ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် အခွန်လွတ်ဈေးအတွင်းသို့ နှင်းသီးများ ဇန်နဝါရီလ ၁၅ရက်နေ့အတွင်းက ဝင်ရောက်လျက်ရှိကြောင်း ဈေးကွက်အတွင်းမှ သိရသည်။ နှင်းသီးများကို ရန်ကုန်မှော်ဘီ တိုက်ကြီးဘက်မှ စိုက်ပျိုးထွက်ရှိသော နှင်းသီးများဖြစ်ပြီး တစ်နေ့လျှင် နှင်းသီး အလုံး ၁သောင်းပါ အိတ်များ ကားများဖြင့် ညပိုင်းတွင်ရောက်ရှိလာပြီး မအူပင်မြို့နယ် အခွန်လွတ်ဈေးတွင် နံနက် ၅နာရီဈေး၌ ရောင်းချလျက်ရှိကြောင်း သိရသည်။
နှင်းသီးများ တစ်နေ့လျှင် အလုံး ၁သောင်းပါ အိတ်အရေအတွက် ၈၀မှ ၁၀၀ ကြား ဝင်ရောက်လျှက်ရှိပြီး ယနေ့အထိ နှင်းသီး အိတ်ရေ ၉၆၀၊ အလုံးအရေအတွက် ၉၆၀၀ ၀၀၀ ခန့် ဝင်ရောက်လျက်ရှိပြီး အရောင်းအဝယ်ဖြစ်လျှက်ရှိသည်။ ဈေးကွက်အတွင်း နှင်းသီးလက်လီဈေးအနေဖြင့် ၁၀လုံးလျှင် ၁၅၀၀ကျပ်ဖြင့် ရောင်းချနေပြီး လက်ကားဈေးအနေဖြင့် အလုံး၁သောင်းပါ နှင်းသီး ၁အိတ်လျှင် ၅၀၀၀၀၀ ကျပ် ဖြင့် ဝယ်ယူရကြောင်း မအူပင်မြို့နယ် အခွန်လွတ်ဈေးမှ အခြားဈေးများသို့ ဖြန့်ခွဲရောင်းချပေးလျှက်ရှိကြောင်း သိရသည်။ နှင်းသီးသည် အရည်ရွှမ်းပြီး ချိုမြိန်နူးညံ့တဲ့ နှင်းသီးတွေဟာ ကျန်းမာရေးကို များစွာ အထောက်အကူပြုတဲ့ သစ်သီးဝလံ တစ်မျိုးလည်း ဖြစ်သည်။
DOCA(ဧရာဝတီ)