အရန်ဆန်တန်ချိန် ၃ သိန်းအထိ မလေးရှား စုဆောင်းထား

       ကမ္ဘာလုံးဆိုင်ရာ စွမ်းအင်အကျပ်အတည်းကြောင့် ရိက္ခာထောက်ပံ့ပေးသွင်းမှု အလျဉ်ပြတ် လပ်ခြင်း ဖြစ်ပေါ်လာနိုင်ခြေရှိသည့်အပေါ် ကြိုတင်စီမံဆောင်ရွက်မှုအဖြစ် မလေးရှားအစိုးရသည် နိုင်ငံ၏ အရန်ဆန်သိုလှောင်ထားရှိမှုကို တန်ချိန် ၃၀၀၀၀၀ အထိ တိုးမြှင့်ခဲ့သည်။

       လယ်ယာစိုက်ပျိုးရေးနှင့် စားနပ်ရိက္ခာဖူလုံမှု ဝန်ကြီး Datuk Seri Mohamad Sabu က အဆိုပါ လုပ်ဆောင်ချက်သည် ပြည်သူလူထု၏ အခြေခံလိုအပ်ချက်များကို ဖြည့်ဆည်းပေးမှု သေချာခိုင်မာအောင် လုပ်ကိုင်နေချိန်၌ ဆန်ရောင်းလိုအားကို ဆက်လက်လုံလောက်မှုရှိစေရန်နှင့် ဖူလုံစေရန် ရည်ရွယ်ခြင်းဖြစ်ကြောင်း၊ အစိုးရသည် အခြေအနေအရပ်ရပ်ကို စဉ်ဆက်မပြတ် စောင့် ကြည့်ထိန်းကျောင်းလျက်ရှိပြီး အလေ့အလွင့်ဖြစ်ပေါ်မှုကို ရှောင်ကြဉ်ရန်နှင့် ခြိုးခြံချွေတာသည့် အလေ့အထကို ကျင့်သုံးရန် ၎င်းအနေဖြင့် နိုင်ငံသားများသို့ တိုက်တွန်းလိုကြောင်း၊ နိုင်ငံ၏ စားနပ် ရိက္ခာဖူလုံမှု ဆက်လက်ခိုင်မာမှုရှိစေရေးအတွက် ယခုကဲ့သို့ အားထုတ်ဆောင်ရွက်ခြင်းဖြစ်ပြီး နိုင်ငံသားတိုင်းသည် ရိက္ခာထောက်ပံ့ပေးသွင်းမှု သေချာခြင်းနှင့် လုံလောက်မှုရှိခြင်းတို့ကို ရရှိခံစား နိုင်မည်ဖြစ်ကြောင်း ဧပြီ ၂၀ ရက်နေ့၌ ပြောဆိုခဲ့သည်။

      အနောက်အာရှဒေသ၌ ပထဝီနိုင်ငံရေး မတည်ငြိမ်မှုများ ဖြစ်ပေါ်မှုနှင့်အတူ စားနပ်ရိက္ခာ ဖူလုံမှုရှိစေရေး ကြိုတင်စီမံဆောင်ရွက်မှုအဖြစ် နိုင်ငံတော် အရန်ဆန် သိုလှောင်ထားရှိမှုကို ၉ လ တာ ကာလအထိ လုံလောက်မှုရှိအောင် တိုးမြှင့်ရန် အစိုးရက သဘောတူညီခဲ့သည်ဟု ဝန်ကြီး Mohamad Sabu က မတ်လ ၁၃ ရက်နေ့တွင်လည်း ပြောကြားထားခဲ့သည်။

Source: Bernama, 20 April 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)