ရန်ကုန်တိုင်းဒေသကြီး၊ ကျောက်တံတားမြို့ နယ်နေ တိုင်ကြားသူတစ်ဦးသည် ဟိုတယ်တစ်ခု တွင် တစ်ရက်လျှင် ငွေကျပ် ၆၃,၀၀၀/-နှုန်းဖြင့် (၅)ရက် ဆက်တိုက် (၄၅)ရက်သား ကလေးငယ်အပါအဝင် မိသားစုနှင့်အတူ တည်းခိုနေထိုင်ခဲ့ရာ အခန်းအတွင်း ပိုးဟပ်နှင့်အကောင်များအား တွေ့ရှိရသဖြင့် ကျန်းမာရေးထိခိုက်စေနိုင်သောကြောင့် သန့်ရှင်းရေးပြု လုပ်ပေးရန် Reception သို့ ဖုန်းဆက်အကြောင်းကြားခဲ့ပါကြောင်း၊ ကလေးငယ်ပါနေသောကြောင့် ပြောင်းရွှေ့တည်းခိုရန် ခက်ခဲသောကြောင့် သန့်ရှင်းရေးကိုသာ ဦးစားပေးပြုလုပ်ပေးပါရန် ပြောကြား ခဲ့သော်လည်း ပိုးဟပ်နှင့် အကောင်များအား ဖယ်ရှားပေးခြင်းမရှိကြောင်း၊ အခန်းသန့်ရှင်းရေးကိုလည်း သေချာစွာ ပြုလုပ်ပေးခြင်းမရှိသည့်အပြင် အဆိုပါကိစ္စရပ်နှင့်စပ်လျဉ်း၍ တောင်းပန်ခဲ့မှုမရှိခြင်း တို့ကြောင့် စားသုံးသူရေးရာဦးစီးဌာနသို့ Website Complaint System ဖြင့် ဆက်သွယ်တိုင်ကြား လာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား ခံရသည့် ဟိုတယ်မှ တာဝန်ရှိသူများထံ အကြောင်းကြားဆောင်ရွက်ခဲ့မှုအပေါ် ဟိုတယ်မှ တာဝန်ရှိသူ များက တိုင်ကြားသူသည် ၎င်း၏ မိသားစုနှင့်အတူ ဟိုတယ်တွင် လာရောက်တည်းခိုစဉ် အဆင်မပြေ မှုနှင့်စပ်လျဉ်း၍ တိုင်ကြားသူတောင်းဆိုသည့် တည်းခိုစရိတ်များအား ငွေပြန်အမ်းပေးနိုင်ခြင်းမရှိ သော်လည်း ဟိုတယ်တွင် (၂)ရက်တည်းခိုခွင့်ကို Free Of Charges (FOC) ဖြင့် ဆောင်ရွက်ပေး မည်ဖြစ်ကြောင်းနှင့် ပထမတည်းခိုစဉ်က ဖြစ်ပွားခဲ့သည့်ဖြစ်စဉ်မျိုး ထပ်မံမဖြစ်ပွားစေရေး အထူး ဂရုပြု၍လုပ်ဆောင်ပေးမည်ဖြစ်ကြောင်း အကြောင်းပြန်ကြားလာပါသည်။ ဌာနမှတာဝန်ရှိသူများက တိုင်ကြားသူထံ အကြောင်းပြန်ကြားပေးခဲ့ပြီး တိုင်ကြားသူမှလည်း ကျေနပ်မှုရှိပါသောကြောင့် ညှိနှိုင်း ဖြေရှင်းပေးခြင့်ဖြင့် တိုင်ကြားမှုကို ပိတ်သိမ်းဆောင်ရွက်ခဲ့ပါသည်။