စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူအသိပညာပေးဟောပြောပွဲများကို အခြေခံပညာကျောင်းများ၊ ဌာနဆိုင်ရာများ၊ တပ်ရင်းတပ်ဖွဲ့များ၊ ရပ်ကွက်များ၊ ကျေးရွာများ၊ ဈေးများနှင့်စက်ရုံအလုပ်ရုံတို့တွင် ဆောင်ရွက်လျက်ရှိကြောင်းသိရှိရပါသည်။
စားသုံးသူအသိပညာပေးဟောပြောပွဲဆောင်ရွက်ရာ (၂-၄-၂၀၂၄)ရက်နေ့တွင် ကျွန်းလှမြို့နယ်တာဝန်ခံရုံးအနေဖြင့် မြို့နယ်စည်ပင်သာယာရေးအဖွဲ့ရုံး၌ စားသုံးသူအသိပညာပေးဟောပြောခြင်း(၁)ကြိမ်ဆောင်ရွက်ခဲ့ကြောင်း၊ (၂၂-၄-၂၀၂၄)ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့နယ်၊ မျိုးသန့်ခြံ၌ စားသုံသူအသိပညာပေးဟောပြောပွဲ(၁)ကြိမ်ဆောင်ရွက်ခဲ့ပြီး တာဝန်ရှိသူများအနေဖြင့် “ပြည်သူတိုင်းသည် စားသုံးသူဖြစ်သည်၊ စားသုံးသူတိုင်းမှာ စားသုံးသူအခွင့်အရေးရှိသည်” ဆိုသည့်အတိုင်း စားသုံးသူအခွင့်အရေး (၈)ချက်ကို သိရှိနားလည်ထားရန်လိုအပ်ကြောင်း၊ စားသုံးသူနစ်နာဆုံးရှုံးမှုများကြုံတွေ့လာရပါက တိုင်ကြားနိုင်သည့်နည်းလမ်းများကိုလည်းကောင်း၊ ထုတ်ကုန်လုံခြုံစိတ်ချရမှုရှိသော ကုန်စည်နှင့်ဝန်ဆောင်မှုများကို သေချာစိစစ်ရွေးချယ်ဝယ်ယူအသုံးပြုကြရန်လိုအပ်ကြောင်း ဟောပြောဆွေးနွေးခဲ့ပြီး စားသုံးသူအသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်းသိရှိရပါသည်။
DOCA(စစ်ကိုင်း)