ရန်ကုန်တိုင်းဒေသကြီး၊ တောင်ဥက္ကလာပ မြို့နယ်နေ တိုင်ကြားသူတစ်ဦးသည် Clothing Online Shop တစ်ခုမှ အမျိုးသမီးဝတ် ဝမ်းဆက်(၂)စုံမှာယူခဲ့ရာ ပစ္စည်းရောက်ရှိချိန် တွင် မှာယူခဲ့သည့် ဝမ်းဆက်(၂)စုံအနက် (၁)စုံမှာ မှားယွင်းနေ သည်ကို တွေ့ရှိရသဖြင့် Online Shop သို့ ဆက်သွယ်ပြောကြား ခဲ့ရာ အရောင်တူပစ္စည်းမှာ ကုန်နေကြောင်း ပြောကြားလာသော ကြောင့် ငွေပြန်အမ်း‌ပေးရန်ပြောကြားခဲ့မှုအပေါ် ဆောင်ရွက် ပေးမှုမရှိဘဲ Block သွားသောကြောင့် စားသုံးသူရေးရာဦးစီးဌာန ၏ Email မှတစ်ဆင့် တိုင်ကြားလာပါသည်။

       ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်နေ တိုင် ကြားသူတစ်ဦးသည် ကုမ္ပဏီတစ်ခုတွင် ဦးထုပ်အလုံး (၁၀၀) အတွက် စရံငွေကျပ် ၄၀၀,၀၀၀/- ပေးသွင်း၍ ၇-၆-၂၀၂၆ ရက်နေ့အမှီ ဦးထုပ်များပေးပို့ရန် ပြောကြားခဲ့သော်လည်း ကုမ္ပဏီမှပေးပို့နိုင်ခြင်းမရှိပါကြောင်း၊ ထိုသို့ပေးပို့နိုင်ခြင်း မရှိ သည့်အပေါ် ကုမ္ပဏီအနေဖြင့် တစ်စုံတစ်ရာ တာဝန်ယူ ဆောင်ရွက်ပေးမှုမရှိဘဲ စရံငွေ ပြန်အမ်းပေးမည်ဟုသာ ပြော ကြားလာပြီး ပစ္စည်းအပ်နှံမှုမရှိသောကြောင့် စားသုံးသူရေးရာဦးစီးဌာန၏ Website Complaint System မှတစ်ဆင့်တိုင်ကြားလာပါသည်။

      ရန်ကုန်တိုင်းဒေသကြီး၊ ရွှေပြည်သာမြို့နယ်နေ တိုင် ကြားသူတစ်ဦးသည် အစားအသောက်ပို့ဆောင်ရေး App တစ်ခု မှ Order မှာရန် Order တန်ဖိုး ငွေ ကျပ် ၃၆,၁၅၀/- အား Online Payment ဖြင့် ပေးချေရာတွင် Payment successful မပြသဖြင့် နေ့ခင်း(၁၂း၀၅)တွင် Cancel ပြုလုပ်ခဲ့ရာ Order Cancel ဖြစ်သွားသော်လည်း Online Payment မှ ငွေဖြတ် တောက်သွားသောကြောင့် စားသုံးသူရေးရာဦးစီးဌာန၏ Website Complaint System မှတစ်ဆင့် တိုင်ကြားလာပါသည်။

      ရန်ကုန်တိုင်းဒေသကြီး၊ တာမွေမြို့နယ်နေ တိုင်ကြားသူ တစ်ဦးသည် ကုမ္ပဏီတစ်ခုမှ အာမခံသက်တမ်း (၅)နှစ် ပါရှိသည့် ရေခဲသေတ္တာဝယ်ယူခဲ့ပါကြောင်း၊ အာမခံသက်တမ်း(၃)နှစ်တွင် ရေခဲ သေတ္တာမှာ မအေးတော့သဖြင့် ကုမ္ပဏီသို့ဆက်သွယ် အကြောင်း ကြားခဲ့ရာCompressor လဲလှယ်ရန်လိုအပ်ကြောင်း ပြောကြားလာ ပြီး အာမခံသက်တမ်းအတွင်း အကျုံးဝင်သော်လည်း တန်ဖိုးပေးအပ် ရမည်ဖြစ်ကြောင်း ပြောကြားလာသောကြောင့် စားသုံးသူရေးရာ ဦးစီးဌာန၏ Website Complaint System မှတစ်ဆင့်တိုင်ကြားလာပါသည်။