သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြောက်ပိုင်းခရိုင်၊ မှော်ဘီမြို့နယ်၊ ပြည်လမ်း၊ တပ်ကြီးကုန်း ကျေးရွာရှိ Star Hight-2 ဆိုင်တွင် (၇.၅.၂၀၂၄)ရက်နေ့ နံနက် (၉:၃၀)နာရီအချိန်တွင် မှော်ဘီ မြို့နယ်ခွဲမှ ဒေါ်ဖြူဖြူမြင့်၊ ဒုတိယကြီးကြပ်ရေးမှူးက ဆိုင်တာဝန်ခံ ဦးစိုးသီဟနှင့် ဆိုင်ဝန်ထမ်းအား အသိပညာပေး ဟောပြောရာတွင် မိမိတို့ဦးစီးဌာန၏ မိတ်ဆက်အမှာစကား ပြောကြားပြီး စက်သုံးဆီ ဈေးနှုန်း၊ ဆီပြတ်လပ်မှုရှိ/မရှိ၊ နေ့စဉ်ဆီဘောက်ဆာကားဝင်ရောက်မှု၊ စက်သုံးဆီလက်ကျန်အခြေ အနေများကို အချိန်နှင့်တပြေးညီစာရင်းပြုစုပေးပို့ရန်နှင့် ကုန်စည်၊ ဝန်ဆောင်မှုနှင့်ပတ်သက်၍ နစ်နာဆုံးရှုံးမှုများရှိခဲ့လျှင် တိုင်ကြားနိုင်ပါကြောင်း ဆွေးနွေး ဟောပြောခဲ့ပါသည်။

DOCA(ရန်ကုန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ်တာဝန်ခံရုံးအနေဖြင့်  စားသုံးသူပြည်သူများဘေးအန္တရာယ် ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးအတွက် လစဉ်ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိရာ ၂၀၂၄ခုနှစ်၊မေလ(၇)ရက်နေ့၊ နံနက် (၀၉း၃၀)နာရီအချိန်တွင် ကျွန်းလှမြို့၊ သစ်ရာမြိုင်ဈေးတိုက်တန်းရှိ မုန့်မျိုးစုံရောင်းဝယ်ရေးဆိုင်များအား မြို့နယ်အထွေထွေအုပ်ချုပ်ရေးဦစီးဌာနမှ ဒု-ဦးစီးမှူး ဒေါ်ယွန်းမီမီထွန်း၊ ကျွန်းလှမြို့နယ်ရဲတပ်ဖွဲ့မှ ဒု-ရဲအုပ် သော်တာလမင်းနှင့် ဝန်ထမ်းများ၊ မြို့နယ်စည်ပင်သာယာရေးအဖွဲ့မှ ဒု-ဦးစီးမှူး ဦးမင်းကျော့မောင်နှင့် စားသုံးသူရေးရာဦးစီးဌာန၊  ကျွန်းလှမြို့နယ်တာဝန်ခံ ဒေါ်ဝေဝေအောင်တို့ပူးပေါင်းကာ ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရှိရပါသည်။

     ထိုသို့ဈေးကွက်စောင့်ကြည့်စစ်ဆေးရာတွင် ကျွန်းလှမြို့နယ်တာဝန်ခံက စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းအကြောင်းများ၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါအကြောင်းအရာများ၊ အသင့်စားမုန့်အမျိုးမျိုးတွင် ပါဝင်ရမည့် ကုန်စည်၏အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်းဖော်ပြချက်တို့ကို မြန်မာဘာသာဖြင့် မဖြစ်မနေဖော်ပြရမည်ဖြစ်ကြောင်း၊ ဆိုင်ရှင်များအား ဥပဒေပါ စီးပွားရေးလုပ်ငန်းရှင်၏တာဝန်များနှင့် လိုက်နာရမည့်အချက်များအကြောင်းနှင့် ကုန်အညွှန်းအမှတ်အသားပြည့်စုံမှုမရှိသော ကုန်စည်များကို တင်သွင်းရောင်းချခြင်းမပြုရန်ပြောကြားခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

        ပြည်ထောင်စုဝန်ကြီး၏ လမ်းညွှန်မှာကြားချက်အရ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယတိုင်းဒေသကြီးဦးစီးမှူး ဦးတင်မိုးအောင်ဦးဆောင်၍ မြန်မာနိုင်ငံဆေးနှင့်ဆေးလုပ်ငန်းရှင်များဆေးအသင်းမှ ဒေါက်တာမျိုးသန့်၊ ပြည်သူ့ကျန်းမာရေးဦးစီးဌာန (အရှေ့ပိုင်းခရိုင်ရုံး)မှ ဒေါက်တာရဲထက်အောင် အစားအသောက်နှင့်ဆေးဝါးကွပ်ကဲရေးဦးစီးဌာန(ရန်ကုန်)မှ ဒေါက်တာအောင်ကိုကို၊ မြို့နယ်အုပ်ချုပ်ရေးမှူး ဦးသက်နိုင်ဝင်း စသည့် အဖွဲ့ဝင်များပူးပေါင်း၍ ၆.၅.၂၀၂၄ ရက်နေ့၊ နေ့လယ် (၁၃:ဝ၀) နာရီတွင် အမှတ် (၈၆/၉၆-A)၊ မြန်မာ့ဂုဏ်ရည်လမ်းနှင့်မြဧရာလမ်း သာကေတစက်မှုဇုန်ရှိ Fair Deal Co.,Ltd မှ ဆေး သိုလှောင်ရုံတာဝန်ခံ ဦးမျိုးမင်းအောင်နှင့် သွားရောက်တွေ့ဆုံ၍ ဆေးသိုလှောင်ရုံတွင်းရှိ ဆေးဝါးများအား စစ်ဆေးမှုပြုလုပ်ခဲ့ကြောင်း သိရှိရပါသည်။

     ဆေးသိုလှောင်ရုံအတွင်း စစ်ဆေးရာတွင် အဆီကျဆေး၊ ဆီးချိုဆေး၊ အသည်းဆေး၊ အကိုက်အခဲပျောက်ဆေး၊ သွေးတိတ်ဆေး၊ ပိုးသတ်ဆေး စသည့် ‌ဆေးအမည်ပေါင်း (၆) မျိုး၏ ဝယ်ယူသည့်အရေအတွက်၊ ရောက်ရှိရက်စွဲ၊ ရောင်းချသည့်အရေအတွက်၊ သိုလှောင်ရုံ ပစ္စည်း လက်ကျန်၊ ဝယ်ယူသည့်နိုင်ငံ၊ သိုလှောင်သည့်နေရာ၊ ဝယ်ယူသည့်ဈေးနှုန်း၊ ရောင်းချသည့်ဈေးနှုန်း စသည်တို့ကို အသေးစိတ်စိစစ်၍ ဓါတ်ပုံမှတ်တမ်းများရယူခဲ့ကြောင်း၊ ဆေးဆိုင်များနှင့် ဆေးရုံ/ဆေးခန်းများသို့ တိုက်ရိုက် ဖြန့်ချိသည့် ကုမ္ပဏီဖြစ်ကြောင်း သိရှိရပါသည်။

DOCA(ရန်ကုန်)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ်တာဝန်ခံရုံးအနေဖြင့်  မေလ(၇)ရက်နေ့၊ နံနက် (၀၇း၃၀)နာရီ အချိန်တွင် ကျွန်းလှမြို့ပေါ်ရပ်ကွက်အတွင်းရှိ ဆေးနှင့်ဆေးပစ္စည်းအရောင်းဆိုင်များအား  မြို့နယ်အထွေထွေအုပ်ချုပ်ရေးဦးစီးဌာနမှ ဒု-ဦးစီးမှူး ဒေါ်ယွန်းမီမီထွန်း၊ မြို့နယ်ရဲတပ်ဖွဲ့မှ ရဲမှူးလှဌေးနှင့်ဝန်ထမ်းများ၊ မြို့နယ်ကျန်းမာရေးဦးစီးဌာနမှ သားဖွားဆရာမများ၊ မြို့နယ်စည်ပင်သာယာရေးအဖွဲ့မှ အမှုဆောင်အရာရှိ ဦးစိုးထိုက်၊ စားသုံးသူရေးရာဦးစီးဌာန၊  ကျွန်းလှမြို့နယ်တာဝန်ခံ ဒေါ်ဝေဝေအောင်တို့ပူးပေါင်းကာ ဆေးနှင့်ဆေးပစ္စည်းအရောင်းဆိုင်များသို့သွားရောက်၍ ကွင်းဆင်းစစ်ဆေးခြင်းဆောင်ရွက်ခဲ့ကြောင်း သိရှိရပါသည်။

     ထိုသို့ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် ဆေးနှင့်ဆေးပစ္စည်းအရောင်းဆိုင်မှ စီးပွားရေးလုပ်ငန်းရှင်များအနေဖြင့် ဈေးကွက်အတွင်း ဆေးနှင့်ဆေးပစ္စည်းများ၊ ကျန်းမာရေးအထောက်အကူပြုပစ္စည်းများအား ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း (သို့မဟုတ်) ဈေးကစား ရန်ရည်ရွယ်ချက်ဖြင့် သိုလှောင်ထားပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်မည်ဖြစ်ကြောင်း၊ ဆေးဆိုင်များပုံမှန်ဖွင့်လှစ်ရောင်းချနိုင်ရေး ဆေးပြတ်လပ်မှုမဖြစ်ပေါ်စေရေး အဓိကထားဆောင်ရွက်ရန်၊ ၎င်းနောက် ဈေးကွက်အတွင်း တရားမဝင်တင်သွင်းလာသောဆေးဝါးများ၊ စံမညီဆေးဝါး များ၊ ဆေးဝါးအတုများ၊ စပ်ဆေးများ၊ သက်တမ်းလွန်ဆေးဝါးများနှင့် လိုင်စင်မဲ့ဆေးဝါးများကိုလည်းရောင်းချခြင်းမပြုရန်နှင့် သက်ဆိုင်ရာဌာနများ၏ ညွှန်ကြားချက်များ၊ ဥပဒေများကိုလည်း လိုက်နာဆောင်ရွက်ကြရန်လိုအပ်ကြောင်း အသိပညာပေးပြောကြားခဲ့မှုကိုသိရှိရပါသည်။

DOCA(စစ်ကိုင်း)

         မေလ ပထမပတ်တွင် ကော့မှူးမြို့နယ်၌ အခြေခံစားသောက်ကုန်များဖြစ်သော ဆန်ကြမ်း၊ ဆန်ချောအမျိုးအစားအလိုက် (ထိပ်စ၊လတ်စ၊နိမ့်စ)များတွင် ဧည့်မထတစ်ပြည်လျှင် (၃၈၀၀၊ ၄၀၀၀)ကျပ်ထိ၊ မီးဒုံးဆန်ရိုးရိုးတစ်ပြည်လျှင် (၄၅၀၀၊၄၆၀၀)ကျပ်ထိ၊ တောင်ပျံဆန်(ရိုးရိုး) တစ်ပြည်လျှင် (၅၀၀၀၊၅၂၀၀) ကျပ်ထိ၊ ဧရာဝတီပေါ်ဆန်းတစ်ပြည်လျှင် (၅၈၀၀၊၆၂၀၀)ကျပ်ဖြင့် လည်းကောင်း၊  စားအုန်းဆီတစ်ပိဿာလျှင် ယခင်တစ်ပတ်တွင်(၅၄၅၀)ကျပ်၊ ယခုအပတ်တွင် (၅၄၅၀)ကျပ် ဈေးနှုန်းတည်ငြိမ်းလျှက်ရှိပြီး၊ ပဲဆီတစ်ပိဿာလျှင်(၁၈၀၀၀)ကျပ်ဖြင့်လည်းကောင်း၊ ကြက်သွန်နီအသစ်ဆိုဒ်စုံတစ်ပိဿာလျှင်(၂၅၀၀၊၂၈၀၀၊၃၀၀၀)ကျပ်၊ ကြက်သွန်ဖြူ(အမွှာ) တစ်ပိဿာလျှင်(၁၅၀၀၀)ကျပ်၊ ကြက်သွန်ဖြူ(ကြူကုတ်) တစ်ပိဿာလျှင်(၁၄၀၀၀)ကျပ်၊ အာလူးတစ်ပိဿာလျှင်(၃၀၀၀)ကျပ်၊ နနွင်းမှုန့်တစ်ပိဿာလျှင် (၁၀၀၀၀)ကျပ်၊ (ရိုးရိုး)ဆား တစ်ပိဿာလျှင်(၅၀၀)ကျပ်၊ အိုင်အိုဒင်းဆားတစ်ထုတ်လျှင်(၆၀၀)ကျပ်၊ ငြုတ်တောင့်(အရှည်) တစ်ပိဿာလျှင်(၅၅၀၀)ကျပ်၊ ငြုတ်တောင့်(စက)တစ်ပိဿာလျှင်(၁၁၀၀၀)ကျပ်၊ ငြုတ်တောင့် (အပု) တစ်ပိဿာလျှင(၁၁၅၀၀)ကျပ်၊ ကုလားပဲဇံခြမ်းတစ်ပိဿာလျှင်(၇၀၀၀)ကျပ်၊ မန်းကျည်း အမှည့်(အသစ်) တစ်ပိဿာလျှင်(၆၀၀)ကျပ်၊ ငံပြာရည်တစ်ပိဿာလျှင်(၁၀၀၀)ကျပ်၊ ငါးရံ့ ခြောက်တစ်ပိဿာလျှင်(၆၀၀၀၀)ကျပ်၊ ခေါက်ဆွဲခြောက်တစ်ထုပ်(၅၀၀)ကျပ်၊ ကြက်ဥတစ်လုံး လျှင် (၃၀၀)ကျပ်၊ ဘဲဥတစ်လုံး(၃၀၀-၄၀၀)ကျပ်တို့ဖြင့် အရောင်းအဝယ်ဖြစ် လျှက်ရှိပါသည်။

         အလားတူဗမာကြက်တစ်ပိဿာလျှင်(၂၂၀၀၀)ကျပ်၊ Cp ကြက်တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာလျှင်(၁၆၀၀၀)ကျပ်၊ အမဲသားတစ်ပိဿာလျှင် (၁၅၀၀၀)ကျပ်၊ ဆိတ်သား တစ်ပိဿာလျှင် (၂၅၀၀၀)ကျပ်၊ ငါးမြစ်ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင်(၉၀၀၀)ကျပ်ဖြင့်လည်းကောင်း ဈေးနှုန်းအသီးသီးတို့ဖြင့် ရန်ကုန်တိုင်းဒေသကြီး၊ ကော့မှူးမြို့နယ် စည်ပင်သာယာမြို့မဈေးအတွင်း အရောင်းအဝယ်ဖြစ်လျက်ရှိကြောင်း သိရ သည်။

         ယခင်အပတ်နှင့်ယခုအပတ်နှိုင်းယှဉ်ရာတွင်စားသောက်ကုန်ဈေးနှုန်းများအနက် ဆန်ဈေး အနည်းငယ်တက်ပြီး၊ အခြားစားသောက်ကုန်များမှာလည်း အနည်းငယ်အတက်၊ အကျရှိပြီး စားအုန်းဆီဈေးနှုန်းမှာတည်ငြိမ်လျှက်ရှိကြောင်း သိရသည်။

DOCA(ရန်ကုန်)