သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှာကြားချက်အရ မြောက်ပိုင်းခရိုင်အတွင်းရှိ စက်မှုဇုန်များတွင် စီးပွားရေးလုပ်ကိုင်ဆောင်ရွက်နေသော လုပ်ငန်းရှင်များ၏ လုပ်ငန်းဆောင်ရွက်မှုအခက်အခဲများကိုသိရှိနိုင်ရန် မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး၊ ဦးအောင်တင်စိုးနှင့်ဝန်ထမ်းများသည် အမှတ်(၂၃၅)၊ ကနောင်မင်းသားကြီးလမ်း၊ ဇုန်(၂)၊ လှိုင်သာယာမြို့နယ်ရှိ Global Eelectric Technology လျှပ်စစ်ပစ္စည်းစက်ရုံသို့ သွားရောက်စစ်ဆေးခဲ့ရာ စက်ရုံ၌ စက်ယူနစ်များမရှိတော့ဟုသိရှိရပြီး အခြားလုပ်ငန်းလုပ်ကိုင်ခြင်းမရှိဘဲ Global Eelectric Technology စက်ရုံအဖြစ်သာ ဆက်လက်သုံးစွဲထားကြောင်းသိရှိရပါသည်။

DOCA(ရန်ကုန်)

     ပြည်ထောင်စုဝန်ကြီး၏ လမ်းညွှန်မှာကြားချက်အရ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယတိုင်းဒေသကြီးဦးစီးမှူး ဦးမြင့်အောင်ဦးဆောင်၍ မြန်မာနိုင်ငံဆေးနှင့်ဆေးလုပ်ငန်းရှင်များအသင်းမှ ဒေါက်တာမျိုးသန့်၊ ပြည်သူ့ကျန်းမာရေးဦးစီးဌာနမှ ဒေါက်တာဝင်းမြင့်သူ၊ အစားအသောက်နှင့် ဆေးဝါးကွပ်ကဲရေးဦးစီးဌာန (ရန်ကုန်)မှ၊ ဒေါ်ဇွန်လေးနွယ်၊ မင်္ဂလာဒုံမြို့နယ်၊ အထွေထွေအုပ်ချုပ်ရေးမှူးရုံးမှ ဦးမျိုးဦး စသည့်အဖွဲ့ဝင်များ ပူးပေါင်း၍ (၈-၅-၂၀၂၄) ရက်နေ့၊ နေ့လယ် (၁၄:၃၀) နာရီအချိန်တွင် အမှတ် (၂ဘီ/ R(၆))လမ်း၊ ရန်ကုန်စက်မှုဇုန်၊ မင်္ဂလာဒုံမြို့နယ်နယ်ရှိ Zuellig Pharma Service ltd မှ စီးပွားရေးလုပ်ငန်းရှင် ဦးအောင်ကျော်ဦးနှင့်သွားရောက်တွေ့ဆုံ၍ ဆေးသိုလှောင်ရုံတွင်းရှိ ဆေးဝါးများအား စစ်ဆေးမှုပြုလုပ်ခဲ့ကြောင်းသိရှိရပါသည်။

      ဆေးသိုလှောင်ရုံအတွင်း စစ်ဆေးရာတွင် အဆီကျဆေး၊ ဆီးချိုထိန်းဆေး၊ ဆီးချိုဆေး၊ အနာကျတ်ဆေး၊ အစာအိမ်ဆေး၊ ခေါင်းမူးပြေဆေး၊ ဝမ်းပျော့ဆေး၊ ပိုးသတ်ဆေး၊ ကင်ဆာဆေး၊ မေ့ဆေး၊ ကျောက်ကပ်ဆေး၊ သန္ဓေခိုင်ဆေး၊ ခံတွင်းဖျန်းဆေး(အရည်)/အမှုန့်၊ ကိုယ်ဝန်ဆောင်အားဆေး၊ အာရုံကြောအားဆေး၊ ဂျပန်ဦးနှောက်ရောင်ကာကွယ်ဆေး၊ ကြီးထွားဟော်မုန်းဆေး စသည့် ‌ဆေးအမည်ပေါင်း (၁၇)မျိုး၏ ဝယ်ယူသည့်အရေအတွက်၊ သိုလှောင်ရုံပစ္စည်းလက်ကျန်၊ ဝယ်ယူသည့်နိုင်ငံ၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း၊ ပစ္စည်းပြတ်လပ်မှုရှိ/မရှိ၊ ဖြစ်သင့်ဖြစ်ထိုက်သည့်‌ဈေးနှုန်းထက် ဈေးနှုန်းမြှင့်တင်ရောင်းချမှုရှိ/ မရှိတို့ကို အသေးစိတ်စိစစ်၍ ဓါတ်ပုံမှတ်တမ်းများရယူခဲ့ပြီး အဆိုပါဆေးဝါးများကို တစ်နိုင်ငံလုံးရှိ ဆေးရုံ၊ ဆေးခန်းများသို့ ဖြန့်ဖြူးရောင်းချလျက်ရှိကြောင်း သတင်းရရှိပါသည်။

DOCA(ရန်ကုန်)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့် ပခုက္ကူခရိုင်ဦးစီးမှူး၏ကြီးကြပ်မှုဖြင့် (၈.၅.၂၀၂၄) ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့၊ အမှတ်(၁)ရပ်ကွက်ရှိ သမဝါယမဦးစီးဌာန၌ အသိပညာပေးဟောပြောပွဲပြုလုပ်ခဲ့ရာ ဝန်ထမ်း(၂၃)ဦးတို့ တက်ရောက်ခဲ့ကြပါသည်။ ဟောပြောပွဲတွင် သမဝါယမဦးစီးဌာနမှ ဦးစီးအရာရှိက ကြိုဆိုနှုတ်ခွန်းဆက်စကား ပြောကြားခဲ့ပြီး ဦးစီးမှူး ဦးဇော်ထွန်းဦးက ဌာန၏သမိုင်းကြောင်းနှင့် ဌာနမှဆောင်ရွက်နေသည့် လုပ်ငန်းတာဝန်များအကြောင်းကို ဦးစွာပထမ အသိပညာပေးဟောပြောဆွေးနွေးခဲ့ပါသည်။

    ဆက်လက်၍ ဦးစီးမှူး ဦးဇော်ထွန်းဦးက စားသုံးသူကာကွယ်ရေး အခန်း(၁၈)ပါ ကုန်အညွှန်း အမှတ်အသားများတွင် ထည့်သွင်းဖော်ပြရမည့် အချက်(၈)ချက်အား တက်ရောက်လာသည့်ဝန်ထမ်းများကို ကျယ်ကျယ်ပြန့်ပြန့်ရှင်းလင်းပြီး ကုန်အညွှန်းအမှတ်အသားများမပါလျှင် ဝယ်ယူစားသောက်ခြင်း မပြုစေလိုကြောင်း၊ ကုန်အညွှန်းအမှတ်အသားများပြည့်စုံမှသာလျှင် သုံးစွဲစေလိုကြောင်း၊ စားသုံးသူမိဘပြည်သူများက တိကျစွာလိုက်နာဆောင်ရွက်ရန်လိုအပ်ကြောင်း ရှင်းလင်းပြောကြားခဲ့ပါသည်။

     ဒုတိယဦးစီးမှူး ဒေါ်မျိုးသန္တာဝင်းက စားသုံးသူကာကွယ်ရေးဥပဒေ၊ အခန်း(၉)ပါ စားသုံးသူ များရရှိနိုင်သည့် အခွင့်အရေး (၈) ချက်နှင့်  စားသုံးသူများ လိုက်နာရမည့်တာဝန် (၄) ချက် ကိုလည်း ဝန်ထမ်းများအား သိရှိနားလည်စေရန် ရှင်းလင်းဆွေးနွေး ပြောကြားခဲ့ပါသည်။ ယခုလို သိရှိမှသာ မိမိတို့ရရှိမည့် အခွင့်အရေးများကို တောင်းခံနိုင်မည်ဖြစ်ကြောင်း၊ စားသုံးသူများအနေဖြင့် လည်း မိမိတို့လိုက်နာရမည့် တာဝန်များကိုလည်း တိတိကျကျလိုက်နာရန်လိုအပ်ကြောင်း ရှင်းလင်း ဆွေးနွေးခဲ့ပါသည်။ 

     ထို့နောက် ဦးစီးမှူး ဦးဇော်ထွန်းဦးက ဝန်ထမ်းများအနေဖြင့် အခွင့်အရေးများကို သိရှိပြီး နစ်နာဆုံးရှုံးမှုများရှိခဲ့လျှင် တိုင်ကြားနိုင်ရန် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ “CICC” ရုံးများ ဖွင့်လှစ်ထားရှိပြီးဖြစ်ကြောင်း၊ တိုင်ကြားမှုများကို CICC ရုံးခန်းတွင်လည်းကောင်း၊ Facebook စာမျက်နှာတွင်လည်းကောင်း၊ DOCA Myanmar Application တွင်လည်းကောင်း၊ Consumer Call Center ဖွင့်လှစ်ထားသည့် (1535)တွင် လည်းကောင်း တိုင်ကြား နိုင်ကြောင်းနှင့် Website(www.doca.gov.mm)တွင်လည်း ဌာနအတွင်းလုပ်ငန်းဆောင်ရွက်မှုများကိုလည်း ဝင်ရောက်လေ့လာနိုင်ကြောင်း  ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် (၇.၅.၂၀၂၄) ရက်နေ့၊ နံနက်(၁၁:၀၀)နာရီအချိန်တွင် ပခုက္ကူခရိုင်၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ရုံး၌ စားသုံးသူရေးရာဦးစီးဌာန၊ ပခုက္ကူမြို့နယ်တာဝန်ခံ ဦးဇော်မင်းဦးသည် ပခုက္ကူမြို့နယ်ပြန်ကြား ရေးနှင့်ပြည်သူ့ဆက်ဆံရေးဦးစီးမှူးနှင့် ပူးပေါင်းပြီး “စီးပွားရေးလုပ်ငန်းရှင်၏ လိုက်နာရမည့်တာဝန်များ အသိပညာပေး” Talk Show ပွဲ ပြုလုပ်ကျင်းပခဲ့ပါသည်။

     Talk Show တွင်စားသုံးသူရေးရာဦးစီးဌာန၊ ပခုက္ကူမြို့နယ်တာဝန်ခံဦးဇော်မင်းဦးက စားသုံးသူရေးရာဦးစီးဌာန၏ ဆောင်ပုဒ်၊ မျှော်မှန်းချက်၊ ရည်မှန်းချက်၊ ဌာနသမိုင်းအကျဉ်း၊ စားသုံးသူကာကွယ်ရေးဥပဒေ၊ နည်းဥပဒေထုတ်ပြန်သည့်ရက်စွဲ၊ ပါဝင်သည့်အခန်း၊ ပုဒ်မများကို ပြောကြားခဲ့ပြီး စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်း အမှတ်အသားဖော်ြပခြင်း နှင့်စပ်လျဉ်း၍ ကုန်စည်အုပ်စုအမျိုးအစားအလိုက် သတ်မှတ်ချက်များနှင့်အညီ ထုတ်လုပ်ရောင်းချပြီး အခန်း(၁၈)၊ ပုဒ်မ(၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ အခြားဘာသာတစ်ခု(သို့မဟုတ်) တစ်ခုထက်ပို၍တွဲလျက်ဖြစ်စေ၊ ထုတ်ကုန်၏ ကုန်စည်ပေါ်တွင် ဖော်ပြရောင်းချရန်နှင့် ကုန်စည်၊ဝန်ဆောင်မှုနှင့်စပ်လျဉ်း၍ အာမခံချက်ပေးမှုအပေါ် စားသုံးသူမှစိတ်ကျေနပ်မှုရရှိစေရေးနှင့် စီးပွားရေးလုပ်ငန်းရှင်၏ လိုက်နာရမည့်လုပ်ငန်း တာဝန်များအား အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

    ခရီးသွားလုပ်ငန်းများဆောင်ရွက်ရာတွင် အရေးကြီးသည့်ဟိုတယ်များနှင့် စားသောက်ဆိုင်များ၌ တည်းခို‌နေထိုင်ခြင်း၊ စားသောက်ခြင်းနှင့် ပတ်သက်၍ အစားအ‌သောက်များ ကောင်းမွန်စေရေး၊ ရောင်းချသည့်အစားအစာများ အာဟာရဖြစ်ပြီး ကျန်းမာရေးနှင့်ညီညွတ်သည့် အစားအစာများ ဖြစ်စေရေး၊ သန့်ရှင်းသပ်ရပ်မှုရှိစေရေးအတွက် ဟိုတယ်နှင့်ခရီးသွားညွှန်ကြားမှုဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့နှင့် စားသုံးသူရေးရာ ဦးစီးဌာနတို့ ပူးပေါင်းကွင်းဆင်းစစ်ဆေး အသိပညာပေးခြင်းတို့ ဆောင်ရွက်ခဲ့ကြောင်း သိရှိရပါသည်။

    (၆.၅.၂၀၂၄)ရက်နေ့၊ နံနက်(၁၀:၀၀)နာရီအချိန်တွင်  ကောင်းကောင်း၊ ပုလဲရွှေရည်ဟိုတယ် (၃)ခု၊ ရိုးရှင်းစားသောက်ဆိုင်နှင့် (၇.၅.၂၀၂၄)ရက်နေ့၊ နံနက်(၁၀:၃၀)နာရီအချိန်တွင် My Riever View၊ နန်းထိုက်သူ၊ ထိန်ထိန်သာ၊ ဖန်ခါးမြေ၊ Win Hotel (၄)ခုနှင့် လက်ရွေးစင် စားသောက် ဆိုင်တို့အား သက်ဆိုင်ရာဌာနအလိုက် ဥပဒေ၊ နည်းဥပဒေ၊ အမိန့်နှင့် ညွှန်ကြားချက်တို့အား ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး ဒေါ်တင်တင်လှမှ စားသုံးသူကာကွယ်ရေး ဥပဒေ-၂၀၁၉ ပါ စီးပွားရေးလုပ်ငန်းရှင်၏ တာဝန်များ၊ ဝန်ဆောင်မှုနှင့် စပ်လျဉ်း၍ အာမခံချက်များ၊ ကုန်စည် သို့မဟုတ် ဝန်ဆောင်မှုလုံခြုံစိတ်ချရမှု၊ ဘေးအန္တရာယ်ရှိ သောဝန်ဆောင်မှုကို တားမြစ်ခြင်းနှင့် ဝန်ဆောင်မှုအပေါ် တာဝန်ရှိမှုတို့အား အသေးစိတ်ရှင်းလင်း ဆွေးနွေးခဲ့ကြောင်း သိရှိရပါသည်။

DOCA(မကွေး)