ရန်ကုန်တိုင်းဒေသကြီး၊ ကမာရွတ်မြို့နယ်နေ တိုင်ကြားသူ တစ်ဦးသည် အိတ်အရောင်းဆိုင် တစ်ဆိုင်မှ Long Champ Luxury Bag များအား အစစ်အမှန်ဖြစ်ကြောင်း ပြောဆိုရောင်းချလာသဖြင့် တစ်လုံးလျှင် တန်ဖိုးငွေကျပ် ၃၈၉,၉၀ဝ/- (၁)လုံးနှင့် တန်ဖိုးငွေကျပ် ၃၅၄,၃၀ ဝ/-တန် (၁)လုံး တို့ကို စုစုပေါင်းတန်ဖိုး ငွေကျပ် ၇၄၄,၂၀၀/-ဖြင့် ဝယ်ယူခဲ့ပြီး အိတ်များအား စစ်ဆေးရာတွင် အစစ်အမှန် မဟုတ် သည်ကို တွေ့ရှိရသဖြင့် တန်ဖိုးငွေပြန်အမ်းပေးရန် ပြောကြားသော်လည်း ပြန်အမ်းပေးခြင်းမရှိ သောကြောင့် စားသုံးသူရေးရာဦးစီးဌာန၏ Website Complaint System သို့ ဆက်သွယ်တိုင် ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား ခံရသည့် အိတ်အရောင်းဆိုင်မှ တာဝန်ရှိသူထံ အကြောင်းကြားဆောင်ရွက်ခဲ့ပါသည်။ နှစ်ဦးနှစ်ဖက် ညှိနှိုင်းဖြေရှင်းရာတွင် ပြေလည်မှုမရရှိသဖြင့် ဌာနမှတာဝန်ရှိသူများက စေ့စပ်ညှိနှိုင်းမှုများ ဆောင် ရွက်ပေးနိုင်ရန် တိုင်ကြားသူနှင့် တိုင်ကြားခံရသည့် အိတ်ဆိုင်မှ တာဝန်ရှိသူတို့အား ဌာနသို့ ခေါ်ယူ တွေ့ဆုံဆွေးနွေးခဲ့မှုအရ အိတ်ဆိုင်မှ တာဝန်ရှိသူက တိုင်ကြားသူအနေဖြင့် ၎င်းတို့ထံမှ မှာယူခဲ့သည့် အိတ်(၂)လုံးအနက် ငွေကျပ် ၃၈၉,၉၀ဝ/- တန်ဖိုးရှိ အိတ်မှာ အသုံးပြုပြီးဖြစ်ကြောင်း သိရှိရသဖြင့် ထိုအိတ်အတွက် ပြန်အမ်းငွေ ပေးအပ်နိုင်ခြင်းမရှိသော်လည်း အသုံးမပြုရသေးသည့် ငွေကျပ် ၃၅၄,၃၀ဝ/- တန်ဖိုးရှိ အိတ်အတွက် ပြန်အမ်းငွေ ပြန်လည်ပေးအပ်မည်ဖြစ်ကြောင်း ဆွေးနွေးခဲ့မှု အပေါ် တိုင်ကြားသူမှ ကျေနပ်လက်ခံသောကြောင့် အိတ်တန်ဖိုးငွေကျပ် ၃၅၄,၃၀ဝ/-ကို လွှဲပြောင်း ပေးပို့ခဲ့ပြီး တိုင်ကြားသူမှလည်း လက်ခံရရှိသဖြင့် တိုင်ကြားမှုကို ပိတ်သိမ်းဆောင်ရွက်ခဲ့ပါသည်။