Main menu

မော်လမြိုင် မုန့်မျိုးစုံလုပ်ငန်းရှင်များ အစုအဖွဲ့ ဖွဲ့စည်း

Powered by Drupal

မွန်ပြည်နယ်စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများနှင့် ပြည်တွင်း ကုန်သွယ်မှု ဖွံ့ဖြိုးတိုးတက်ရေးလုပ်ငန်းတို့ကို ‌ဆောင်ရွက်လျှက်ရှိပြီး အသင်းအဖွဲ့များ ဖွံ့ဖြိုးတိုးတက်ရေးအတွက်လည်း ဝိုင်းဝန်းပံ့ပိုးကူညီဆောင်ရွက်လျှက်ရှိရာ ၁၁.၂.၂၀၂၀ ရက်နေ့တွင် မော်လမြိုင်မြို့နှင့် အနီးပတ်ဝန်းကျင်ရှိ မုန့်မျိုးစုံလုပ်ငန်းလုပ်ကိုင်နေသော လုပ်ငန်းရှင်များစုစည်း၍ အစုအဖွဲ့ ဖွဲ့စည်းခြင်းကို မွန်ပြည်နယ်စားသုံး သူရေးရာဦးစီးဌာန၊ ပြည်နယ်ဦးစီးမှူးရုံး၌ ကျင်းပပြုလုပ်ခဲ့သည်။

          ပထမဦးစွာ ပြည်နယ်ဦးစီးမှူး ဦးခင်အောင်သွင် က အဖွင့်အမှာစကားပြောကြားရာတွင် မိမိတို့ ဌာန အနေဖြင့် အသင်းအဖွဲ့များ ဖွံ့ဖြိုးတိုးတက်ရေးကို ဝိုင်းဝန်းကူညီထိန်းကျောင်းပေးနေကြောင်း၊ တစ်ဦး တစ်ယောက်ချင်းဆောင်ရွက်ခြင်းထက် အသင်းအဖွဲ့ဖြင့် ဆောင်ရွက်ခြင်းက ပို၍ ထိရောက်အောင်မြင် ကြောင်း၊ ဗဟိုအလုပ်အမှုဆောင်ရွေးချယ်ရာတွင် အဖွဲ့အတွက် အမှန်တကယ်အလုပ်လုပ်သူ၊ ပေါင်းသင်း ဆက်ဆံရေးအဆင်ပြေမည့်သူများကို ရွေးချယ်ကြစေလိုကြောင်း၊ အချို့မဲခွဲဆုံးဖြတ်ရမည့်ကိစ္စများတွင် အဆင်ပြေစေရန် EC အဖွဲ့ကို မဂဏန်းဖြင့် ဖွဲ့စည်းကြစေလိုကြောင်း၊ ကုန်ပစ္စည်း (မုန့်မျိုးစုံ) ပေါ်၌ မိမိ ထုတ်ကုန်တံဆိပ်အမှတ်အသားများဖော်ပြရာတွင် စားသုံးသူကာကွယ်ရေးဥပဒေပါ ကုန်အညွှန်းအမှတ် အသားဖော်ပြချက်နှင့်အညီ ဖော်ပြဆောင်ရွက်ကြရန်နှင့် ဌာနမှ ကူညီဆောင်ရွက်ပေးလျှက်ရှိသော အခြေအနေများကို ရှင်းလင်းပြောကြားခဲ့ပြီး မွန်ပြည်နယ်စားသုံးသူရေးရာဦးစီးဌာနဝန်ထမ်းများက စားသုံးသူကာကွယ်ရေးဥပဒေသိကောင်းစရာများ၊ ကုန်အညွှန်းအမှတ်အသားဖော်ပြချက် ၂/၂၀၁၉ အမိန့် ကြော်ငြာစာများပါရှိသည့် လက်ကမ်းစာစောင်များအား ဖြန့်ဝေပေးခဲ့ကြသည်။

          မော်လမြိုင်မြို့ မုန့်မျိုးစုံလုပ်ငန်းရှင်များ ဗဟိုအလုပ်မှုဆောင်အဖွဲ့ကို နာယက (၂) ဦး၊ ဥက္ကဌ၊ ဒုဥက္ကဌ၊ အတွင်းရေးမှူး၊ တွဲဘက်အတွင်းရေးမှူး၊ ဘဏ္ဍာရေးမှူး၊ တွဲဘက်ဘဏ္ဍာရေးမှူး အပါအဝင် ဗဟို အလုပ်အမှုဆောင်အဖွဲ့ကို (၁၁) ဦးဖြင့် ဖွဲ့စည်းခဲ့ပြီး မော်လမြိုင်မုန့်မျိုးစုံလုပ်ငန်းရှင်များအစုအဖွဲ့ကို အဖွဲ့ဝင်စုစုပေါင်း (၂၅) ဦးဖြင့် ဖွဲ့စည်းခဲ့ကြောင်း သိရှိရပါသည်။

မွန်ပြည်နယ်

စားသုံးသူရေးရာဦးစီးဌာန