မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်အတွင်း ပဲစဉ်းငုံ၊ မြေပဲ၊ နှမ်း၊ ပဲတီစိမ်း၊ CP ပြောင်းဖူးစေ့၊ ထောပတ်ပဲနှင့် မတ်ပဲ သီးနှံများကို အများအပြား စိုက်ပျိုးလျက်ရှိပါသည်။ ရေစကြိုမြို့ နယ်အတွင်း ဖြတ်သန်းစီးဆင်းနေသည့် ချင်းတွင်းမြစ်၏ အရှေ့ဘက်နှင့် အနောက်ဘက်ရှိ ကျေးရွာ များတွင် သီးထပ်အဖြစ် နွေမတ်ပဲ သီးနှံများကို ဒီဇင်ဘာလနှင့် ဇန်နဝါရီလများတွင် စတင်စိုက်ပျိုး ကြပါသည်။ ကူတုတ်ကျေးရွာတွင် ဧက (၁၀၀)ခန့် စိုက်ပျိုးထားရှိပြီး (၅) ဧက စိုက်ပျိုးထားရှိသည့် တောင်သူ ဦးဝင်းထွန်းမှ ယခင်နှစ်က (၁) ဧက စိုက်ပျိုးစရိတ်အနေဖြင့် မျိုး၊ သွင်းအားစု၊ ထွန်ယက်ခ၊ ရိတ်သိမ်းချွေလှေ့ခ စုစုပေါင်းကုန်ကျစရိတ်မှာ ကျပ်(၈) သိန်း မှ ကျပ် (၁၀) သိန်းခန့် ကုန်ကျကြောင်း၊ ယခုနှစ်တွင် (၁) ဧက စိုက်ပျိုး စရိတ်အနေဖြင့် မျိုး၊ သွင်းအားစု၊ ထွန်ယက်ခ၊ ရိတ်သိမ်းချွေလှေ့ခ စုစုပေါင်းကုန်ကျစရိတ်မှာ ကျပ်(၁၀) သိန်း မှ ကျပ် (၁၅) သိန်းခန့် ကုန်ကျကြောင်း ပြောကြားချက် အရ သိရှိရပါသည်။
မတ်ပဲ (၁) ဧက ထွက်ရှိမှုအနေဖြင့် ရာသီဥတုအခြေအနေအပေါ်မှုတည်၍ အထွက်တင်းများ ကွာခြားလျက်ရှိပါသည်။ ယခင်နှစ်က မိမိအနေဖြင့် (၃)ဧကခန့် စိုက်ပျိုးခဲ့ရာ (၁) ဧကလျှင် (၂၂)တင်း ခန့် ထွက်ရှိခဲ့ပြီး (၁)တင်းလျှင် ကျပ် (၉၀၀၀၀)ဖြင့် ရောင်းချခဲ့ရသည့်အတွက် အကျိုးအမြတ် ကျပ် (၉)သိန်းခန့် ရရှိခဲ့ပါသည်။ ယခုနှစ်အနေဖြင့် ရာသီဥတုအခြေအနေကောင်းသဖြင့် အထွက်တင်း (၂၀) မှ (၂၅)တင်းခန့် ထွက်ရှိနိုင်ကြောင်း မေလတွင် စတင်ရိတ်သိမ်းရမည်ဖြစ်ပါသည်။ ဈေးနှုန်း အနေဖြင့် ရေစကြိုမြို့နယ်တွင်၂၀၂၆ခုနှစ်၊ ဧပြီလ(စတုတ္ထပတ်)တွင် မတ်ပဲ (၁)တင်းလျှင် ကျပ်(၈၉၀၀၀)ဖြင့် အရောင်းအဝယ် ဖြစ်လျက်ရှိပါသည်။ မတ်ပဲစိုက်တောင်သူများအနေဖြင့် ယခုလက်ရှိဈေးနှုန်းနှင့် အကျိုးအမြတ်တွက်ကြည့်လျှင် (၁) ဧက ကျပ် (၇) သိန်းခန့်ရရှိနိုင်ကြောင်း၊ မတ်ပဲသီးနှံသည် ရာသီ ဥတုဒဏ်၊ အလုပ်သမားအခက်အခဲဒဏ်၊ လေလွင့်ဆုံးရှုံးမှုနည်းပါးသောကြောင့် နွေမတ်ပဲသီးနှံများကို သီးထပ်အဖြစ် အများအပြားစိုက်ပျိုးနေကြကြောင်း သိရှိရပါသည်။
DOCA(မကွေး)