စောင်းလျားသီးမှာပါတဲ့အမျှင်ဓာတ်က အစာအိမ်အူလမ်းကြောင်းက အဆိပ်အတောက်တွေကို နည်းပါးစေကာ ကင်ဆာဖြစ်ပွားနှုန်းကို လျော့ချပေးနိုင်တယ်လို့ ဆိုပါတယ်။ ဓာတ်တိုးဆန့် ကျင်ဓာတ်တွေကြောင့် ရောင်ရမ်းမှုတွေကိုသက်သာစေပါတယ်။ အထူးသဖြင့် အရေပြားရောင်ရမ်း လူနာတွေ စားသုံးပေးသင့်ပါတယ်။ ဒါ့အပြင် စောင်းလျားသီးမှာ ဗီတာမင်စီများစွာပါတာမို့ ကော်လ ဂျင်ထုတ်လုပ်မှုကို အားပေးပါတယ်။
စောင်းလျားသီးမှာ ပိုတက်စီယမ်ဓာတ် မြင့်မားစွာပါဝင်ခြင်းကြောင့် ကြွက်တက်ခြင်း မဖြစ်စေသလို ကြွက်သားတစ်သျူးတွေထဲမှာ သွေးလှည့်ပတ်ခြင်းကို ကောင်းစေသည်။ စောင်းလျား သီးမှာ အစွမ်းထက် အင်တီအောက်စီဒင့်တစ်မျိုးဖြစ်တဲ့ ပိုလီဖီနှောပါဝင်မှုများတာကြောင့် နှလုံး သွေးကြောဆိုင်ရာ ရောင်ရမ်းမှုများကို လျော့ကျစေပါတယ်။ သွေးတိုးကိုထိန်းညှိကာ နှလုံးကျန်း မာရေးကို အထောက်အကူပြုပါတယ်။ စောင်းလျားသီးစားတဲ့ နို့တိုက်မိခင်တွေမှာ နို့ပိုထွက်ဖို့ အထောက်အကူပြု တယ်လို့သိရပါတယ်။ စောင်းလျားသီးမှာ ကယ်လိုရီ၊ ကာဗွန်ဟိုက်ဒြိတ်နည်း ပါးပြီး အမျှင်နဲ့အာဟာရ ဓာတ်များစွာပါဝင်တာမို့ ခန္ဓာကိုယ်ရဲ့အစာခြေဖျက်မှုကိုအားပေးကာ ဝိတ်ကျစေနိုင်ပါတယ်။ စောင်းလျားသီးမှာ ဗီတာမင်စီပါဝင်မှုများတာမို့ ပုံမှန်စားရင် ကိုယ်ခံအား ကောင်းစေကာရောဂါတွေ အလွယ်တကူဝင်လို့မရတော့ပါဘူး။ စောင်းလျားသီးမှာပါတဲ့ ကယ်လ်စီ ယမ်၊ ပိုတက်စီယမ်ဓာတ်တွေက နှလုံးသွေးကြောကျဉ်းတာ၊ သွေးတိုးတာတွေကို ကာကွယ်ပေး ပါတယ်။ စောင်းလျားသီးမှာ အမျှင်ဓာတ်များစွာပါဝင်တာမို့ ပုံမှန်စားရင် လေပွခြင်း၊ဝမ်းချုပ်ခြင်းမှ ကင်းဝေးစေမှာပါ။ ဆီးချိုသမားတွေ ဆီးချိုတက်နေရင် နေ့စဉ်တစ်လုံး ပုံမှန်စားသင့်ပါတယ်။ စောင်းလျားသီး ပုံမှန်စားရင်အသည်း အဆီဖုံးရောဂါကို လျော့ပါးစေတယ်လို့ ကြွက်တွေနဲ့ စမ်းသပ် လေ့လာထားမှုအရ သိရပါတယ်။ စောင်းလျားသီးက ဆီးသွား များစေပါတယ်။ ခန္ဓာကိုယ်ထဲ ပိုနေတဲ့ ဆိုဒီယမ်ဓာတ်တွေကို ဆီးထဲသို့စွန့်ထုတ်ကာ သန့်စင်ပေးနိုင်ပါတယ်။ စောင်းလျားသီးမှာ အရောင် ကျစေတဲ့ အာနိသင်ရှိတာမို့ လည်ချောင်းနာခြင်းကို သက်သာစေပါတယ်။ တံတွေးပိုမိုထွက်စေကာ မကောင်းတဲ့ ပိုးမွှားတွေကို နည်းပါးစေပါတယ်။ စောင်းလျားသီးမှာ မဂ္ဂနီဆီယမ်ကြွယ်၀စွာပါ၀င်ပြီး နှစ်ခြိုက်စွာအိပ်ပျော်စေပါတယ်။ ဗီတာမင်အေကြွယ်၀စွာပါ၀င်လို့ မျက်လုံးကျန်းမာရေးကို ကောင်း မွန်စေပါတယ်။ စောင်းလျားသီးမှ ဖျော်ရည်(သို့မဟုတ်)စောင်းလျား သီးမှည့်ကို ငါးပြေမနှင့်ချက်စား ပါက ကျောက်ကပ်ကျောက်တည်ခြင်း၊ ဆီးအိမ်နှင့်သည်းခြေအိတ် တို့တွင် ကျောက်တည်ခြင်းတို့ကို သက်သာပျောက်ကင်းစေပါသည်။ စောင်းလျားသီးကို စားပေးခြင်းဖြင့် ဆီးရောဂါ၊ ဝမ်းရောဂါ၊ သည်းခြေ၊ ကျောက်ကပ် စတဲ့ရောဂါများကို ကာကွယ်ပေးပါတယ်။ စောင်းလျားသီးအစိမ်းကို ငါးပြေမ(သို့မဟုတ်)အခြားငါးများနဲ့ ဓါတ်စာအဖြစ် မကြာခဏ ချက်စားသင့်ပါတယ်။ အသီးမှည့်ကို စားပေးခြင်းကလည်း ဝမ်းချုပ်ရောဂါ၊ ရေငတ်ရောဂါ များကိုပျောက်ကင်းစေသည်။ စောင်းလျား သီးမှည့်ကို သကြားနှင့်စားပါက အော့အန်ခြင်း၊ အစာမကြေ ခြင်းကို ပျောက်ကင်းစေပါသည်။ စောင်းလျားသီးကို ချဉ်ရည်ဟင်း ချက်စားပေးပါက ဆီးနှင့်ဝမ်းကို မှန်စေပါသည်။ အစားအသောက် ပျက်ခြင်း၊ အစာမကြေခြင်းဖြစ်လျှင် စောင်းလျားသီးအစိမ်းကို ပါးပါး လှီး၍ ငါးနှင့်ချက်စားခြင်းဖြင့် ပျောက်နိုင်သည်။
စောင်းလျားသီးမှည့် ၂၀ လုံး၊ သကြား ၅ ကျပ်သား၊ ပျားရည် ၁၂ ကျပ်ခွဲသား၊ စမုန်စပါး၊ စမုန်နီ၊ စမုန်ဖြူ၊ စမြိတ်မှုန့်(၂)ပဲစီ ထည့်၍မွှေပြီး ၁၀ ရက်ခန့်ထားပါ။ ထို့နောက် ဆေးရည်လက်ဖက် ရည်ဇွန်း တစ်ဇွန်းကျ ည၊နံနက်သောက်ပေးခြင်းဖြင့် ရင်ဘတ်နာ၊ လေနာ၊ မီးယပ်၊ ဝမ်းပျက်၊ အသံပျက်ရောဂါများကို သက်သာပျောက်ကင်းစေနိုင်ပါသည်။ အစားစားချင်စိတ်ကို ဖြစ်ပေါ်စေ သဖြင့် ကျန်းမာရေးအတွက် အထာက်အကူပြုသောအသီးဖြစ်ပါသည်။ စောင်းလျားသီးတွင် သံဓာတ်၊ ဗီတာမင်အေ၊ ဗီတာမင်စီ အများအပြားပါဝင်ပြီး အဆီဓာတ် လုံးဝမပါဝင်ပါ။ ကလေး တွေမှာဖြစ်တတ်တဲ့ ရေကျောက်နဲ့ ဝက်သက်နာတို့အတွက် စောင်းလျားရွက်နဲ့အမြစ်ကိုပြုတ်ပြီး ရလာသည့်အနှစ်ရည်ကို လိမ်းပေးလျှင် သက်သာစေသည်။ စောင်းလျားရွက်သည် အရေပြားယား ယံခြင်း၊ စပ်ဖျဉ်းဖျဉ်းဖြစ်ခြင်းကို သက်သာစေပြီး သွေးထွက်တာကို ရပ်တန့်စေပါသည်။ အရှေ့ တောင်အာရှ နိုင်ငံအနှံပေါက်ရောက်ပါသည်။ သတိပြုရန်မှာ ငုံးသား၊ နို့ရည်၊ ရှောက်သီး စသည် တို့နှင့် တွဲဖက်မစားသင့်ကြောင်း သိရှိရသည်။
DOCA(မန္တလေး)