Main menu

စားသုံးသူရေးရာ ဦးစီးဌာန သမိုင်းအကျဉ်း

Powered by Drupal
  • - နိုင်ငံတော်မှကျင့်သုံးလျှက်ရှိသော စီးပွားရေးမူဝါဒနှင့် လိုက်လျှောညီထွေဖြစ်စေမည့် အဖွဲ့ အစည်းများကို ခေတ်အဆက်ဆက် ပြုပြင်ပြောင်းလဲခဲ့ရာတွင် ၁၉၄၅ ခုနှစ်တွင် ဆန်စပါးလုပ်ငန်းများ ကိုဆောင်ရွက်ရန်အတွက် လယ်ယာစိုက်ပျိုးရေးစီမံကိန်းအဖွဲ့အား ဖွဲ့စည်းဆောင်ရွက်ခဲ့ပါသည်။ ၁၉၄၇ ခုနှစ်တွင် နိုင်ငံတော်ကောက်ပဲသီးနှံရောင်းဝယ်ရေးအဖွဲ့ဟုလည်းကောင်း၊ ၁၉၆၃ ခုနှစ်တွင် ပြည်ထောင်စုမြန်မာနိုင်ငံတော် ကောက်ပဲသီးနှံရောင်းဝယ်ရေးအဖွဲ့ဟုလည်းကောင်း၊ ၁၉၇၆ ခုနှစ်တွင် လယ်ယာကိုင်းကျွန်းနှင့်ဥယာဉ်ခြံမြေထွက်ကုန်ပစ္စည်း ကုန်သွယ်ရေးကော်ပိုရေးရှင်းဟုလည်းကောင်း ပြင်ဆင်ခဲ့ပါသည်။ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ လက်ထက်တွင် ဆန်စပါးရောင်း ဝယ်ရေးလုပ်ငန်းကို နိုင်ငံတော်ကိုယ်စား လယ်ယာကိုင်းကျွန်းနှင့် ဥယာဉ်ခြံမြေ ထွက်ကုန်ပစ္စည်းကုန် သွယ်ရေးကော်ပိုရေးရှင်းက ၁၉၈၉ ခုနှစ် မတ်လ အထိ တာဝန်ယူဆောင်ရွက်ခဲ့ပြီး ၁၉၈၉ ခုနှစ် ဧပြီလ မှစ၍ မြန်မာ့လယ်ယာထွက်ကုန်ပစ္စည်းရောင်းဝယ်ရေးအမည်ဖြင့် ဆက်လက် တာဝန်ယူဆောင်ရွက်ခဲ့ ပါသည်။
  • - နိုင်ငံတော်အစိုးရ၏ ပြုပြင်ပြောင်းလဲ ကျင့်သုံးလျက်ရှိသည့် စီးပွားရေးမူဝါဒများနှင့်အညီ နိုင်ငံခြားကုန်သွယ်မှုအဖွဲ့အစည်းများ၊ဒေသတွင်းကုန်သွယ်မှုအဖွဲ့အစည်းများနှင့် ကုန်သွယ်မှုမြှင့်တင် ရေးဆိုင်ရာသုတေသနလုပ်ငန်းများ၊ ကုန်သွယ်မှုသတင်း၊စျေးကွက်သတင်းအချက်အလက်များအား စုဆောင်းတည်ဆောက်ဖြန့်ဝေခြင်းလုပ်ငန်းများကို တိုင်းဒေသကြီးအသီးသီးတွင်ဆောင်ရွက်ခြင်းဖြင့် တစ်နိုင်ငံလုံး၏ ကုန်သွယ်စီးပွား တိုးတက်အောင် ဆောင်ရွက်နိုင်စေရန် မြန်မာ့လယ်ယာထွက်ကုန် ပစ္စည်းရောင်းဝယ်ရေးကို ကုန်သွယ်မှုမြှင့်တင်ရေးဦးစီးဌာနအမည်ဖြင့် ပြင်ဆင်ဖွဲ့စည်းဆောင်ရွက်ခဲ့ ပါသည်။
  • - ထို့အပြင် ကုန်သွယ်မှုမြှင့်တင်ရေးလုပ်ငန်းများအပြင် စားသုံးသူအကာအကွယ်ပေးရေးဥပဒေ အရ စားသုံးသူအခွင့်အရေးများကို ထိရောက်စွာကာကွယ်နိုင်သောလုပ်ငန်းများကို ဆောင်ရွက်နိုင်ရန် ၂၀၁၅ ခုနှစ်၊ ဇန်နဝါရီလ ၁၅ ရက် နေ့တွင် ကျင်းပပြုလုပ်သော ပြည်ထောင်စုသမ္မတမြန်မာနိုင်ငံတော် ပြည်ထောင်စုအစိုးရအဖွဲ့အစည်းအဝေးအမှတ်စဉ်(၂/၂၀၁၅)ကြိမ်မြောက်အစည်းအဝေး၏ သဘောတူ ခွင့်ပြုချက်အရ ကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာနဖြင့် ဌာနခွဲ(၉)ခု၊ တိုင်းဒေသကြီး/ ပြည်နယ် (၁၄)ခုတို့ဖြင့် ဖွဲ့စည်းဆောင်ရွက်ခဲ့ပါသည်။
  • - ထို့နောက် နိုင်ငံသားများအားလုံး ပြည်တွင်းပြည်ပမှ ထုတ်လုပ်တင်သွင်းလာသော ကုန်စည်နှင့်ဝန်ဆောင်မှုများအား ဘေးအန္တရာယ်ကင်းရှင်းစွာ အသုံးပြုနိုင်ရေးအတွက် စားသုံးသူ အကာအကွယ်ပေးရေးဥပဒေနှင့်အညီ စားသုံးသူကာကွယ်ပေးရေးလုပ်ငန်းများအား အရှိန်အဟုန် မြှင့်တင်၍ ထိရောက်စွာ အကောင်အထည်ဖော်ဆောင်ရွက်နိုင်ရန် ၂၀၁၆ ခုနှစ်၊ဧပြီလ ၁ ရက်နေ့တွင် စားသုံးသူရေးရာဦးစီးဌာနအား အောက်ဖော်ပြပါ ဌာနကြီး(၆)ခု၊ တိုင်းဒေသကြီး/ပြည်နယ်(၁၄)ခု၊ ခရိုင်(၃၁)ခု တို့ဖြင့် ပြင်ဆင်ဖွဲ့စည်းခဲ့ခြင်း ဖြစ်ပါသည်။
    • (က) စီမံရေးရာဌာနခွဲ
    • (ခ) ငွေစာရင်းဌာနခွဲ
    • (ဂ) မူဝါဒလေ့လာရေးနှင့်စီမံကိန်းစာရင်းအင်းဌာနခွဲ
    • (ဃ) သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ
    • (င) စားသုံးသူရေးရာဌာနခွဲ
    • (စ) ထုတ်ကုန်လုံခြုံစိတ်ချရမှုဌာနခွဲ
    • (ဆ) တိုင်းဒေသကြီး/ပြည်နယ်(၁၄)ခုနှင့် ခရိုင်(၃၁)ခု