ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်နေ တိုင် ကြားသူတစ်ဦးသည် ကုမ္ပဏီတစ်ခုတွင် ဦးထုပ်အလုံး (၁၀၀) အတွက် စရံငွေကျပ် ၄၀၀,၀၀၀/- ပေးသွင်း၍ ၇-၆-၂၀၂၆ ရက်နေ့အမှီ ဦးထုပ်များပေးပို့ရန် ပြောကြားခဲ့သော်လည်း ကုမ္ပဏီမှပေးပို့နိုင်ခြင်းမရှိပါကြောင်း၊ ထိုသို့ပေးပို့နိုင်ခြင်း မရှိ သည့်အပေါ် ကုမ္ပဏီအနေဖြင့် တစ်စုံတစ်ရာ တာဝန်ယူ ဆောင်ရွက်ပေးမှုမရှိဘဲ စရံငွေ ပြန်အမ်းပေးမည်ဟုသာ ပြော ကြားလာပြီး ပစ္စည်းအပ်နှံမှုမရှိသောကြောင့် စားသုံးသူရေးရာဦးစီးဌာန၏ Website Complaint System မှတစ်ဆင့်တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား ခံရသည့်ကုမ္ပဏီမှ တာဝန်ရှိသူများထံသို့ ဆက်သွယ်အကြောင်းကြားခဲ့ရာ တိုင်ကြားသူသည် ကုန် ပစ္စည်းမှာယူရာတွင် ဖုန်းဖြင့်လည်းကောင်း၊ စာဖြင့်လည်းကောင်း ရင့်သီးစွာပြောဆိုခဲ့ကြောင်း၊ ကုမ္ပဏီမှ ဝန်ထမ်းများက တိုင်ကြားသူမှာကြားသည့်ကုန်ပစ္စည်းကို ထုတ်လုပ်ပြီးသည့် သတ်မှတ် ရက်တွင် တိုင်ကြားသူထံဆက်သွယ်သော်လည်း ဆက်သွယ်မှုကိုလက်မခံဘဲ စားသုံးသူရေးရာဦးစီး ဌာနသို့ တိုင်ကြားစာပေးပို့ခြင်းဖြစ်ပါကြောင်း၊ ကုမ္ပဏီအနေဖြင့် ကုန်ပစ္စည်းအမှာများ လက်ခံဆောင် ရွက်ရာတွင် ကျသင့်တန်ဖိုး၏ ၅၀% ကိုသာ ကောက်ခံဆောင်ရွက်ရခြင်းဖြစ်ပြီး ကုန်ကြမ်းနှင့် စား စရိတ်အတွက် ကုန်ကျငွေမှာ ကျသင့်တန်ဖိုး၏ ၈၅% ရှိပါကြောင်း၊ ကုန်ပစ္စည်းများမှာကြားပြီး မယူဖြစ်ပါက နစ်နာဆုံးရှုံးသူမှာ ကုမ္ပဏီသာဖြစ်ပါကြောင်း၊ သို့သော် တိုင်ကြားသူ စိတ်ကျေနပ်စေရန် လက်ခံထားသော စရံငွေကျပ် ၄၀၀,၀၀၀/-အား ၂၉-၆-၂၀၂၆ ရက်နေ့တွင် တိုင်ကြားသူ၏ K pay နံပါတ်သို့ ပြန်လည်ပေးအပ်ပြီးဖြစ်ပါကြောင်းတို့ကို ကုမ္ပဏီမှတာဝန်ရှိသူများက ငွေလွှဲပြေစာနှင့်အတူ ပြန်လည်တင်ပြလာမှုကို တိုင်ကြားသူထံ အကြောင်းကြားရာ စရံငွေပြန်လည်ရရှိပြီး ကျေနပ်ပါသဖြင့် တိုင်ကြားမှုကို ပိတ်သိမ်းဆောင်ရွက်ခဲ့ပါသည်။