ပြည်တွင်းကုန်သွယ်မှုသတင်း

     မန္တလေးတိုင်းဒေသကြီး၊ မိတ္ထီလာမြို့၊ မိတ္ထီလာကုန်စည်ဒိုင်တွင် ဆီထွက်သီးနှံများ၊ ပဲမျိုးစုံ သီးနှံများ၊ ဝါသီးနှံများ၊ စားဖိုဆောင်သီးနှံများ အရောင်းအဝယ်ဖြစ်လျက်ရှိကြောင်း၊ မိတ္ထီလာကုန်စည်ဒိုင်၌ မေလ ၊ တတိယပတ်အတွင်း ဖြစ်ပေါ်နေသော ဆီထွက်သီးနှံဈေးနှုန်းများမှာ  နှမ်း (ညို) တစ်တင်းလျှင် (၉၈၀၀၀) ကျပ်၊ နှမ်းဖြူ တစ်တင်းလျှင် (၁၁၅၀၀၀) ကျပ်၊ နေကြာစေ့ တစ်ပိဿာလျှင် (၄၀၀၀) ကျပ်၊ နှမ်းဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ မြေပဲဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ နေကြာဆီ တစ်ပိဿာလျှင်(၁၃၀၀၀) ကျပ်၊ နှမ်းဖတ် တစ်ပိဿာလျှင် (၂၆၅၀-၂၇၀၀) ကျပ်၊ ပဲဖတ် တစ်ပိဿာလျှင် (၃၁၅၀) ကျပ်၊ နေကြာဖတ် တစ်ပိဿာလျှင် (၁၈၅၀) ကျပ်ဖြင့် ရောင်းဝယ်ဖြစ်လျက်ရှိပြီး၊ ဧပြီလ ၊ တတိယပတ်အတွင်း ဖြစ်ပေါ်နေသော ဆီထွက်သီးနှံဈေးနှုန်း များမှာ  နှမ်း (ညို) တစ်တင်းလျှင် (၉၅၀၀၀-၉၆၀၀၀) ကျပ်၊ နှမ်းဖြူ တစ်တင်းလျှင် (၁၁၂၀၀၀) ကျပ်၊ နေကြာစေ့ တစ်ပိဿာလျှင် (၄၀၀၀) ကျပ်၊ နှမ်းဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ မြေပဲဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ နေကြာဆီ တစ်ပိဿာလျှင်(၁၃၀၀၀) ကျပ်၊ နှမ်းဖတ် တစ်ပိဿာလျှင် (၂၆၅၀) ကျပ်၊ ပဲဖတ် တစ်ပိဿာလျှင် (၃၁၀၀) ကျပ်၊ နေကြာဖတ် တစ်ပိဿာလျှင် (၁၈၅၀) ကျပ်ဖြင့် ဖြင့် အရောင်းအဝယ်ဖြစ်လျက်ရှိပြီး ယခင်လနှင့်ယခုလကာလ တူနှိုင်းယှဉ်လျှင် ဆီထွက် သီးနှံဈေးနှုန်းမြှင့်တက်လျက်ရှိပြီး၊ ကုန်ချောဈေးနှုန်းများ တည်ငြိမ်လျက်ရှိပါသည်။

      ယခုမေလ တတိယပတ်အတွင်း ပဲမျိုးစုံစျေးနှုန်းတွင် ကုလားပဲ (V2) တစ်တင်းလျှင် (၈၂၀၀၀) ကျပ်၊ ပဲစဉ်းငုံ (သစ်) တစ်တင်း လျှင် (၁၃၀၀၀၀)ကျပ်၊ ထောဖြူ (သစ်) တစ်တင်းလျှင် (၉၀၀၀၀) ကျပ်၊ ထိုင်ဝမ် တစ်တင်းလျှင် (၇၅၀၀၀)ကျပ်၊ 929 တစ်တင်လျှင် (၈၀၀၀၀) ကျပ် စျေးရောင်းဝယ်လျက်ရှိပြီး၊ ယခင်ဧပြီ တတိယပတ်အတွင်း ကုလားပဲ (V2) တစ်တင်းလျှင် (၇၈၀၀၀-၈၀၀၀၀) ကျပ်၊ ပဲစဉ်းငုံ (သစ်) တစ်တင်း လျှင် (၁၂၃၀၀၀)ကျပ်၊ ထောဖြူ (သစ်) တစ်တင်းလျှင် (၈၅၀၀၀-၉၀၀၀၀) ကျပ်စျေးရှိခဲ့ရာ ယခင်လနှင့်ယခုလကာလတူနှိုင်းယှဉ်လျှင် ကုလားပဲဈေးနှုန်း ဒေသတွင်း သုံးစွဲမှုများလာခြင်းကြောင့် ကုလားပဲ (V2)စျေးမှာ တစ်တင်းလျှင် (၂၀၀၀) ကျပ် ခန့်မြှင့်တက်ခဲ့ပြီး၊ ပဲစဉ်းငုံ ရာသီချိန်ဖြစ်သော်လည်း ပြည်ပလိုအပ်ချက်များရှိသဖြင့် ပဲစဉ်းငုံ တစ်တင်းလျှင် (၇၀၀၀) ကျပ်ခန့် စျေးနှုန်း မြှင့်တက် လာကြောင်း သိရှိရပါသည်။

    ယခုမေလတတိယပတ်အတွင်း ဝါတစ်ပိဿာလျှင် (၂၇၀၀-၂၈၀၀)ကျပ်၊ ငရုတ်သစ် တစ်ပိဿာလျှင်(၈၀၀၀)ကျပ်၊ ကြက်သွန်နီ တစ်ပိဿာလျှင် (၁၉၀၀-၂၀၀၀) ကျပ်၊ မကျည်းတောင့် တစ် ပိဿာလျှင် (၂၄၅၀) ကျပ်၊ ယခင်ဧပြီတတိယပတ်အတွင်း ငရုတ်သီး(သစ်) တစ်ပိဿာလျှင် (၈၀၀၀-၉၀၀၀) ကျပ်၊ ကြက်သွန်နီ တစ်ပိဿာလျှင် (၁၈၀၀-၂၀၀၀) ကျပ်၊ မကျည်းတောင့် တစ်ပိဿာလျှင် (၂၆၀၀-၂၇၀၀) ကျပ်ရှိပြီး ယခင်လနှင့် ယခုလနှိုင်းယှဉ်လျှင် ဈေးနှုန်းများမှာ ဈေးငြိမ်နေကြောင်း သိရှိရပါသည်။

DOCA(မန္တလေး)

        စစ်ကိုင်းတိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် တန်ဖိုးသင့်အခြေခံစားသောက်ကုန်များကို စိုက်ပျိုး၊ မွေးမြူ ထုတ်လုပ်သူများမှဆန်၊ ဆီနှင့် ကြက်ဥ၊ ဒေသထွက် ဟင်းသီးဟင်းရွက်သီးနှံများကို ၂၀၂၄ ခုနှစ်၊ မေလတတိယအပတ် ၁၈ရက်နေ့တွင် မုံရွာမြို့၊ ပြည်ထောင်စုဈေးတို့တွင်    နံနက် (၀၇:၀၀) နာရီအချိန်တွင် သက်သာသောဈေးနှုန်းဖြင့် အပတ်စဉ်ရောင်းချပေးလျက်ရှိပါသည်။

     ထိုသို့ရောင်းချခဲ့ရာတွင် တိုင်းဒေသကြီးအစိုးရအဖွဲ့၊ ဝန်ကြီးချုပ်ဦးမြတ်ကျော်၏ ကြီးကြပ်မှု့ဖြင့် အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မွေးမြူရေးနှင့် ကုသရေးဦးစီးဌာန၊ စည်ပင်သာယာရေးအဖွဲ့၊ စိုက်ပျိုး‌ရေးဦးစီးဌာန၊ စက်မှုကြီးကြပ်ရေးနှင့် စစ်ဆေးရေးဦးစီးဌာနတို့သည် အခြေခံစားကုန်များ ကုန်ဈေးနှုန်းကြီးမြင့်မှုမရှိစေရေးအတွက် ကိုယ်တိုင်စိုက်ပျိုး/ မွေးမြူ၊ ထုတ်လုပ်သူများနှင့် ပူးပေါင်းကာ စားအုန်းဆီတစ်ပိဿာလျှင် ၆၃၀၀ကျပ်၊ ဝယ်ယူသည့်ပြည်သူများအဆင်ပြေစေရန် ကောင်တာ(၅) ခုခွဲ၍ ဆီ(၃၃၀) ပိဿာနှင့် မုံရွာမြို့၊ (အ.ထ.က-၂)ကျောင်းတွင် တိုင်း/ ခရိုင်/ မြို့နယ် အဆင့်ဌာနဆိုင်ရာဝန်ထမ်းအများစုပေါင်းသန့်ရှင်းရေးတွင် ဆီ(၃၃၀) ပိဿာ၊ ဆန်တစ်ပြည်လျှင်၃၀၀၀ကျပ်၊ ဆန်(၂၄)ပြည်ဝင်အိတ်(၂၀) အိတ်၊  ကြက်ဥ(၅) လုံးတစ်ထုပ်လျှင် ၁၀၀၀ကျပ်၊ ကြက်ဥ အလုံး(၂၇၀၀)၊ ငုံးဥ( ၁၆ ) လုံးတစ်ထုပ်လျှင် ၁၀၀၀ကျပ်၊ အလုံး (၃၀၀၀)နှင့် ကြာဇံများ၊ ခေါက်ဆွဲခြောက်များ၊ ကုလားပဲမှုန့်များ၊ ကိတ်စို/ ကိတ်ခြောက်များနှင့် ဒေသထွက်ဟင်းသီးဟင်းရွက်သီးနှံများကို ပြင်ပပေါက်ဈေးထက်သက်သာသောဈေးနှုန်းများဖြင့် ရောင်းချပေးခဲ့ကြောင်းသိရှိရပါ သည်။

DOCA(စစ်ကိုင်း)

       မြန်မာနိုင်ငံတွင် သရက်သီးစိုက်ပျိုးထုတ်လုပ်မှုအရ ပဲခူးတိုင်း၊ မကွေးတိုင်း၊ စစ်ကိုင်းတိုင်းဒေသကြီး၊ မန္တလေးတိုင်းနှင့် ရှမ်းပြည်နယ်တို့တွင် အဓိကစိုက်ပျိုးကြပြီး စိုက်ပျိုးသည့်သရက်သီးအမျိုးအစားများမှာ မြကျောက်၊ စိန်တလုံး၊ ရွှေဟင်္သာ၊ ရင်ကွဲ၊ မချစ်စု၊ ပတ္တမြားငမောက်နှင့် စိမ်းချို စသောသရက်သီးအမျိုးအစားများ ဖြစ်ကြသည်။ စစ်ကိုင်းတိုင်းဒေသကြီး၊ ကန့်ဘလူခရိုင်တွင် စိန်တလုံးသရက်ကို အများဆုံးစိုက်ပြီး ပတ္တမြားငမောက်နှင့် စိမ်းချိုစသည့် သရက်မျိုးများစိုက်ပျိုး ကြသည်။

          သရက်သီးသည် အစားအသောက်အဖြစ်သာအသုံးဝင်သည်သာမက ကျန်းမာရေးအတွက် အဟာရဓာတ်များကြွယ်ဝစွာပါဝင်ကြောင်း သရက်သီးကိုစားသုံးပေးခြင်းဖြင့် ပျက်စီးသွားသောဆဲလ်များကို အစွမ်းထက်သော Antioxidantမှ ပြန်လည်ကောင်းမွန်စေခြင်း၊ သရက်သီးတွင် Vitamin A, Eနှင့်Seleniumတို့ပါဝင်သဖြင့် နှလုံးရောဂါနှင့် အဖျားရောဂါများကို ပျောက်ကင်းစေခြင်း၊ သရက်သီးတွင် Phenolic Compound ပါဝင်သောကြောင့် Antioxidantမှ ကင်စာရောဂါများကို ကာကွယ်ပေးနိုင်ခြင်း၊ သံဓာတ်များလုံလောက်စွာပါဝင်သောကြောင့် ကိုယ်ဝန်ဆောင်မိခင်များနှင့် သွေးကင်ဆာရောဂါရှင်များအတွက် သက်သာပျောက်ကင်းစေခြင်း စသည့်ကျန်းမာရေးအကျိုးပြုမှုများကို ရရှိစေနိုင်ကြောင်းသိရှိရသည်။

          ကန့်ဘလူမြို့၊ သစ်သီးဆိုင်များတွင်ရောင်းချနေသော သရက်သီးဈေးနှုန်းအခြေအနေမှာ စိန်တလုံးသရက်သီးတစ်လုံးလျှင် (၅၀၀)ကျပ်နှင့် သုံးလုံးလျှင် (၁၀၀၀)ကျပ်ဖြင့် ရောင်းချလျက်ရှိကြောင်း သစ်သီးဆိုင်များမှသိရှိရသည်။

DOCA(စစ်ကိုင်း)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီးဦးစီးမှူး၏ လမ်းညွှန်ချက်အရ၊ ကန့်ဘလူခရိုင်ဦးစီးမှူး၏ကွပ်ကဲမှုအောက်ရှိ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ၂၀၂၄ ခုနှစ်၊ မေလ(၂၀)ရက်နေ့ နံနက်(၀၈;၀၀)နာရီအချိန်တွင် စစ်ကိုင်းတိုင်းဒေသကြီး၊  ကန့်ဘလူခရိုင် ၊ ကျွန်းလှမြို့ပေါ်ရပ်ကွက်များရှိ ဘိလပ်မြေ အရောင်းဆိုင် (၃)ဆိုင်အား သွားရောက် ကွင်းဆင်းစစ်ဆေးခြင်းဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာ ကျွန်းလှမြို့နယ်အတွင်းရောင်းချနေသော ဘိလပ်မြေအရောင်းဆိုင် များတွင်  ဘိလပ်မြေအမျိုးအစားများ ၊ တစ်အိတ်ချင်းစီ၏ တစ်အိတ်ဈေးနှုန်း၊ ပစ္စည်းပြတ်လတ်မှု ရှိ/မရှိ ကုန်ပစ္စည်းလက်ကျန်အခြေအနေမျာကို သိရှိနိုင်ရန် မြေပြင်ကွင်းဆင်းစစ်ဆေးမှုများ ပြုလုပ်၍ တိုင်းဒေသ ကြီးဦးစီးမှူးရုံးသို့ အပတ်စဉ် ပေးပို့တင်ပြပေးလျက်ရှိကြောင်း သတင်းရရှိပါသည်။

          မြေပြင်ကွင်းဆင်းစစ်ဆေးဆောင်ရွက်မှု ပြုလုပ်ရာတွင် ကျွန်းလှမြို့နယ်အတွင်းရှိ စားသုံးသူပြည် သူများ အလွယ်တကူ ဝယ်ယူအသုံးပြုနိုင်ရန်နှင့် ဈေးနှုန်းအဆမတန် မြှင့်တင်ဝယ်ယူရခြင်းများ မဖြစ်ပေါ်စေရေးအတွက် ဘိလပ်မြေရောင်းချသည့် ဆိုင်များသို့ ဘိလပ်မြေ ဝယ်ယူရရှိမှုအခြေအနေ၊ ဖြန့်ဖြူး ရောင်းချမှုနှင့်ဈေးနှုန်းဈေးကွက်အခြေအနေတို့အား မေးမြန်းစုံစမ်းရာ ဈေးကွက်အနေဖြင့် ကျွန်းလှမြို့ နယ်အတွင်း ဖြန့်ဖြူးရောင်းချပေးလျက်ရှိကြောင်းနှင့် ဈေးနှုန်းအနေဖြင့် ကြံ့နှစ်ကောင် အမှတ်တံဆိပ် ဘိလပ်မြေဈေးနှုန်းမှာ တစ်အိတ်လျှင် ကျပ် ၁၄၀၀၀ ၊ CROWN အမှတ်တံဆိပ် 525အမျိုးအစား တစ်အိတ်လျှင် ကျပ်၁၆၅၀၀၊ CROWN အမှတ်တံဆိပ် 425 အမျိုးအစား ဘိလပ်မြေ တစ်အိတ်လျှင် ကျပ် ၁၆၀၀၀ တို့ဖြင့် ဈေးနှုန်း အတက်အကျပေါ်မူတည်၍ ရောင်းချပေးလျက်ရှိကြောင်း နှင့် ဘိလပ်မြေဆိုင် များတွင် ပစ္စည်းပြတ်လတ်မှုမရှိကြောင်း၊ ကုန်ပစ္စည်း လက်ကျန်ရှိကြောင်း မေလ ဒုတိယအပတ်ထက် ဈေးနှုန်း အနည်းငယ်ထပ်မံကျဆင်းလျက်ရှိကြောင်း သိရှိခဲ့ရပါသည်။

DOCA(စစ်ကိုင်း)

          မြန်မာနိုင်ငံတွင် သရက်သီးစိုက်ပျိုးထုတ်လုပ်မှုအရ မြန်မာ့စိန်တလုံးသရက်သီးမှာ ပဲခူးတိုင်း၊ မကွေးတိုင်း၊ စစ်ကိုင်းတိုင်း ဒေသကြီး၊ မန္တလေးတိုင်း၊ ကျောက်ဆည်ဒေသ၊ စဉ့်ကိုင်ဒေသနှင့် ရှမ်းပြည်နယ်တို့တွင် အဓိကစိုက်ပျိုးကြပြီး စိုက်ပျိုးသည့် သရက်သီး အမျိုးအစားများမှာ မြကျောက်၊ စိန်တလုံး၊ ရွှေဟင်္သာ၊ ရင်ကွဲ၊ မချစ်စု၊ ပတ္တမြားငမောက်နှင့် စိမ်းချိုစသော သရက်သီး အမျိုးအစားများ ဖြစ်ကြသည်။ စစ်ကိုင်းတိုင်းဒေသကြီး၊ မုံရွာမြို့နယ်ရှိ ရွှေဘို၊ ကန့်ဘလူ၊ ဘုတလင်မြို့နယ်များသည်   စိန်တလုံးသရက်ကို အများဆုံးစိုက်ပြီး ပတ္တမြားငမောက်နှင့် စိမ်းချို စသည့် သရက်မျိုးများစိုက်ပျိုးကြကြောင်း သိရှိရပါသည်။

         ယခု မေလဆန်းပိုင်များစ၍ ရွှေဘို၊ ဘုတလင်၊ ကနီမြို့နယ်များမှ ဝင်ရောက်လာပြီး မုံရွာမြို့ရှိဈေးများသို့ မြန်မာ့စိန်တလုံးသရက်သီးသည် ဈေးကွက်ရရှိနေပြီး ပေါ်ဦးပေါ်ဖျားဖြစ်၍ ဈေးကောင်းရရှိကာ သရက်သီးပွဲရုံများတွင် တောင်းပြတ်ရောင်းချလျှင် တောင်းတစ်တောင်းကို  လက်က္ကားဈေးပြွန် ပျမ်းမျှ တစ်လုံး(၅၀၀) ကျပ်နှုန်းဖြင့် အလုံးရေ (၁၂၀) ပါ (၆၀၀၀၀)ကျပ်ဖြင့် ရောင်းချရပါကြောင်း၊ သစ်သီးခြင်းတစ်ခြင်းလျှင် အလုံးရေ(၁၀၀)လုံးပါ ငွေကျပ် ၅ သောင်းဖြင့် ရောင်းချလျက်ရှိပါကြောင်း၊ ရွေးကောက်ရောင်းချလျှင် သရက်သီးအလုံး အသေး/အကြီးအမျိုးအစား ပေါ်မှုတည်၍ (၅၀၀)ကျပ်မှ စတင်ပြီး (၁၀၀၀)ကျပ် အထိရောင်းချရပြီး ဈေးကွက် အတွင်း အရောင်းသွက်လျက်ရှိကြောင်း၊ တစ်ရက်ရောင်းချရမှုမှာ သရက်သီးတောင်းရေ ၁၀၀ မှ ၁၅၀ ခန့်ထိ ရောင်းချရပြီး ရန်ကုန်၊ မန္တလေး၊ပြင်ဦးလွင်မြို့များသို့ ပို့ဆောင်ရပါကြောင်း  သရက်သီးပွဲရုံမှ သိရှိရပါသည်။

           လက်လီဈေးသည်များသည်လည်း ဈေးကောင်းရရှိနေသောကြောင်း ပွဲရုံမှ ဖောက်သည် ဈေးယူကာ ထပ်ဆင့်ရောင်းချရာ တစ်ရက်လျှင် တောင်းရေ (၁၀) လုံးခန့် ရောင်းချရကြောင်း သိရှိရပြီး   စိန်တစ်လုံးသရက်သည် လှိုင်လှိုင်ပေါ်နေသည့် အချိန်ဖြစ်၍ "အသီးမှာ သရက်၊ အသားမှာ ဝက်၊ အရွက်မှာ လက်ဖက်ဆိုသည့်အတိုင်း  စိန်တလုံးသရက်သည်" ယခုအချိန်တွင် ရောင်းအား အကောင်းဆုံးအချိန်ဖြစ်၍ ရောင်းချသည့် ပွဲရုံလက်ကားဒိုင်နှင့် လက်လီးဈေးသည်များပါ အမြတ် အစွန်းများ ပိုမိုရရှိကြောင်း သိရှိရပါသည်။

DOCA(စစ်ကိုင်း)