကြောင်း၊ ဆန်(၁) ပြည်လျှင် ထန်းလျက် ၆၀ကျပ်သား၊ နှမ်းအနက် ၅ကျပ်သား၊ ကြက်ဥ ၆လုံး၊   အုန်းသီး (၁) လုံး၊ ဆီ (၅) ကျပ်သား ၊ မီးသွေး ၁ပိဿာ ၅၀ကျပ်သားသုံးရကြောင်းသိရှိရပြီး ကုန်ကျစရိတ်အနေဖြင့်  ဆန် (၁) ပြည်လျှင် ပျှမ်းမျှအားဖြင့် ငွေကျပ် ၁၉၅၀၀ခန့်ကုန်ကျပြီး  လုပ်သားဦးရေ (၂) ဦးရှိပြီး    ကြက်ဥခေါက်မုန့်အခု ၁၈ခုပါ ၁၄ဖာရရှိ၍ တစ်နေ့လျှင် အကျိုး အမြတ်အနေဖြင့် ပျှမ်းမျှ (၁၅၀၀၀-၂၀၀၀၀) ကျပ်ခန့်ရရှိကြောင်း၊ ဈေးနှုန်းအနေဖြင့် ကြက်ဥခေါက်မုန့်အခု ၁၈ခုပါ တစ်ဖာလျှင် ငွေကျပ် ၂၀၀၀ဖြင့် လက်ကား ရောင်းချကြောင်း၊ ဈေးကွက်အနေဖြင့် ဝေါမြို့ပေါ်ရှိ စတိုးဆိုင်များ၊ ကုန်စုံဆိုင်များ၊  မုန့်ဆိုင်များသို့ ဖြန့်ဖြူးရောင်းချကြောင်း၊ လုပ်ငန်းလည်ပတ်သည်မှာ နေ့စဉ်ဖြစ်၍ နားရက်မရှိသောကြောင့် ရောင်းအားအနေဖြင့်လည်း ပုံမှန်လည်ပတ်ရသည်ဖြစ်၍ မိသားစုတစ်နိုင်တစ်ပိုင်ဝင်ငွေရရှိကြောင်းသိရှိရပါသည်။

DOCA(ပဲခူး)

      ပြည်ပဲဈေးကွက်အတွင်း ပြည်ပဝယ်လိုအားရှိသော ပဲများဖြစ်သည့် မတ်ပဲ၊ ပဲစင်းငုံ၊ ပဲတီစိမ်းသီးနှံများတွင် ပဲစင်းငုံသီးနှံကို ဈေးအမြင့်ဆုံးဖြင့် ယခုကာလအတွင်း ရောင်းဝယ်နေကြသည်ဟုသိရပါသည်။ မတ်ပဲသီးနှံမှာလည်း ယခင်နှစ်နှင့်ယှဉ်လျှင် ဈေးနှုန်းများမြင့်တက်လာသည်ဆိုသော်လည်း ယခုအထွက်လှိုင်လာချိန်တွင် ပဲဈေးပြန်လျော့နည်းသွားခြင်းကြောင့် တစ်တင်း (ပိဿာ၂၀ဝင်) လျှင် ၉၂၅၀၀ကျပ်၊ ၉၃၀၀၀ကျပ်ခန့်သာရရှိခဲ့ပြီး ပဲစင်းငုံသီးနှံမှာမူ ဈေးအမြင့်ဖြင့်သာ ဆက်လက်အရောင်းအဝယ်ဖြစ်ခဲ့ပါသည်။ ပဲစင်းငုံသီးနှံမှာ ပဲအဝင်များလာပြီး ဝယ်လိုအားအနေဖြင့် ရန်ကုန်ဝယ်လက်အဓိကဝယ်ယူမှုရှိသောကြောင့် ဝင်ရောက်လာသမျှ အရောင်းအဝယ်ဖြစ်ခဲ့ကာ ပဲဈေးနှုန်းမှာ တစ်တင်းလျှင် ၁၁၆၅၀၀ကျပ်ခန့်ဖြင့် ရောင်းချခဲ့ကြပါသည်။ ပြည်ခရိုင်အတွင်း ပဲစင်းငုံသီးနှံအနေဖြင့် မတ်ပဲသီးနှံကဲ့သို့ စိုက်ဧကအများအပြားမရှိဘဲ ပြည်၊ ရွှေတောင်၊ ပေါက်ခေါင်း၊ ပန်းတောင်းမြို့နယ်များ၌သာ စိုက်ပျိုးမှုရှိပြီး စိုက်ဧက ၁သောင်းကျော်ခန့်သာ စိုက်ပျိုးကြပါသည်။ ပြည်ဈေးကွက်သို့ ပန်းတောင်း၊ ပေါက်ခေါင်း၊ ရွှေတောင်မြို့နယ်များအပြင် ကံမဖက်မှလည်းဝင်ရောက်မှုရှိကြပါသည်။ အခြားပဲများမှာ ယခုရက်ပိုင်း၌ ဈေးအနည်းငယ်အေးသွားပြီး ပဲစင်းငုံသီးနှံမှာလည်း ယခင်လနှင့်ယှဉ်လျှင် ဈေးအေးနေပါသည်။ ယခင်လ၌ ပဲစင်းငုံသီးနှံတစ်တင်းလျှင် ၁၁၉၀၀၀ကျပ်အထိ ဈေးကွက်၌ ဈေးအမြင့်ဆုံးရလျက်ရှိခဲ့ပြီး ယခုလ၌ ဈေးအနည်းငယ်အေးသွားသည်ဆိုသော်လည်း ဈေးအမြင့်ဆုံးဖြင့်သာ ရောင်းဝယ်နေသော ပြည်ပဝယ်လိုအားရှိသည့် ပဲသီးနှံအဖြစ်ရှိနေကြောင်းသိရှိရပါသည်။

DOCA(ပဲခူး)

     ၂၅.၄.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

    ဧရာဝတီတိုင်းဒေသကြီးအတွင်း (၁၂.၆.၂၀၂၃) ရက်နေ့နှင့် (၁၀.၄.၂၀၂၄) ရက်နေ့အတွင်း ဖြစ်ပေါ်ခဲ့သော ကုန်ဈေးနှုန်း ပြောင်းလဲမှု အခြေအနေများကို တင်ပြအပ်ပါသည်။ ပေါ်ဆန်းဆန်၊ ဧည့်မထဆန်ဈေးနှုန်းတို့မှာ (၁၂.၆.၂၀၂၃) ဈေးနှုန်းနှင့်နှိုင်းယှဉ်ပါက ပေါ်ဆန်း ဆန် (၃၃၀၀၀/-၊ ၃၆၀၀၀/-) ကျပ်၊ ဧည့်မထဆန် (၁၇၀၀၀/-) ကျပ်၊ အနည်းငယ်ကျဆင်း နေကြောင်း တွေ့ရှိ ရပါသည်။ ဈေးနှုန်းအနည်းငယ်ကျဆင်းရခြင်းမှာ ဆန်သစ်ပေါ်လာခြင်း ဝယ်လိုအားနည်းခြင်းကြောင့်ဖြစ်သည်ဟုသုံးသပ်ရပါသည်။

    ဓါတ်ဆီ၊ ဒီဇယ်ဆီ ၊ ဈေးနှုန်းများမှာ (၁၂.၆.၂၀၂၃) ဈေးနှုန်းနှင့်နှိုင်းယှဉ်လျှင်ပါက ဓါတ်ဆီဈေးနှုန်းမှာ (၃၄၅၅/) ကျပ်၊ ဒီဇယ်ဈေးနှုန်းမှာ (၂၀၉၁/) ကျပ်မြင့်တက်နေကြောင်းတွေ့ရှိရ ပါသည်။ ရည်ညွှန်းဈေးပေါ်မူတည်ပြီး အတက်၊ အကျ ဖြစ်ပေါ်နေပြီး စားအုန်းဆီဈေးနှုန်းမှာ (၁၂.၆.၂၀၂၃) ဈေးနှုန်းနှင့် နှိုင်းယှဉ်ပါက (၅၂၀/) ကျပ် လျော့နည်းကြောင်း တွေ့ရှိရပါသည်။ (ရည်ညွှန်ဈေး+ သယ်ယူ စရိတ်+၂%) ရောင်းချနေခြင်းကြောင့် ဖြစ်သည်ဟု သုံးသပ်ရပါသည်။

    ရွှေဈေးနှုန်းအနေဖြင့် (၁၂.၆.၂၀၂၃) ရက်နေ့နှင့်နှိုင်းယှဉ်ပါက ၁၆ ပဲရည် (၁၆၉၅၀၀၀/) ကျပ် ၁၅ပဲရည် (၁၅၇၅၀၀၀/) ကျပ် ဈေးနှုန်းများမြင့်တက်နေကြောင်းတွေ့ရှိရပြီး ကမ္ဘာ့ရွှေ ဈေးနှုန်း အပေါ် ရန်ကုန်မြို့ရှိ ရွှေလက်ကားရောင်းဝယ်သည့် အောင်သမာဓိ၊ ဇွဲထက်၊ ဝိန့်စိန် ရွှေဆိုင် များ၏ ဈေးနှုန်းများအတိုင်း ရောင်းချလျက်ရှိကြောင်းတွေ့ရှိရပါသည်။ စားဖို‌ဆောင် သီးနှံများဖြစ်သည့် ငရုတ်ဈေးနှုန်းမှာ (၁၂.၆.၂၀၂၃)ရက်နေ့ ဈေးနှုန်းနှင့် နှိုင်းယှဉ်ပါက (၆၂၀၀/-၊ ၇၀၀၀/-) လျော့နည်း ကြောင်းတွေ့ရှိရပြီး ကြက်သွန်နီ၊ ကြက်သွန်ဖြူ (ကြူကုတ်)၊ (ရှမ်းဖြူ)၊ အာလူးဈေးနှုန်းမှာ ဈေးနှုန်း များမြင့်တက်နေကြောင်း တွေ့ရှိရပါသည်။ ငရုတ်ဈေးနှုန်း ကျဆင်းရခြင်းမှာ ဒေသတွင်း စိုက်ပျိုးထွက်ရှိမှုများခြင်းနှင့် ကြက်သွန်နီ၊ ကြက်သွန်ဖြူ (ကြူကုတ်)၊ (ရှမ်းဖြူ)၊ အာလူးဈေးနှုန်း မြင့်တက် ရခြင်းမှာ စိုက်ပျိုးထွက်ရှိရာ ဒေသများမှ သယ်ယူစရိတ်များ မြင့်မားလာခြင်း ကြောင့်ဖြစ်သည် ဟု သုံးသပ်ရရှိပါသည်။

   အသားဈေးနှုန်းများမှာ စည်ပင်သာယာရေးအဖွဲ့၏ ထိန်းကြောင်းကြပ်မတ်မှုကြောင့် ဈေးနှုန်းများ အနည်းငယ်ကျဆင်းလျက်ရှိကြောင်း တွေ့ရှိရပါသည်။ ငါးဈေးနှုန်းအနေဖြင့် (၁၂.၆.၂၀၂၃) ရက်နေ့ ဈေးနှုန်းနှင့်နှိုင်းယှဉ်ပါက ငါးကြင်း၊ ငါးခူ၊ ငါးရံ့ ဈေးနှုန်းများမြင့်တက်နေကြောင်း တွေ့ရှိရပါသည်။ ဈေးနှုန်းများမြင့်တက်ရခြင်းမှာ သွင်းအားစုဖြစ်သည့် အစာဈေးနှုန်း၊ သယ်ယူပို့ဆောင်ရေးစရိတ်နှင့် အထွေထွေကုန်ကျစရိတ်များ မြင့်မားခြင်းကြောင့်လည်းကောင်း၊ ငါးကြင်းမှာ မွေးမြူရေးငါးများထက် ကြီးထွားနှုန်းနှေးကွေးခြင်းကြောင့်လည်းကောင်း၊ ငါးမြစ်ချင်းဈေးနှုန်းမှာ ငါးကန်ဖော်ချိန်ဖြစ်၍ ဈေးနှုန်းများ ကျဆင်းခြင်းဖြစ်သည်ဟု သုံးသပ်ရရှိကြောင်း သတင်းရရှိပါသည်။

DOCA(ဧရာဝတီ)