ဆူးပုတ်ပင်သည် မြန်မာနိုင်ငံဒေသအနှံ့အပြားတွင် စိုက်ပျိုးကြပါသည်။ ဆူးပုတ်ပင်တွင် ဆူးပုတ်ကြီးမျိုးနှင့် ဆူးပုတ်ကလေးမျိုးဟူ၍ (၂)မျိုးရှိပါသည်။ ဆူးပုတ်ကြီးမျိုး၏အရွက်မှာ အရွယ်အစားကြီးပြီး အနံ့ပိုပြင်းပါသည်။ ဆူးပုတ်ကလေးမျိုး၏အရွက်မှာ အရွယ်အစားသေးပြီး အနံ့မှာ ဆူးပုတ်ကြီးအနံ့လောက်မပြင်းပါ ။ ဆူးပုတ်ပင်တွင် ဆူးကျဲမျိုး၊ ဆူးလတ်မျိုး၊ ဆူးစိတ် မျိုးဟူ၍ (၃)မျိုးရှိပါသည်။ ဆူးပုတ်ပင်သည် တောင်ပေါ်၊ မြေပြန့် ဖြစ်ထွန်းသည့်အတွက် ရာသီမရွေးစိုက်ပျိုး၍ရပါသည်။ ပဲခူးတိုင်းဒေသကြီး အနောက်ပိုင်းရှိ ပြည်မြို့နယ်အတွင်း ကျေးလက်ဒေသများတွင် စီးပွားဖြစ်စိုက်ပျိုးခြင်း၊ တစ်နိုင်တစ်ပိုင်ခြံများတွင် စိုက်ပျိုးကြပါသည်။ ဆူးပုတ်ပင်သည် စတင်စိုက်ပျိုးပြီးနောက် သက်တမ်း(၆)လအကြာတွင် ဆူးပုတ်အညွှန့်လေးများ အား ခူးယူရရှိနိုင်ပါသည်။ ဆူးပုတ်အညွန့်များအားတစ်ရက်ခူးယူပြီးလျှင် နောက်ထပ် (၃)ရက်အကြာမှသာ ထပ်မံခူးယူရနိုင်ပါသည်။ ၂၀၂၄ခုနှစ် ဧပြီလနောက်ဆုံးပတ်တွင် ဈေးကွက်အတွင်း ဆူးပုတ်ညွန့်များအား ရောင်းချနေရာ အညွန့်(၃)ခက်ပါတစ်စည်းလျှင် ၂၀၀ကျပ်နှုန်းဖြင့် ရောင်းချနေကြောင်း သိရှိရပါသည်။
စားသုံးသူရေးရာဦးစီးဌာန
ပြည်ခရိုင်