အွန်လိုင်းမှအင်္ကျီဝယ်ယူခြင်းနှင့်ပတ်သက်၍ တိုင်ကြားလာမှုအပေါ် ဖြေရှင်းပေးမှုအခြေအနေ

       ရန်ကုန်တိုင်းဒေသကြီး၊ တောင်ဥက္ကလာပ မြို့နယ်နေ တိုင်ကြားသူတစ်ဦးသည် Clothing Online Shop တစ်ခုမှ အမျိုးသမီးဝတ် ဝမ်းဆက်(၂)စုံမှာယူခဲ့ရာ ပစ္စည်းရောက်ရှိချိန် တွင် မှာယူခဲ့သည့် ဝမ်းဆက်(၂)စုံအနက် (၁)စုံမှာ မှားယွင်းနေ သည်ကို တွေ့ရှိရသဖြင့် Online Shop သို့ ဆက်သွယ်ပြောကြား ခဲ့ရာ အရောင်တူပစ္စည်းမှာ ကုန်နေကြောင်း ပြောကြားလာသော ကြောင့် ငွေပြန်အမ်း‌ပေးရန်ပြောကြားခဲ့မှုအပေါ် ဆောင်ရွက် ပေးမှုမရှိဘဲ Block သွားသောကြောင့် စားသုံးသူရေးရာဦးစီးဌာန ၏ Email မှတစ်ဆင့် တိုင်ကြားလာပါသည်။

ဖြေရှင်းဆောင်ရွက်မှုအခြေအနေ။    တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား ခံရသည့် Clothing Online Shop တစ်ခုမှ တာဝန်ရှိသူများထံသို့ ဆက်သွယ်အကြောင်းကြားခဲ့ရာ Online Shop မှ တာဝန်ရှိသူများသည် တိုင်ကြားသူအား ဆက်သွယ်၍ အဆင်မပြေ ဖြစ်ပွားခဲ့မှုများ အပေါ် တောင်းပန်စကား ပြောကြားခဲ့ပြီး မှားယွင်းပေးပို့ခဲ့သည့် အင်္ကျီတန်ဖိုး ငွေကျပ် ၂၁၅,၀၀၀/-အား တိုင်ကြားသူ၏ K pay Account အတွင်းသို့ ပြန်လည်ထည့်သွင်း ပေးခဲ့မှုအပေါ် တိုင်ကြားသူမှ ကျေနပ်လက်ခံသောကြောင့် တိုင်ကြားမှုကို  ပိတ်သိမ်း‌ဆောင်ရွက်ခဲ့ပါသည်။