မွန်ပြည်နယ်၊ မော်လမြိုင်မြို့နေ တိုင်ကြားသူတစ်ဦးသည် သောက်ရေသန့်လုပ်ငန်းတစ်ခုထံမှ (၂၀လီတာ)သောက်ရေသန့် ဘူးဝယ်ယူသုံးစွဲခဲ့ရာ အခြားအမှတ်တံဆိပ်( အသားတံဆိပ်)ပါ သောက်ရေသန့်ဘူးခွံထဲတွင် ထည့်သွင်းပြီး အခြားအမှတ်တံဆိပ် (အသားတံဆိပ်)ပေါ်မှ ၎င်း၏အမှတ်တံဆိပ် အား စတစ်ကာကပ်၍ ရောင်းချနေသည့်အတွက် စားသုံးသူအား ထင်ယောင်ထင်မှားဖြစ် စေသည့်အပြင် စတစ်ကာတွင် ကုန်အညွှန်းအမှတ်အသား ပြည့်စုံမှုရှိ/မရှိစစ်ဆေးပေးနိုင်ပါရန် စားသုံး သူရေးရာဦးစီးဌာနသို့ စာဖြင့် ပေးပို့တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှ တာဝန်ရှိသူများသည် အစား အသောက်နှင့်ဆေးဝါးကွပ်ကဲရေးဦးစီးဌာန၊ စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီး ဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာနတို့ပါဝင်သော ပူးပေါင်းအဖွဲ့ဖြင့် တိုင်ကြားခံရသည့် သောက်ရေသန့်စက်ရုံသို့ ကွင်းဆင်းစစ်ဆေးရာ စက်ရုံအတွင်းတွင်ရှိသော ၂၀ လီတာ ရေသန့်ဘူးများ မှာ အခြားသောက်ရေသန့်အမည်အမှတ်တံဆိပ်(အသားတံဆိပ်ပါ) ဘူးများဖြစ်နေသည်ကို တွေ့ရှိရ ကြောင်း၊ ကုန်အညွှန်းအမှတ်အသားနှင့်ပတ်သက်၍ အခြားသက်မှတ်ချက်များ ပြည့်စုံသော်လည်း ၂၀ လီတာနှင့် ၁ လီတာဟူသော ဖော်ပြချက်များကို အင်္ဂလိပ်လိုဖော်ပြထားကြောင်းတို့ကို စစ်ဆေးတွေ့ ရှိရသဖြင့် စီးပွားရေးလုပ်ငန်းရှင်အား နောင်အလားတူကိစ္စရပ်များ မဖြစ်ပေါ်စေရေး အလေးထား လိုက်နာဆောင်ရွက်ရန် အသိပေးခြင်းနှင့် ဥပဒေပါပြဌာန်းချက်များအား လိုက်နာဆောင်ရွက်သွား မည်ဖြစ်ကြောင်း ဝန်ခံကတိလက်မှတ်ရေးထိုး ဆောင်ရွက်ခဲ့ပြီး ဆောင်ရွက်မှုကို တိုင်ကြားသူထံ ဆက်သွယ်ရှင်းပြခဲ့ရာ ကျေနပ်မှုရှိသဖြင့် တိုင်ကြားမှုကို ပိတ်သိမ်းဆောင်ရွက်ခဲ့ပါသည်။