ဖြေရှင်းဆောင်ရွက်ပေးမှုများ

Junction Centre ( Naypyitaw) ရှိ Ocean ထဲတွင် ရောင်းချသော“xxx” ဇယန်းညွန့်စပ် ဗူးတွင် ကုန်ဆုံးရက်မှာ ၁၀-၁-၂၀၁၈ ခုနှစ် ဖြစ်၍ ဝယ်ယူခဲ့သော်လည်း ဖောက်ကြည့်ခဲ့ရာ မှိုများ တွေ့ရှိရသည်ကို တိုင်ကြားမှုအပေါ် ၁၇-၁၀-၂၀၁၇ ရက်နေ့တွင် Ocean Supercentre မှ ဆက်သွယ် ၍ တောင်းပန်မှု ပြုလုပ်ခဲ့ပြီး ည ၇:၅၆  နာရီတွင် “xxx”လက်ဖက်ဗူး အသစ်အား စားသုံးသူထံ လာရောက်လဲလှယ်ပေးခဲ့ရာ တိုင်ကြားသူအနေဖြင့် CICC ၏ ညှိနှိုင်းဖြေရှင်းပေးမှုနှင့် Ocean Supercentre မှ လာရောက် တောင်းပန်၍ ပစ္စည်းအသစ် လဲလှယ်ပေးမှုတို့ကြောင့် စိတ်ကျေနပ်မှု ရရှိစေခဲ့ပြီး ဖြေရှင်းဆောင်ရွက်ပေးနိုင်ခဲ့ပါသည်။

xxx ကင်ဆာအမြစ်ပြတ်ဆေးအား Online ပေါ်တွင် ပြန်လည်ရောင်းချမှုနှင့် ပတ်သက်၍ ထပ်မံတိုင်ကြားလာခြင်းကိစ္စအပေါ် ၇-၁၂-၂၀၁၇ ရက်နေ့တွင် ရန်ကုန်မြောက်ပိုင်းခရိုင် ဦးစီးမှူးရုံးမှ ဝန်ထမ်းများသည် အင်းစိန်မြို့နယ်၊ အရှေ့ကြို့ကုန်းရပ်ကွက်ရှိ xxx တိုင်းရင်း ဆေးဝါးစက်ရုံနှင့် တွဲဖွင့်ထားသော ဆေးခန်းသို့ အသွင်ယူစုံစမ်းရာ အထွေထွေမန်နေဂျာ ဒေါ်စန်းစန်းရီက တာဝန်ယူကုသပေးနိုင်ကြောင်း၊ အဆိုပါဆေးဗူးအမှတ်တံဆိပ်ပေါ်တွင် ဆေးအမည်၊ ပါဝင်သောပစ္စည်းများ၊ သုံးစွဲရန်အညွှန်း၊ တိုင်ရင်းဆေးဝါးထုတ်လုပ်ခွင့်မှတ်ပုံတင်အမှတ်၊ ၃/၂၀၁၃ တဆထလ (တိုး) ၀၈၈၃၊ တိုင်းရင်းဆေးဝါးမှတ်ပုံတင်အမှတ်မပါ၊ Lot No. ၊ ထုတ်လုပ်သည့် ရက်စွဲ၊ ကုန်ဆုံးသည့် ရက်စွဲ၊ ထုတ်လုပ်သည့်လိပ်စာ၊ ဖုန်းနံပါတ်များ ပါဝင်သည်ဟု စုံစမ်းတွေ့ရှိရ ပါသည်။

၂၀၁၆ ခုနှစ် ဇွန်လအတွင်းတွင် မန္တလေးမြို့နေ စားသုံးသူတစ်ဦး ဝယ်ယူခဲ့သော LCD-TV မှာ အာမခံသက်တမ်းတစ်နှစ်မပြည့်မီပျက်စီးသွားသဖြင့် အရောင်းစင်တာသို့ ပြန်လည် ပြင်ဆင်ပေးရန် တောင်းဆိုခဲ့ရာတွင် အရောင်းဆိုင်မှ ပြင်ဆင်ဆောင်ရွက်ပေးခြင်းနှင့်အစားထိုးလဲလှယ်ပေးခြင်း ငြင်းဆန်ခဲ့ပြီး သုံးစွဲသူ၏အားနည်းချက်ကြောင့် ပျက်စီးခြင်းဖြစ်ကြောင်းအကြောင်းပြခဲ့သဖြင့် ထိခိုက်နစ်နာသူမှ သူ၏ လူမှုကွန်ရက်စာမျက်နှာ Facebook တွင် postတင်ခဲ့ပါသည်။
ယင်း Post အား မန္တလေးတိုင်းဒေသကြီး၊ စားသုံးသူရေးရာဦးစီးဌာနမှ သိရှိပြီး နစ်နာဆုံးရှုံးသည့် စားသုံးသူနှင့့် ဆက်သွယ်တွေ့ဆုံ၍ ထိခိုက်နစ်နာမှုအပေါ် စိစစ်ခဲ့ပြီး နောက် လုပ်ငန်းရှင်နှင့်ဝယ်ယူသုံးစွဲသည့် စားသုံးသူများ အကြားအငြင်းပွားမှု အပေါ် TV အသစ် တစ်လုံး အစားထိုးလဲလှယ်ပေးရန် ညှိနှိုင်းဆောင်ရွက်ပေးခဲ့ပါသည်။