သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ ဧရာဝတီတိုင်းဒေသကြီး မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းသည် တိုင်းဒေသကြီးဦးစီးမှူး ဦးဇေယျာဆွေနှင့်အတူ မအူပင်ခရိုင် ပန်းတနော်မြို့နယ်ရှိ Global Earth Argo & Aqua public Co.,Ltd သို့ (၇၊၅၊၂၀၂၄) ရက်နေ့၊ နံနက် (၁၀:၀၀)နာရီအချိန်က သွားရောက်၍ ကုမ္ပဏီလုပ်ငန်းအခြေအနေနှင့်  Gasifier တည်ဆောက်မှု စက်ရုံအခြေအနေများ၊ ငါးမွေးမြူရေးလုပ်ငန်း ဆောင်ရွက်မှုအခြေအနေတို့ကို ကွင်းဆင်းလေ့လာကြည့်ရှုခဲ့ကြသည်။

     စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုံး(ရုံးအုပ်)သည် ၁၃.၅.၂၀၂၄ ရက်နေ့တွင် ဝိုင်းမော်မြို့၊ မဒိန်ရပ်ကွက်အတွင်းရှိ ဆန်စက်လုပ်ငန်းရှင်(၁)ဦးနှင့် တွေ့ဆုံ၍ စားသုံးသူကာကွယ်ရေးဥပဒေပြဌာန်းချက်ပါ စီးပွားရေးလုပ်ငန်းရှင်များ လိုက်နာရန်အချက်အလက်များနှင့် ပတ်သက်၍ ရှင်းလင်းဆွေးနွေးခြင်း ဆောင်ရွက်ခဲ့ပါသည်။