မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် ပဲမျိုးစုံဖြစ်သော ပဲစင်းငုံနီ၊ ကုလားပဲ၊ ပဲယင်း၊ ပဲတီစိမ်း၊ ပဲနှောက်၊ ပဲကြီး၊ ထောပတ်ပဲနှင့် အခြားပဲများကို စိုက်ပျိုးထုတ်လုပ်လျက်ရှိပါသည်။ ပခုက္ကူမြို့၏ အဓိကစိုက်ပျိုးသော ပဲသီးနှံမှာ ပဲစင်းငုံနီ၊ ကုလားပဲ၊ မြေပဲ၊ နှမ်းနှင့် ပဲတီစိမ်းတို့ကို အဓိကစိုက်ပျိုးကြပါသည်။ ပဲတီစိမ်းကြီးကို ပခုက္ကူမြို့နှင့် ကျေးရွာများဖြစ်သော ချောက်ကန်အုပ်စု၊ အင်ပင်၊ မန်ကျီးကိုးပင်၊ ကိုင်းအုပ်စု၊ မြိုင်နယ်နှင့် ပခုက္ကူမြို့နယ်ကြားရှိ ကျေးရွာများ၊ ကန်တော်၊ ကန်လှ၊ ညောင်ပင်လှ၊ ဒဟတ်ချောက်၊ သမင်အုပ်၊ ကန်ရပ်ကျေးရွာများတွင် ပဲစင်းငုံစိုက်ပျိုး ရိတ်သိမ်းမှုအပြီးတွင် နွေပဲတီစိမ်းကြီးကို ရေသွင်းစိုက်ပျိုးကြပါသည်။ ၂၀၂၄ခုနှစ်၊ မေလ(ပထမပတ်) တွင် ပခုက္ကူကုန်စည်ဒိုင်၌ ပဲတီစိမ်းကြီး စတင်ဝင်ရောက်အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။
မေလ(ပထမပတ်)တွင် ပခုက္ကူကုန်စည်ဒိုင်၌ဖြစ်ပေါ်ခဲ့သော ပဲတီစိမ်းကြီး(ပြောင်) ဈေးနှုန်းမှာ တစ်တင်းလျှင် ကျပ်(၆၀၀၀၀)ဖြစ်၍ အရောင်းအဝယ်ဖြစ်မှုအိတ်ရေမှာ အိတ်(၅၀)မှ အိတ်(၁၀၀)ထိဖြစ်နေပြီး တင်ပို့မှုအနေဖြင့် ရန်ကုန်သို့တင်ပို့နေကြောင်း ကုန်စည်ဒိုင်မှသိရှိရပါသည်။
DOCA(မကွေး)